Wulsu 13:2 - Kibaku NT

² Mawi kulɗa tǝ Yi wula ni pa aka wulla, ama aka thlǝlɛ apa thlǝla kufǝr ba nyari apa nya dzǝngai. Nggar pwapu kulɗa ni la dǝnarni ala mawi kulɗa ni ba dǝgǝl kuhyikur ni ba wadarni nam ngga.

Wulsu 13:2 Iomraidhean Croise

2 Timathlawus 4:17

Ama Thlaku ni dzǝ ta tǝra ka ngyar tǝrá wɛ ba dzǝ ka lai dǝna, ani ka atarna ndǝrǝr Hyal ni ata nkǝrbadzi sang-sang ba sanga ndzǝ kura Yahudi ka dar ngati. Ba Yi mbulbadzi akwa nyá dzǝngai.

1 Bitrusu 5:8

Ka gǝri ɓǝlati kǝr gǝri, ka gǝri ndzai ata mulɛ. Dawar gǝri Satan ada nuɗɛ apa dzǝngai ada zǝmi ada bara ndǝ tǝ dzǝ awa kwaɓǝlnya.

Wulsu 12:13

Sakatǝ nggar pwapu kulɗa wuti apǝri ndǝ kǝ ɗalghǝl tǝni ata dai, dzǝ kadu mwala nam tara yai zǝr sal ni.

Wulsu 12:15

Antǝ pwapu ni ka puba yimi hang asǝba akwa nyari apa kyagha, ka dzǝ kǝtǝ mwala ni ba tsarnta tǝni atǝra aka whuyir yimi.

Wulsu 12:9

Ndǝ ka ɗalghǝl nggar pwapu kulɗa nam ngga ni—pwapu nam watsi tǝ ndǝ ada ka tǝ Satan, nam tara zǝlanta dunya sang. Ndǝ ɗalghǝl tǝni ata dai, ba ndzǝr hyantǝr Hyal ni yarɛ kaka dza.

Wulsu 13:12

Dza ada 'ya kǝthlǝr aka sanga wadar mawi kulɗa nam tangkǝma ni ata vuiyari, ba dzǝ mǝrti dunya ba ndzǝ nam akwa ka vǝkǝr sǝlai ala mawi kulɗa nam tangkǝma ni, nam tǝ mbǝlkari nam kulɗa ni ka kuri.

Wulsu 13:4

Dar vǝkǝr sǝlai ala nggar pwapu kulɗa ni kadǝbar dzǝ la wada ala mawi kulɗa ni, ba dar vǝkǝr sǝlai ala mawi kulɗa ni ba dar ka yuwɛ, “Wa ani apa mawi kulɗa ni? Wa awa mǝzi ka mpa aka dza?”

Wulsu 16:10

Ndǝr hyantǝr Hyal nam ntufukur sǝnanta sǝ nam akwa ntasar ni ata kǝra dǝgǝl kuhyikur mawi kulɗa ni, ba ndǝ ka ɗalu kuhyikurni ni akwa kuthlɛ. Ndzǝ ɗǝhyir akwa bwanai nam dzau

Wulsu 17:12

“Tǝmbǝl kumɛ tǝ gǝ wula ni ani kuhyi kumɛ nam kura ta dlutsi kuhyikur kwataku, ama auwur pathlu alǝkǝma dar ata dlutsi wada apa kuhyi yarɛ vwam kaka mawi kulɗa ni.

Wulsu 19:20

Ama ndǝ ngǝti mawi kulɗa ni, ndǝ ka ɓui nabiyir hawi nam ada 'ya parsu nǝr ndatǝdzi ata vuiyari. Aka sǝr ndati yarni dzǝ zǝlanta dzǝ nam tara dlutsi ntar mawi ni ba vǝkǝr sǝlai ala parni ni. Gyapa dar ndǝ pu tǝ dar ata mulɛ akwa mandar u'u nam ada mba aka kagǝlar barudu.

Wulsu 2:13

Yi zǝndi vui ndzaiyir gǝri—vui nam tǝ Satan ada 'ya kuhyikur akwa. Wala apani gǝri ngǝzi thlǝmawai aka dzǝrkur. Gǝri ta ɓwalnyar hamnta dzǝrǝr gǝri akwa Yi wɛ, wala akwa vǝr yarɛ nǝr Antipas, ndǝr sakǝidarna nam dzǝri, nam tǝ ndǝ tsi akwa mǝlmǝr gǝri—vui nam tǝ Satan ada ndzai.

Wulsu 20:2

Dzǝ ngǝti nggar pwapu kulɗa ni, pwapu nam awatsi, nam ani Satan, ba dzǝ ka mbwai tǝni nǝr fá kumthlani kumɛ.