Wulsu 11:3 - Kibaku NT

³ Ba Yi ata la dǝna ala sakǝidarna sǝɗɛ, ba dar ata 'ya nabikur nǝr vǝr yarɛ 1,260, tǝ dar aka lǝkutǝr buhu.”

Wulsu 11:3 Iomraidhean Croise

Mata 11:21

“Bwasam ala gǝ, Kwarasinu! Bwasam, ala gǝ, Bathsaida! Ma sǝr ndati yarɛ nam tǝ ndǝ 'ya akwa gɛ ma ndǝ kara 'ya akwa Taya ba Sidaun, antǝ sakani dar kǝ tubi tsu din ka hati daza ba pukǝr pǝndzu ala kǝr dar.

Mata 18:16

Ama ma dzǝ ta sǝthlǝmɛ ala gǝ wɛ, ka gǝ kǝtǝ ndǝ pathlu wala ndzǝ sǝɗɛ ka gǝri mwari adzǝni, ani ka ‘kǝlara ndǝrɛ ka ndǝ ngati atar sakǝida ni nǝr ndzǝ sǝɗɛ wala ndzǝ makǝr.’

Luka 10:13

“Bwasam ala gǝ, Kwarasinu! Bwasam, ala gǝ, Bathsaida! Akuya ma sǝr ndati yarɛ nam tǝ ndǝ 'ya akwa gɛ ma ndǝ kara 'ya akwa Taya ba Sidaun, antǝ sakani dar kǝ tubi tsu din, tǝ dar ada ndzai akwa daza ba pukǝr pǝndzu ala kǝr dar.

Luka 24:48

Gǝri sakǝida nǝr sǝ yarɛ ni.

Yawhana 15:27

Gǝr ma kǝ ndzai ntsakǝr gǝr sakǝida, kadǝbar tsu akwa baditsǝniyari tǝ gǝri vwam kaka yɛ.”

Yawhana 3:27

Antǝ Yawhana ka sǝnau ka nkǝrɛ, “Ndǝr mǝzi ɓui su adi wɛ, tar ma apǝri ndǝ lari atahyal.

'Ya Su 1:8

Ama gǝri ata ɓui dǝna ma sakatǝ Mambǝl Kartǝ sǝgǝl ata kǝra gǝri; antǝ gǝri ata ndzai sakǝidarna akwa Ursalima, ba akwa sanga Yahudiya ba Samariya, ba ka la dǝntar dunya.”

'Ya Su 13:31

Aghǝla vǝr hang dzǝ tsanti kǝrni ala ndzǝ nam tǝ dar hyati vwam akwa Galili ka lǝkwa Ursalima, kulini dar dza ndzai sakǝidarni ala ndzǝr Izǝraila.

'Ya Su 2:32

Yɛsu ǝni, Hyal hyanti tǝni akwa ntǝnti, muri sang muri sakǝida sǝ ǝni.

'Ya Su 3:15

Gǝr tsi ndǝ nam tǝ dzǝ ani baditsǝniyir mpikɛ ama Hyal hyanti tǝni akwa ntǝnti, yar tsuwɛ yar sakǝidar ǝni.

1 Ndzǝr Kwaranti 12:28

Ba akwa ikǝlizǝyar Hyal dzǝ vi tangkǝma ndzǝr hya yarɛ, sǝɗǝkur nabi yarɛ, makǝrkur malǝm yarɛ, antǝ ndzǝr kǝthlǝr sǝr ndati yarɛ, tsuwɛ ndzǝ nam aka sǝgar mbǝti ndǝ yarɛ, ndzǝ nam ada mǝzi ka mbana ndzǝ damwa yarɛ, ndzǝ nam aka sǝga yarɛ nǝr kǝthlǝr pwar ndzi, ba ndzǝ nam ada ndǝrɛ akwa nya yarɛ pam-pam.

