Wulsu 1:5 - Kibaku NT

⁵ Ba ka Yɛsu Kǝrsti, ndǝ nam tǝ dzǝ dza sakǝida nam aka dzǝrkur, dzǝ dza yarkǝma akwa hyati akwa ntǝnti, ba dzǝ dza nggar kuhyi yarɛ nǝr dunya. Alari dzǝ nam ada yiɗǝ tǝ muri ba dzǝ ka faba tǝ muri akwa bikǝr muri atar punta masǝrni,

Wulsu 1:5 Iomraidhean Croise

Mata 20:28

tsu apa tǝ Zǝr Ndɛ ta si akuya ka ndǝ dza 'ya alari kǝthlǝr wɛ, ama ka dzǝ dza 'ya kǝthlǝr ala ndzi, ba ka dzǝ hamnta mpikari akuya ka pǝli ndzǝ hang.”

Mata 28:18

Antǝ Yɛsu ka si adzǝ dar ka nkǝrɛ, “Sanga wada nam atahyal ba akwa dunya ndǝ kǝ hamnta alai.

Yawhana 13:1

Kabutu tǝ ndǝ awa 'ya Wudzǝr Ngǝmba, Yɛsu zǝndi apǝri saka kǝ si alari tǝ dzǝ ata ngyar dunya ba tǝ dzǝ ata tǝra adzǝ Tada. Dza ada yiɗǝ ndzǝrni nam akwa dunya, ba dzǝ yiɗǝ tǝ dar har ka la dǝnta.

Yawhana 13:34

Mabari bǝlin ani tǝ Yi la gǝri: yiɗɛ mɛ kǝma gǝri. Apa tǝ Yi yiɗǝ tǝ gǝri, kǝ ndzai ntsakǝr gǝr yɛ ka gǝri yiɗǝ kǝma gǝri tsu awa apani.

Yawhana 15:9

“Apa tǝ Tada tara yiɗǝ tǝra, ani apani Yi ma tǝ Yi yiɗǝ tǝ gǝri. Ka gǝri ndzai akwa yiɗǝdzǝrna.

Yawhana 18:37

Ani Pǝlatus ka nkǝrɛ alari, “Kasa azarɛ, gǝ kuhyi ya?” Yɛsu ka sǝnau, “Gǝ gha kal-kal, Yi kuhyi. Ndǝ yai tǝra ba Yi si akwa dunya ka sǝ ǝni duku, ka Yi sakǝidatsǝni dzǝrkur. Kǝlara ndǝ nam nǝr dzǝrkur ada sǝthlǝmɛ alai.”

Yawhana 3:11

Dzǝr dzǝri Yi ada nkǝrɛ ala gɛ, sǝ nam tǝ yar zǝndi ani tǝ yar ada gha, sǝ nam tǝ yar kurta wula ani tǝ yar ada ndzai sakǝidari, ama gǝr ngǝla mbǝrsa aka sakǝidar yar.

Yawhana 3:16

“Kadǝbar Hyal yiɗǝ ndzǝr dunya wur-wur, dzǝ ka hamnta zǝrǝrni duku ɗiɗi, kadǝbar kǝlara ndǝ nam tara mbǝrsa aka dza dzǝ adi ata santadzi wɛ, ama dzǝ ata ɓui mpikǝ nam kura kurkuri.

Yawhana 3:32

Sǝ nam tǝ dzǝ wula ba tǝ dzǝ ngati ani tǝ dzǝ ada ndzai sakǝidari, ama ndǝ nam ada dlu sakǝidarni adi wɛ.

'Ya Su 20:28

Wulamɛ kǝr gǝri ba sanga bǝri nam tǝ Mambǝl Kartǝ tara mǝrti tǝ gǝri ndzǝr wulari. Ka gǝri ndzai ndzǝr ɓǝla ikǝlizǝyar Hyal, nam tǝ dzǝ ɗǝlba aka masǝr kǝrni.

'Ya Su 26:23

Apǝri Kǝrsti ni ata ɗar bwanai ba, tǝng tǝ dza ani ata hyati tangkǝma akwa ntǝnti, ani ka dzǝ si aka paraku ala ndzǝrni ba ala ndzǝ kura Yahudi.”

