Wulsu 13:4 - Kibaku NT

⁴ Dar vǝkǝr sǝlai ala nggar pwapu kulɗa ni kadǝbar dzǝ la wada ala mawi kulɗa ni, ba dar vǝkǝr sǝlai ala mawi kulɗa ni ba dar ka yuwɛ, “Wa ani apa mawi kulɗa ni? Wa awa mǝzi ka mpa aka dza?”

Wulsu 13:4 Iomraidhean Croise

2 Ndzǝr Kwaranti 4:4

Akuya hyalǝr zaman ǝni mǝrti hankala ndzǝ nam kura aka mbǝrsa ka 'ya ghyang, ani ka kura dar awa wula paraku nǝr ndǝrǝr Hyal nam sǝɗa nǝr nggakurǝr Kǝrsti, dzǝ nam ani dludzǝr Hyal.

2 Ndzǝr Tasalaunika 2:4

Dzǝ ata 'ya dawakur, ba dzǝ ata haɓǝti kǝrni ɓwalta kǝlara sǝ nam tǝ ndǝ ada kǝga Hyal wala tǝ ndǝ ada vǝkǝr sǝlai, ani dzǝ ada mǝrti kǝrni ati akwa fǝr Hyal, dzǝ ada nkǝrɛ ala kǝrni apǝri dzǝ dzahyal.

Wulsu 12:3

Antǝ sǝr ndati damwa sǝba atahyal: nggar pwapu kulɗa laka ngga magza aka kǝr murfwɛ ba tǝmbǝl kumɛ ba aliyapu murfwɛ ata kǝrari yarɛ.

Wulsu 12:4

Kuɗari tsarnta bwa makǝrkur nǝr tsambiya yarɛ atahyal ka pughǝl tǝ dar ata dai. Nggar pwapu kulɗa ni hyati akǝma mwala nda nam ada bara ya ni, ani ka dzǝ ndahǝti zǝrǝrni ni tǝnyi ma dzǝ yai.

Wulsu 13:11

Antǝ Yi wula mawi nam kulɗa damwa ada sǝba akwa dai. Dza aka tǝmbǝl sǝɗɛ apa Zǝr Agam, ama dzǝ ada ndǝrɛ apa nggar pwapu kulɗa.

Wulsu 13:15

Ndǝ lar dǝna ka dzǝ la mpikɛ ala su tara par mawi kulɗa nam tangkǝma ni, ani ka dzǝ mǝzi ka ndǝrɛ ba mǝrti sanga ndzǝ nam tara ngǝla vǝkǝr sǝlai ala parsu ni ka ndǝ tsi tǝ dar.

Wulsu 13:2

Mawi kulɗa tǝ Yi wula ni pa aka wulla, ama aka thlǝlɛ apa thlǝla kufǝr ba nyari apa nya dzǝngai. Nggar pwapu kulɗa ni la dǝnarni ala mawi kulɗa ni ba dǝgǝl kuhyikur ni ba wadarni nam ngga.

Wulsu 17:14

Dar ata 'ya mpa ata kǝra Zǝr Agam ni, ama Zǝr Agam ni ata sǝmkǝr ata kǝra dar kadǝbar dzǝ dza Thlakǝr thlaku yarɛ ba Kuhyir kuhyi yarɛ—ba ata ndzai kaka dza ndzǝ nam tǝ dzǝ kǝgati, ba tsarba ba ndzǝ nam aka mbǝrsa ba ada nuwɛ aka dzǝrkur.”

Wulsu 18:18

Sakatǝ dar wula i'yar mba tǝni, dar tuwa aka dǝna, ‘Mǝlmɛ saga 'ya adai apa mǝlmǝ ǝni ngga ni?’

Wulsu 9:20

Mambiya ndzǝ nam kura ta kurntadzi tǝ kǝriku yarni har kulini dar ta tubi ta sǝr 'yar tsiya dar wɛ; dar ta ngyar vǝkǝr sǝlai ala mambǝl kulɗa yarɛ ni wɛ, ba mǝlǝmǝr dinar, lipǝla, ɗankyalbwa, paya ba fwǝ yarɛ—mǝlǝm nam kura ada wula su wala ngati su wala mwari.