Wulsu 1:8 - Kibaku NT

⁸ “Yi dza Alfa ba Aumɛga,” Baditsǝniyari ba Dǝntari, ndǝ Hyal Thlaku. “Yi dza kulini, ba Yi dza watsi, ba Yi dza tsu ata si, Yi dzahyal nam Ɓwaltasang.”

Wulsu 1:8 Iomraidhean Croise

2 Ndzǝr Kwaranti 6:18

“Yi ata ndzai Tada ala gǝri, ba gǝr ata ndzai madarna kaka nkwaiyirna, ndǝ Thlaku nam Ɓwaltasang.”

Wulsu 1:11

nam tara nkǝrɛ: “Rǝbwai ata kakadu pǝrpǝri sǝ nam tǝ gǝ wula ka gǝ hyanti ala ikǝlizǝya yarɛ murfwɛ: akwa Afisa, Sǝmarna, Pǝrgamum, Thliyatira, Sardisu, Filadalfiya, ba Laudikiya.”

Wulsu 1:17

Sakatǝ Yi wula tǝni, Yi dla ata thlǝlari apa Yi nti. Antǝ dzǝ vǝkǝr tsisǝmari alai ka nkǝrɛ, “Ta gǝ ta hyivǝr. Yi dza tangkǝma ba Yi dza dǝnta.

Wulsu 1:4

Kakadu ni hyati aka Yawhana ala ikǝlizǝya yarɛ murfwɛ nam akwa diyir Asiya. Ka Hyal dzǝ nam kulini ba dzǝ nam watsi ba dzǝ ani nam ata si, ba mambǝl yarɛ murfwɛ nam akǝma dǝgǝl kuhyikur ni, ka dzǝ la gǝri ɗakur Hyal ba ndzai lapiyakur.

Wulsu 11:17

tǝ dar ada gha: “Yar gwaditsǝni ala gɛ, Thlaku Hyal nam ɓwaltasang, gǝ nam kulini ba awatsi, kadǝbar gǝ kǝtǝ dǝnar ngɛ nam ngga ba gǝ baditsǝni 'ya kuhyikur.

Wulsu 15:3

ba dar ha har Musa zǝr kǝiyir Hyal ba har Zǝr Agam: “Sǝr ndati ngga-ngga ani kǝthlǝr ngɛ, Thlaku Hyal nam Ɓwaltasang. Kal-kal ba dzǝri ani whalǝr ngǝ yarɛ Kuhyir zaman yarɛ.

Wulsu 16:14

Dar ani mambǝl kulɗa yarɛ nam ada 'ya parsu nǝr ndatǝdzi yarɛ, ba dar sǝba ka tǝra adzǝ kuhyi yarɛ nǝr sanga dunya, ka tsaɓtsǝni tǝ dar akuya ka mpa ata vǝr nam ngga nǝr Hyal nam Ɓwaltasang.

Wulsu 16:7

Ba Yi ngati muɓwɛ ada nkǝrɛ: “A, Thlaku Hyal nam Ɓwaltasang, hakar ngɛ dzǝri ba kal-kal.”

Wulsu 19:15

Akwa nyari katsakar nam tsǝltsǝli ada sǝba nam tǝ dzǝ ata tsa sanga ndzǝr dunya akǝri. “Dzǝ ata 'ya kuhyikur ata kǝra dar aka zuwar yang.” Dzǝ ata dlaɓwɛ aka thlǝlɛ sǝr ɓǝtsǝ yimǝr inabi ka ɓǝtsǝba sǝwa ɗǝfǝr Hyal nam Ɓwaltasang.

Wulsu 19:6

Antǝ Yi ngati kuɗahu apa dlamiyir ndzi, apa tuwar whuyir yimi yarɛ aka pǝral nam aka dǝna, ada lǝlɛ: “Hǝm Hyal! Akuya Hyal Thlakǝr muri nam Ɓwaltasang ada 'ya kuhyikur.

Wulsu 2:8

“Rǝbwai ala ndǝr hyantǝr Hyal nǝr ikǝlizǝya nam akwa Sǝmarna: Əni yarni ani ndǝrǝr ndǝ nam tangkǝma ba dǝnta, dzǝ nam tara nti ba si aka mpikɛ kadamwa.

Wulsu 21:22

Yi ta wula fǝr Hyal akwa mǝlmɛ ni wɛ, kadǝbar Thlaku Hyal nam Ɓwaltasang ba Zǝr Agam ni ani fǝr Hyalǝrni.

Wulsu 21:6

Dzǝ ka nkǝrɛ alai: “Kǝ kuri. Yi dza Alfa ba Yi dza Aumɛga, Baditsǝniyari ba Dǝntari. Ala ndǝ nam ada nga thlǝlai Yɛ ata lari ka dzǝ sa yimi nam akwa whal whuiyir yimǝr mpikɛ kura ɗǝlɗǝlɛ.

Wulsu 22:13

Yi dza Alfa ba Aumɛga, nam Akǝma ba Aghǝli, Baditsǝniyari ba Dǝntari.

Wulsu 4:8

Kǝlara akwa ntsa su fwaɗu nam aka mpika yarni aka bǝbǝgǝ yarɛ nkwa ba sanga dzá dar mbuidzi aka ntsɛ, wala akwi bǝbǝga dar. Tsǝtsi aka vǝri dar adi ada ngyar nkǝrɛ: “Ndǝ kartǝ, ndǝ kartǝ, ndǝ kartǝ Ani Thlaku Hyal nam Ɓwaltasang, Dza adai kǝma ta tǝ sanga su awa mǝrtǝdzi, dzǝ adai kulini, ba tsu ata si.”