Wulsu 13:3 - Kibaku NT

³ Pathla kǝr yarɛ nǝr mawi ni aka mbǝlku kulɗa nam tǝ dzǝ angwa nti, ama mbǝlku ni ka kuri. Dunya sang ndatǝdzi ba ka nu mawi ni.

Wulsu 13:3 Iomraidhean Croise

Luka 2:1

Akwa saka nda, Kaisar Augustus hyanǝba kuɗahu apǝri ka ndǝ tsǝba sapǝr ndzǝ nam akur kuhyikur Rauma.

Yawhana 12:19

Ani ndzǝr Farisi ka nkǝrɛ ala kǝma dar, “Wulamɛ, su tǝ muri awa mǝzi 'yati adi wɛ! Sanga dunya dar aghǝlari!”

'Ya Su 8:13

Antǝ Simaun tǝ kǝrni mbǝrsa ndǝ ka 'ya alari bamtizǝma. Dzǝ baditsǝni nu Filibusu akwa kǝlara vui nam tǝ dzǝ mwari, ba dzǝ ada ndatǝdzi aka sǝr ndati nam ngga-ngga tǝ Filibus tara 'yati.

Wulsu 13:12

Dza ada 'ya kǝthlǝr aka sanga wadar mawi kulɗa nam tangkǝma ni ata vuiyari, ba dzǝ mǝrti dunya ba ndzǝ nam akwa ka vǝkǝr sǝlai ala mawi kulɗa nam tangkǝma ni, nam tǝ mbǝlkari nam kulɗa ni ka kuri.

Wulsu 13:14

Kadǝbar ka sǝr ndati yarɛ nam tǝ ndǝ lar dǝna tǝ dzǝ ada 'yati ata vuiya mawi kulɗa nam tangkǝma ni, dzǝ zǝlanta ndzǝ nam ada ndzai ata dai. Dzǝ hau tǝ dar ka mǝrti su tara par mawi kulɗa nam tangkǝma ni ka vǝkǝr sǝlai ala mawi kulɗa nam tara ɓui mbǝlkǝr katsakar ba tsu dzǝ aka mpikɛ.

Wulsu 17:10

Dar ani kuhyi murfwɛ tsuwɛ. Ntufu kǝ dlantadzi, pathlu ada 'ya kuhyikur kulini, pathlari ta si kwataku wɛ; ama sakatǝ dzǝ si, kǝ ndzai ntsakǝr dzǝ ata ndzai nǝr saka nkyiɗǝ laka.

Wulsu 17:11

Mawi kulɗa nam watsi dzǝ adai, ama kulini dzǝ adi wɛ ni, dzǝ ani kuhyi nǝr ntsisukur. Dzǝ kǝ lǝkwa ntsa kuhyi murfwɛ yarni ba dzǝ ada mwari akwa vui santadzǝr ni.

Wulsu 17:13

Dar aka ɗǝnga duku ka dar la dǝna ba wadar dar ala mawi kulɗa ni.

Wulsu 17:17

Akuya Hyal ani tara hau akwa ɗǝfa dar ka dar 'yati sǝ nam tǝ dzǝ ada bara atar tǝ dar yiɗɛ ka la mawi kulɗa ni dǝnar dar nǝr 'ya kuhyikur har si ma ndǝrǝr Hyal ghǝiyabadzi.

Wulsu 17:6

Yi wula apǝri mwala ni kǝ ghǝi aka masǝr ndzǝr Hyal, masǝr ndzǝ nam tara nkǝrnta su ata kǝra Yɛsu. Sakatǝ Yi wula tǝni Yi ndatǝdzi dzǝr dzǝri.

Wulsu 17:8

Mawi kulɗa ni, nam tǝ gǝ wula, watsi dzǝ adai, ama kulini dzǝ adi wɛ, ba dzǝ ata sǝba akwa Kau nam Dzǝgam ni ka mwari akwa vui santadzǝr ni. Ndzǝ nam ada ndzai akwa dunya ni nam kura thlǝma dar rǝbwa-rǝbwa akwa kakadǝr mpikɛ tǝng tǝ ndǝ hǝnti dunya dar ata ndatǝdzi sakatǝ dar wula mawi ni, kadǝbar watsi dzǝ adai, ama kulini dzǝ adi wɛ, ba wala ahani dzǝ ata si.