Wulsu 1:9 - Kibaku NT

⁹ Yɛ, Yawhana, zǝr mama gǝri ba ndǝr bwanai kǝma gǝri akwa kuhyikur Yɛsu ba kǝmar ɓatǝsu nam nǝmuri akwa Yɛsu, Yɛ ata garǝr Patmausu kadǝbar ka ndǝrǝr Hyal ba nkǝrnta su ata kǝra Yɛsu.

Wulsu 1:9 Iomraidhean Croise

Mata 20:23

Yɛsu ka nkǝrɛ ala dar, “Dzǝri gǝri ata mǝzi ka sa akwa kapǝrna, ama nǝr ndzai tǝbwar tsisǝmawai wala tsi aghyawai, adi Yi ani ata la ndǝ wɛ. Vui yarni dar nǝr ndzǝ nam tǝ Babarna tara ɗǝmhǝi.”

Markusu 10:39

Dar ka sǝnau, “Yar ata mǝzi 'ya.” Yɛsu ka nkǝrɛ ala dar, “Sǝr sa nam tǝ Yi ata sa gǝri ata sa, ba dzǝli bamtizǝma nam tǝ Yi dlutsi gǝri yɛ gǝri ata dlutsi.

Yawhana 16:33

“Yi nkǝrɛ ala gǝri apani ani ka gǝr ɓui ndzai lapiyakur akwa Yi. Akwa dunya gǝri ata sa bwanai, ama mbwaiyamɛ ɗǝfu! Yi sǝmkǝr ata kǝra dunya.”

'Ya Su 1:15

Akwa vǝr yarɛ ǝnda, Bitrusu ka hyati akwa ntsa ndzǝ nam tara mbǝrsa (ndzǝ kudzǝghɛ adzǝ kumthlani aka sǝɗǝthlani) dzǝ ka nkǝrɛ,

'Ya Su 14:22

Dar la dǝna ala ndzǝr nuwɛ ba dǝnautsǝni tǝ dar ka dar ndzai akwa dzǝrkur ala hamnta dzǝri. Dar nkǝrɛ, “Kǝ ndzai ntsakǝr muri ata kwatsǝni akwa bwanai hang ka lǝkwa kuhyikur Hyal.”

Ndzǝr Rauma 8:17

Kulini ma apǝri muri madarni, antǝ mur ndzǝr sǝm warta—ndzǝr sǝm wartar Hyal ba ndzǝr sǝm warta atakǝmaduku kaka Kǝrsti, ma apǝri dzǝri muri ada ndǝghǝ bwaniyirni, akuya ka mur ndǝghǝi nggakurni yɛ.

Ndzǝr Rauma 8:25

Ama ma muri aka tǝmatsǝni akuya ka sǝ nam kura muri ta ɓui kwataku, muri ata sǝkǝ tǝni aka kǝmar.

2 Ndzǝr Kwaranti 1:7

Ba tǝmatsǝniyir yar akuya gǝri tsu ɓaɓal kadǝbar yar zǝndi apǝri tsu apa tǝ gǝri ada ɗar bwanai kaka yar, tsu apani gǝri ata ɓui sǝkǝtǝ ɗǝfǝr yar.

Ndzǝr Filibi 1:7

Kal-kal alai tsuwɛ kǝi ɗǝnga ata kǝra sanga gǝri apani, tǝng tǝ Yi aka gǝri akwa ɗǝfawai; akuya wala Yi akwa tsalala wala tǝ Yi ada mbulɛ ba tsanǝba dzǝrkurǝr ndǝrǝr Hyal nam sǝɗa, sanga gǝri ɓui ɗakur Hyal kaka yɛ.

Ndzǝr Filibi 4:14

Wala ahani kǝ 'ya ɗaku tǝ gǝri mbana tǝra saka nam tǝ Yi akwa dzǝli bwanai ni.

2 Ndzǝr Tasalaunika 3:5

Ka Thlaku ni pwar ɗǝfa gǝri alǝkwa yiɗǝdzǝr Hyal ba ɓatǝ sǝr Kǝrsti.

2 Timathlawus 1:8

Ani ta gɛ ta nga sǝlaiyir nkǝrba sǝ ata kǝra Thlakǝr muri, wala nga sǝlaiyirna Yi nam akwa fǝrsǝna ka dza. Ama ka muri kǝltsǝni kǝr akwa sa bwanai akuya ka ndǝrǝr Hyal nam sǝɗa, atar dǝnar Hyal,

Ndzǝr Ibrahim 10:36

Ka gǝr lǝkǝma aka ɓati su ani ka sakatǝ gǝri 'yati sǝ nam tǝ Hyal ada bara, gǝri ata ɓui sǝ nam tǝ dzǝ 'ya alkawalari.

1 Bitrusu 5:1

Ala ndzǝ ngga-ngga yarɛ nam akwa ntsa gǝri tǝ Yi ada gha, Yi ma Yi ndǝ ngga, Yi sakǝidar bwanai nam tǝ Kǝrsti ɗar ba pathlu akwa ntsa ndzǝ nam ata dlu nggakur nam ata tsantǝdzi:

Wulsu 1:1

Hyal la sǝ ǝni ala Yɛsu Kǝrsti, ka dzǝ tsanti ala madar kǝiyirni yarɛ, sǝ nam kǝ ndzai ntsakǝr ata siya 'ya kulini-kulini. Dzǝ mǝrti tǝ ndǝ zǝndi atar hyanti ndǝr hyantǝr Hyalǝrni ala zǝr kǝiyirni Yawhana,

Wulsu 1:2

nam tara sakǝidatsǝni kǝlara su tǝ dzǝ wula—nam ani, ndǝrǝr Hyal ba sǝ nam tǝ Yɛsu Kǝrsti tara nkǝrnta.