Ndzǝr Rauma 3:25

Hyal si aka dza apa sǝr kǝdlǝrsu nǝr salautsǝnidzi, atar hamnta dzǝri akwa masǝrni. Dzǝ 'yati sǝ ǝni ka tsanti kalkalkurni, kadǝbar akwa ɓatǝ sǝrni dzǝ ngyar biku yarɛ nam tǝ ndǝ 'ya watsi kura haka—

Ndzǝr Rauma 8:37

A'a, akwa sanga sǝ ǝni yarni muri ɓwalta tǝ ndɛ awa sǝmkǝr ata kǝra muri atar dzǝ nam tara yiɗǝ tǝ muri.

1 Ndzǝr Kwaranti 6:11

Ba nakuma gǝri watsi gǝri apani. Ama ndǝ kǝtsǝnta tǝ gǝri, dzǝ vi tǝ gǝri pam ala kǝrni, ba ndǝ mǝrti tǝ gǝri kal-kal akwa thlǝma Thlaku ni Yɛsu Kǝrsti ba aka Mambǝlǝr Hyalǝr muri.

Ndzǝr Galatiya 2:20

Ndǝ kukwanta tǝra atakǝmaduku aka Kǝrsti, kulini adi Yi tsuwɛ ani ada ndzai wɛ, Kǝrsti ani aka mpikɛ akwa yɛ. Mpikɛ nam tǝ Yi ada ndzai akwa kulini adi nǝr dzɛ wɛ, Yi ada ndzai aka mbǝrsa akwa Zǝr Hyal, nam tara yiɗǝ tǝra, har tǝ dzǝ hamnta kǝrni kadǝbarna.

Ndzǝr Afisa 2:4

Ama kadǝbar yiɗǝdzǝrni nam ngga ala muri, Hyal, nam aka kǝtǝrdzi hang,

Ndzǝr Afisa 5:2

ba ka gǝr ndzai ndzǝr yiɗǝ ndɛ, apa tǝ Kǝrsti tara yiɗǝ tǝ muri, ba dzǝ ka hamnta kǝrni akuya muri apa sǝr hamnta nam ada sǝwur sǝɗa ba kǝdlǝrsu ala Hyal.

Ndzǝr Kwalausi 1:18

Dzǝ ani kǝra dzɛ, ikǝlizǝya ni ani dzari; dzǝ dza ani tangǝlangkǝma, dzǝ dza tara baditsǝni hyati akwa ntǝnti, ani ka dzǝ ndzai ati ata kǝra sanga sǝ yar damwa.

1 Timathlawus 6:13

Akǝma Hyal, nam tara la mpikɛ ala sanga su, ba akǝma Kǝrsti Yɛsu, dzǝ nam saka nam tǝ dzǝ ada ndǝrɛ akǝma Pauntiyus Pǝlatus dzǝ nkǝrba ndǝrɛ nam ɗaku ni, Yi tsau ala gɛ

1 Timathlawus 6:15

nam tǝ Hyal ata si akǝr akwa sakar ni—Hyal, ndǝr barka ba dzǝ duku ɗiɗi ani ngga, Kuhyir kuhyi yarɛ ba Thlakǝr Thlaku yarɛ.

Ndzǝr Ibrahim 10:29

Mǝmi hangkur dzaukur haka tǝ gǝ ada ɗǝnga nam ata ɓui ndǝ nam tara dlaɓu Zǝr Hyal tǝ thlǝlɛ, ndǝ nam tara kǝli ata masi ni nǝr sǝ mbwa-mbwa ni nam tara mǝrti tǝni kura aka aibai, ba ndǝ nam tara ngǝngǝl Mambǝl ni nam tara la muri ɗakurni?

Ndzǝr Ibrahim 9:14

Ma apǝri sǝ yarni dzǝri, mǝmi hangkur sǝ tǝ masǝr Kǝrsti ata 'yati? Atar Mambǝl nam kura kurkuri tǝ dzǝ hamnta kǝrni kura aka aibai ala Hyal, ka kǝtsǝnta ɗǝfa muri ta 'ya sǝ nam ada mwari aka ndɛ akwa nti, ani ka muri 'ya kǝthlǝr ala Hyal nam aka mpikɛ!

