Wulsu 11:2 - Kibaku NT

² Ama ta gǝ ta hau babalǝr ndzǝ kura Yahudi akwa; ta gǝ ta nkǝrti tǝni, kadǝbar ndǝ la tǝni ala ndzǝ kura Yahudi. Dar ata dlaɓwɛ aka thlǝlɛ mǝlmǝr Hyal ni nǝr hya 42.

Wulsu 11:2 Iomraidhean Croise

Mata 27:53

Dar ka sǝba akwa kul yarni, ba aghǝla hyatǝr Yɛsu akwa ntǝnti dar mwari alǝkwa mǝlmǝr Ursalima ba dar tsantǝdzi ala ndzǝ hang.

Mata 4:5

Antǝ Satan ni ka kǝtǝ tǝni ka tǝra aka dza akwa Ursalima Mǝlmǝr Hyal ba dzǝ ka lǝti aka dza ata vui nam dzǝgam ta sang nǝr fǝr Hyal ni,

Mata 5:13

“Gǝr dza kagǝla ala dunya, ama ma sǝɗakur kagǝla ni kǝ tsabntadzi, mǝmi tǝ dzǝ awa 'ya sǝɗa kadamwa? Dzǝ adi aka paida kǝra wɛ, tar ka ndǝ punta tǝni ka ndzǝ dlǝdlaɓunta aka thlǝlɛ.

Luka 21:24

Ndɛ ata dlǝnta ndzǝ yarɛ laka aka katsakar, ka ndǝ fati ndzǝ yarɛ laka ka ndǝ mwari aka dar akwa mǝlmǝr falikur akwa di damwa yarɛ. Ndzǝ kura Yahudi yarɛ ani ata nyaɓu Ursalima, har ka la kurǝr zamanǝr Ndzǝ kura Yahudi.

Ndzǝr Ibrahim 10:29

Mǝmi hangkur dzaukur haka tǝ gǝ ada ɗǝnga nam ata ɓui ndǝ nam tara dlaɓu Zǝr Hyal tǝ thlǝlɛ, ndǝ nam tara kǝli ata masi ni nǝr sǝ mbwa-mbwa ni nam tara mǝrti tǝni kura aka aibai, ba ndǝ nam tara ngǝngǝl Mambǝl ni nam tara la muri ɗakurni?

Wulsu 11:11

Ama aghǝla vǝr makǝr aka raita ni, mpihǝr mpikɛ nǝr Hyal lǝkwa dzá dar, ba dar hyati ata thlǝla dar, ba hyivǝr ka ngǝti ndzǝ nam tara wula tǝ dar.

Wulsu 11:3

Ba Yi ata la dǝna ala sakǝidarna sǝɗɛ, ba dar ata 'ya nabikur nǝr vǝr yarɛ 1,260, tǝ dar aka lǝkutǝr buhu.”

Wulsu 12:6

Mwala ni whui atǝra akwa ntaku akwa vui nam tǝ Hyal tara ɗǝmhǝ alari, vui nam tǝ ndɛ ata wulhǝ tǝni nǝr vǝr yarɛ 1,260.

Wulsu 21:10

Ba dzǝ ka kǝtǝ tǝra akwa Mambǝl ni alǝkwa paya nam ngga ba dzǝgam, ka tsanti alai Mǝlmǝr Hyal, Ursalima, ada sǝgǝl ati adzǝ Hyal.

Wulsu 21:2

Yi wula Mǝlmǝr Hyal, Ursalima nam bǝlin, ada sǝgǝl ati adzǝ Hyal, tǝ ndǝ ɗǝmhǝ apa kambǝl tara dzǝguti kǝrni dakwai kadǝbar salǝrni.

Wulsu 22:19

Ba ma kǝlara ndǝ nam tara kǝnta su akwa ndǝrǝr kakadǝr nabikur ni, Hyal ata mbuli nǝbwarni akwa fur mpikɛ ba nǝbwarni akwa mǝlmǝr Hyal, nam tǝ ndǝ tara rǝbwai akwa kakadǝ ǝni.