2 Ndzǝr Kwaranti 13:1

Əni ata ndzai mwarǝrna adzǝ gǝri nǝr makǝrkur. “Kǝlara bǝrkwɛ ka ndǝ zǝndi dzǝrkur nam akwa atar sakǝidar ndzǝ sǝɗɛ wala makǝr.”

Ndzǝr Afisa 4:11

Dzǝ ani tara la ndzǝ laka ka dar ndzai ndzǝr hya yarɛ, ndzǝ laka nabi yarɛ, ndzǝ laka ndzǝr nkǝr ndǝrǝr Hyal nam sǝɗa, ba ndzǝ laka pastau yarɛ ba malǝm yarɛ,

Wulsu 1:5

Ba ka Yɛsu Kǝrsti, ndǝ nam tǝ dzǝ dza sakǝida nam aka dzǝrkur, dzǝ dza yarkǝma akwa hyati akwa ntǝnti, ba dzǝ dza nggar kuhyi yarɛ nǝr dunya. Alari dzǝ nam ada yiɗǝ tǝ muri ba dzǝ ka faba tǝ muri akwa bikǝr muri atar punta masǝrni,

Wulsu 11:2

Ama ta gǝ ta hau babalǝr ndzǝ kura Yahudi akwa; ta gǝ ta nkǝrti tǝni, kadǝbar ndǝ la tǝni ala ndzǝ kura Yahudi. Dar ata dlaɓwɛ aka thlǝlɛ mǝlmǝr Hyal ni nǝr hya 42.

Wulsu 11:6

Ndzǝ yarni dar aka dǝna ka dar harti dzahyal ati ani ka kura yimi awa si akwa saka nam tǝ dar ada 'ya nabikur; ba dar aka dǝna tǝ dar ata sǝmwati yimi yarɛ ka dzǝ 'ya masi ba ka dar tsa dai aka kǝlara dzǝli kǝriku ka hang apa tǝ dar ada bara.

Wulsu 12:6

Mwala ni whui atǝra akwa ntaku akwa vui nam tǝ Hyal tara ɗǝmhǝ alari, vui nam tǝ ndɛ ata wulhǝ tǝni nǝr vǝr yarɛ 1,260.

Wulsu 13:5

Ndǝ la whalɛ ala mawi kulɗa ni ka dzǝ ngǝngǝl Hyal aka dǝna ba ka dzǝ tsan wadarni nǝr hya fwaɗǝthlani kapu sǝɗɛ.

Wulsu 19:10

Antǝ Yi dla ata thlǝlari ka vǝkǝr sǝlai alari. Ama dzǝ nkǝrɛ alai, “Ta gǝ ta 'ya sǝ ǝni! Yi zǝr kǝiyir Hyal apa gɛ kaka madar ma nam tara ngǝzi sǝ nam tǝ Yɛsu nkǝrnta. Vǝkǝr sǝlai ala Hyal! Akuya sǝ nam tǝ Yɛsu nkǝrɛ aka sǝ nam tǝ ndǝ nkǝrɛ ata kǝra ntǝrni ba hyati akwa ntǝntǝrni tsu ani labar nam tǝ mambǝl nam ɗaku tara hamnta atar nabi yarɛ.”

Wulsu 20:4

Yi ka wula dǝgǝl kuhyikur yarɛ nam tǝ ndzǝ nam tǝ ndǝ la dar dǝnar haka ada ndzai ati. Ba Yi ka wula sangura ndzǝ nam tǝ ndǝ dǝlnta wuya dar yarɛ kadǝbar ndǝrǝr dar ata kǝra Yɛsu ba ndǝrǝr Hyal. Dar ta vǝkǝr sǝlai ala mawi kulɗa ni wɛ wala parni ba dar ta dlutsi ntarni ata mumurkǝma dar, wala tsiya dar wɛ. Dar ka hyati aka mpikɛ ba 'ya kuhyikur kaka Kǝrsti nǝr fá kumthlani kumɛ.