1 Bitrusu 1:19

ama aka masǝr Kǝrsti nam dzau wur-wur, dzǝ nam apa zǝr agam nam kura aka mangivǝr.

1 Yawhana 1:7

Ama ma muri ada mwari akwa paraku ni, apa tǝ dzǝ akwa paraku ni, muri aka mwardzi kaka kǝma muri, ba masǝr Yɛsu, Zǝrǝrni ni, kǝ kǝtsǝnta tǝ muri ta sanga biku.

1 Yawhana 4:10

Əni ani yiɗǝdzi: Adi apǝri muri yiɗǝ Hyal wɛ, ama Hyal dzǝ ani tara yiɗǝ tǝ muri ba dzǝ ka hyanti Zǝrǝrni apa sǝr kǝdlǝr sǝ nam tara kǝlnta bikǝr muri yarɛ.

Wulsu 11:15

Ndǝr hyantǝr Hyal nǝr murfwǝkur mbǝr tǝmbǝlǝrni ni, ba kuɗahu yarɛ ngga atahyal, tara nkǝrɛ: “Kuhyikur nǝr dunya kǝ 'ya kuhyikur nǝr Thlakǝr muri ba nǝr Kǝrsti ni, ba dzǝ ata 'ya kuhyikur kura kurkuri.”

Wulsu 11:3

Ba Yi ata la dǝna ala sakǝidarna sǝɗɛ, ba dar ata 'ya nabikur nǝr vǝr yarɛ 1,260, tǝ dar aka lǝkutǝr buhu.”

Wulsu 17:14

Dar ata 'ya mpa ata kǝra Zǝr Agam ni, ama Zǝr Agam ni ata sǝmkǝr ata kǝra dar kadǝbar dzǝ dza Thlakǝr thlaku yarɛ ba Kuhyir kuhyi yarɛ—ba ata ndzai kaka dza ndzǝ nam tǝ dzǝ kǝgati, ba tsarba ba ndzǝ nam aka mbǝrsa ba ada nuwɛ aka dzǝrkur.”

Wulsu 19:11

Yi wula atahyal mburntadzi ba akwanda akǝmawai taku mwapu, nam tǝ ndǝr dlǝr tǝni ndɛ ada kǝga tǝ Ndǝ aka Dzǝrkur ba Dzǝri. Aka kalkalkur tǝ dzǝ ada 'ya haka aka mpa.

Wulsu 19:16

Ata lǝkutǝrni ba ata bwangari dzǝ aka thlǝm ǝni rǝbwa-rǝbwa: KUHYIR KUHYI YARƐ BA THLAKƏR THLAKU YARƐ.

Wulsu 2:13

Yi zǝndi vui ndzaiyir gǝri—vui nam tǝ Satan ada 'ya kuhyikur akwa. Wala apani gǝri ngǝzi thlǝmawai aka dzǝrkur. Gǝri ta ɓwalnyar hamnta dzǝrǝr gǝri akwa Yi wɛ, wala akwa vǝr yarɛ nǝr Antipas, ndǝr sakǝidarna nam dzǝri, nam tǝ ndǝ tsi akwa mǝlmǝr gǝri—vui nam tǝ Satan ada ndzai.

Wulsu 3:14

“Rǝbwai ala ndǝr hyantǝr Hyal nǝr ikǝlizǝya nam akwa Laudikiya: Əni yarni ani ndǝrǝr Apani, ndǝ nam aka dzǝrkur ba sakǝida nam dzǝri, ndǝ nam ngga ata kǝra su tǝ Hyal hǝnti.

Wulsu 7:14

Yi sǝnau, “Thlaku, gǝ zǝndi.” Ba dzǝ ka nkǝrɛ, “Ndzǝ yarni dar ani ndzǝ nam tara sǝba akwa bwanai nam dzau; dar kǝtsǝnta kariyir dar ka mǝrti tǝ dar mwapu akwa masǝr Zǝr Agam.