Antǝ ɗǝfa nggar pwapu kulɗa ni ka sǝwa ala mwala ni ba dzǝ ka tǝra lǝka dlǝ mpa kaka mambiya madar mwala ni—ndzǝ nam ada ɓǝla tsawur Hyal yarɛ ba ada ngǝzi sǝ nam tǝ Yɛsu nkǝrɛ ba 'ya.
Kuɗari tsarnta bwa makǝrkur nǝr tsambiya yarɛ atahyal ka pughǝl tǝ dar ata dai. Nggar pwapu kulɗa ni hyati akǝma mwala nda nam ada bara ya ni, ani ka dzǝ ndahǝti zǝrǝrni ni tǝnyi ma dzǝ yai.
Ba mpa ka hyati atahyal. Makyal kaka ndzǝr hyantǝr Hyal yarɛ ni tǝ dar ada mpa nggar pwapu kulɗa ni, ba nggar pwapu kulɗa ni kaka ndzǝr hyantǝrni yarɛ yɛ ada mpa tǝ dar.
Ndǝ ka ɗalghǝl nggar pwapu kulɗa nam ngga ni—pwapu nam watsi tǝ ndǝ ada ka tǝ Satan, nam tara zǝlanta dunya sang. Ndǝ ɗalghǝl tǝni ata dai, ba ndzǝr hyantǝr Hyal ni yarɛ kaka dza.
Antǝ Yi ka wula mawi kulɗa laka ada sǝba akwa manda. Dza aka tǝmbǝlɛ kumɛ ba kǝr yarɛ murfwɛ, aka aliyapu yarɛ kumɛ ata tǝmbǝlari yarɛ, ba ata kǝlara kǝr ndǝ rǝbwai thlǝmɛ nam ada ngǝngǝlɛ Hyal.
Mawi kulɗa tǝ Yi wula ni pa aka wulla, ama aka thlǝlɛ apa thlǝla kufǝr ba nyari apa nya dzǝngai. Nggar pwapu kulɗa ni la dǝnarni ala mawi kulɗa ni ba dǝgǝl kuhyikur ni ba wadarni nam ngga.
Dar vǝkǝr sǝlai ala nggar pwapu kulɗa ni kadǝbar dzǝ la wada ala mawi kulɗa ni, ba dar vǝkǝr sǝlai ala mawi kulɗa ni ba dar ka yuwɛ, “Wa ani apa mawi kulɗa ni? Wa awa mǝzi ka mpa aka dza?”
Antǝ Yi ka wula mambǝl nam kulɗa yarɛ makǝr tara dludzǝr whambɛ yarɛ; dar sǝba akwa nya nggar pwapu kulɗa ni, ba akwa nya mawi kulɗa ni ba akwa nya nabiyir hawi ni.
“Tǝmbǝl kumɛ tǝ gǝ wula ni ani kuhyi kumɛ nam kura ta dlutsi kuhyikur kwataku, ama auwur pathlu alǝkǝma dar ata dlutsi wada apa kuhyi yarɛ vwam kaka mawi kulɗa ni.
Mawi kulɗa ni ba tǝmbǝl kumɛ tǝ gǝ wula ni ata ngǝla zawar ni. Dar ata ngunta tǝni ka ngyar tǝni anghyaɗu; dar ata ɗǝnya kumǝr ni ba mbanta tǝni aka u'u.
Antǝ ndǝr hyantǝr Hyal ni ka nkǝrɛ alai: “Kami tǝ gǝ ndatǝdzi? Yɛ ata nkǝrɛ ala gɛ ɗǝngar mwala ni ba mawi kulɗa nam tǝ dzǝ ada dlǝrɛ, nam aka kǝr murfwɛ ba tǝmbǝlɛ kumɛ ni.