Wulsu 1:4

Kakadu ni hyati aka Yawhana ala ikǝlizǝya yarɛ murfwɛ nam akwa diyir Asiya. Ka Hyal dzǝ nam kulini ba dzǝ nam watsi ba dzǝ ani nam ata si, ba mambǝl yarɛ murfwɛ nam akǝma dǝgǝl kuhyikur ni, ka dzǝ la gǝri ɗakur Hyal ba ndzai lapiyakur.

Wulsu 1:6

ba dzǝ mǝrti tǝ muri ka muri 'ya kuhyikur ba fǝrist ka kǝthlǝr ala Hyal Tada—nggakur ka dzǝ ndzai alari ba dǝna nam kura awa kurkuri! Apani.

Wulsu 11:7

Kulini sakatǝ dar kurai nkǝr sǝr dar, mawi kulɗa ni nam tara sǝba akwa Kau nam Dzǝgam nda ata ɗǝkǝr ala dar, ka kwatsǝni dǝnar dar ka tsi tǝ dar.

Wulsu 12:11

Dar sǝmkǝr ata kǝrari atar masǝr Zǝr Agam ba atar labar nam tǝ dar sakǝidatsǝni; dar ta yiɗǝ mpika dar tǝ dar awa hyivǝr ntǝ wɛ.

Wulsu 12:17

Antǝ ɗǝfa nggar pwapu kulɗa ni ka sǝwa ala mwala ni ba dzǝ ka tǝra lǝka dlǝ mpa kaka mambiya madar mwala ni—ndzǝ nam ada ɓǝla tsawur Hyal yarɛ ba ada ngǝzi sǝ nam tǝ Yɛsu nkǝrɛ ba 'ya.

Wulsu 13:10

Kǝlara ndǝ nam tǝ ndǝ vǝkǝr alari apǝri dzǝ ata 'ya fali, ani ndɛ ata ngǝti tǝni fali. Kǝlara ndɛ tǝ ndǝ vǝkǝr alari apǝri ndɛ ata tsi tǝni tǝ katsakar, tǝ katsakar tǝ ndɛ ata tsi tǝni. Əni ada gha ka ndǝ ɓatǝsu ba hamnta dzǝri nǝr ndzǝr Hyal ni.

Wulsu 14:12

Əni ada kǝga ndzǝr Hyal nam ada ɓǝla tsauwur Hyal yarɛ ka dar ɓatǝsu ba ndzai aka dzǝrkur ala Yɛsu.

Wulsu 19:10

Antǝ Yi dla ata thlǝlari ka vǝkǝr sǝlai alari. Ama dzǝ nkǝrɛ alai, “Ta gǝ ta 'ya sǝ ǝni! Yi zǝr kǝiyir Hyal apa gɛ kaka madar ma nam tara ngǝzi sǝ nam tǝ Yɛsu nkǝrnta. Vǝkǝr sǝlai ala Hyal! Akuya sǝ nam tǝ Yɛsu nkǝrɛ aka sǝ nam tǝ ndǝ nkǝrɛ ata kǝra ntǝrni ba hyati akwa ntǝntǝrni tsu ani labar nam tǝ mambǝl nam ɗaku tara hamnta atar nabi yarɛ.”

Wulsu 20:4

Yi ka wula dǝgǝl kuhyikur yarɛ nam tǝ ndzǝ nam tǝ ndǝ la dar dǝnar haka ada ndzai ati. Ba Yi ka wula sangura ndzǝ nam tǝ ndǝ dǝlnta wuya dar yarɛ kadǝbar ndǝrǝr dar ata kǝra Yɛsu ba ndǝrǝr Hyal. Dar ta vǝkǝr sǝlai ala mawi kulɗa ni wɛ wala parni ba dar ta dlutsi ntarni ata mumurkǝma dar, wala tsiya dar wɛ. Dar ka hyati aka mpikɛ ba 'ya kuhyikur kaka Kǝrsti nǝr fá kumthlani kumɛ.

Wulsu 3:10

Tǝng tǝ gǝ kǝ ɓǝlati tsauwurna tǝ gǝ ɓati aka kǝmarkur, Yɛ tsuwɛ Yɛ ata ɓǝlati tǝngɛ akwa sakar nkǝrti nam angwada si ata kǝra sanga dunya ka nkǝrti ndzǝ nam ada ndzai akwa dunya.

Wulsu 6:9

Sakatǝ dzǝ pwasǝnta dǝmwar nǝr ntufukur, Yi wula adzǝ kugiva muɓwɛ ni sangura ndzǝ nam tǝ ndǝ tara thlǝthlakǝr wuya ata nyar ndǝrǝr Hyal ba sakǝida nam tǝ dar tara ngǝzi.

Wulsu 7:14

Yi sǝnau, “Thlaku, gǝ zǝndi.” Ba dzǝ ka nkǝrɛ, “Ndzǝ yarni dar ani ndzǝ nam tara sǝba akwa bwanai nam dzau; dar kǝtsǝnta kariyir dar ka mǝrti tǝ dar mwapu akwa masǝr Zǝr Agam.