Wulsu 1:4 - Kibaku NT

⁴ Kakadu ni hyati aka Yawhana ala ikǝlizǝya yarɛ murfwɛ nam akwa diyir Asiya. Ka Hyal dzǝ nam kulini ba dzǝ nam watsi ba dzǝ ani nam ata si, ba mambǝl yarɛ murfwɛ nam akǝma dǝgǝl kuhyikur ni, ka dzǝ la gǝri ɗakur Hyal ba ndzai lapiyakur.

Wulsu 1:4 Iomraidhean Croise

Yawhana 1:1

Akwa baditsǝni Ndǝrɛ adai, ba Ndǝr ni vwam kaka Hyal, ba Ndǝr ni ani Hyal.

'Ya Su 19:10

Əni lǝkǝma nǝr fá sǝɗɛ, ani ka sanga ndzǝr Yahudi ba Gǝriku yarɛ nam ada ndzai akwa diyir Asiya ngati labarǝr Thlaku.

'Ya Su 2:9

Yar ndzǝr Fartiya, ndzǝr Midi, ndzǝr Ilam, kaka ndzǝ nam ada ndzai akwa Misapautamiya, Yahudiya, ba Kapadausiya, Pantus ba diyir Asiya,

Ndzǝr Rauma 1:7

Yi ada rǝbwa ala sanga ndzi akwa Rauma nam tǝ Hyal yiɗɛ ba kǝga ka dar ndzai ndzǝr Hyal. Ka Hyal Tada ni ba Kǝrsti Yɛsu Thlakǝr muri la gǝri ɗakur Hyal ba ndzai lapiyakur.

1 Ndzǝr Kwaranti 1:3

Ka Hyal Tada ni ba Kǝrsti Yɛsu Thlakǝr muri la gǝri ɗakur Hyal ba ndzai lapiyakur.

2 Ndzǝr Kwaranti 1:2

Ka Hyal Tada ni ba Kǝrsti Yɛsu Thlakǝr muri la gǝri ɗakur Hyal ba ndzai lapiyakur.

Ndzǝr Ibrahim 13:8

Yɛsu Kǝrsti dzǝ adi ada palidzi wɛ dzǝ tsu apa nagha ba asǝna ba kura kurkuri.

Yakubu 1:17

Kǝlara sǝga nam ɗaku ba kura aka aibai ada hyati ati, ada sǝgǝl adzǝ Hyal Tada muri ni nam nǝr paraku yarɛ nam atahyal, dzǝ nam kura ada palidzi wala si aka sangurai nǝr palidzi wɛ.

Wulsu 1:1

Hyal la sǝ ǝni ala Yɛsu Kǝrsti, ka dzǝ tsanti ala madar kǝiyirni yarɛ, sǝ nam kǝ ndzai ntsakǝr ata siya 'ya kulini-kulini. Dzǝ mǝrti tǝ ndǝ zǝndi atar hyanti ndǝr hyantǝr Hyalǝrni ala zǝr kǝiyirni Yawhana,

Wulsu 1:11

nam tara nkǝrɛ: “Rǝbwai ata kakadu pǝrpǝri sǝ nam tǝ gǝ wula ka gǝ hyanti ala ikǝlizǝya yarɛ murfwɛ: akwa Afisa, Sǝmarna, Pǝrgamum, Thliyatira, Sardisu, Filadalfiya, ba Laudikiya.”

Wulsu 1:17

Sakatǝ Yi wula tǝni, Yi dla ata thlǝlari apa Yi nti. Antǝ dzǝ vǝkǝr tsisǝmari alai ka nkǝrɛ, “Ta gǝ ta hyivǝr. Yi dza tangkǝma ba Yi dza dǝnta.

Wulsu 1:20

Ɗzǝr ɗǝwa-ɗǝwa nǝr tsambiya yarɛ murfwɛ nam tǝ gǝ wula akwa tsisǝmawai ba thlǝmthlǝmǝr dinar murfwɛ nǝr hai pitǝla yarni ani ǝni: Tsambiya yarɛ murfwɛ ni ani ndzǝr hyantǝr Hyal nǝr ikǝlizǝya yarɛ murfwɛ, ba thlǝmthlǝmǝr dinar murfwɛ nǝr hai pitǝla yarɛ ni ani ikǝlizǝya yarɛ murfwɛ ni.”

Wulsu 1:8

“Yi dza Alfa ba Aumɛga,” Baditsǝniyari ba Dǝntari, ndǝ Hyal Thlaku. “Yi dza kulini, ba Yi dza watsi, ba Yi dza tsu ata si, Yi dzahyal nam Ɓwaltasang.”

Wulsu 1:9

Yɛ, Yawhana, zǝr mama gǝri ba ndǝr bwanai kǝma gǝri akwa kuhyikur Yɛsu ba kǝmar ɓatǝsu nam nǝmuri akwa Yɛsu, Yɛ ata garǝr Patmausu kadǝbar ka ndǝrǝr Hyal ba nkǝrnta su ata kǝra Yɛsu.

Wulsu 16:5

Antǝ Yi ka ngati ndǝr hyantǝr Hyal nam tǝ yimi yarɛ akwa tsiyari ada nkǝrɛ: “Gǝ ndǝ kal-kal, gǝ dza ani kulini ba gǝ dza ani awatsi, gǝ Hyal nam dzǝri, kadǝbar gǝ dza ani tara si aka haka yarɛ ni;

Wulsu 2:12

“Rǝbwai ala ndǝr hyantǝr Hyal nǝr ikǝlizǝya nam akwa Pǝrgamum: Əni yarni ani ndǝrǝr ndǝ nam aka katsakar tsǝltsǝli, aka nya sǝɗɛ.

Wulsu 2:18

“Rǝbwai ala ndǝr hyantǝr Hyal nǝr ikǝlizǝya nam akwa Thliyatira: Əni yarni ani ndǝr yarɛ nǝr Zǝr Hyal ni, dzǝ nam tǝ ntsari apa kanyara u'u ba dzǝ nam tǝ thlǝlari yarɛ apa ɗankyalbwa tǝ ndǝ fwavunta ada mbǝli.

Wulsu 2:8

“Rǝbwai ala ndǝr hyantǝr Hyal nǝr ikǝlizǝya nam akwa Sǝmarna: Əni yarni ani ndǝrǝr ndǝ nam tangkǝma ba dǝnta, dzǝ nam tara nti ba si aka mpikɛ kadamwa.

Wulsu 22:16

“Yɛ, Yɛsu, kǝ hyanti ndǝr hyantǝrna ka dzǝ nkǝrnta ala gǝri ata kǝra sǝ ǝni yarni ala ikǝlizǝya yarɛ. Yi dza ani Ngǝyang ba Kulfǝr Dauda, ba Tsambiya nam ada mbǝli Kula-kula.”

Wulsu 22:8

Yi, Yawhana, Yɛ dzǝ ani tara ngati ba wula sǝ yarɛ ni. Ba sakatǝ Yi tara ngati ba wula tǝ dar, Yi dla ata thlǝla ndǝr hyantǝr Hyal ni nam ada tsanti tǝ dar alai ka Yi vǝkǝr sǝlai alari.

Wulsu 3:1

“Rǝbwai ala ndǝr hyantǝr Hyal nǝr ikǝlizǝya nam akwa Sardisu: Əni yarni ani ndǝrǝrni dzǝ nam tara ngǝzi mambǝlǝr Hyal yarɛ murfwɛ ba tsambiya yarɛ murfwɛ. Yi zǝndi 'yar ngɛ yarɛ; ndzǝ ada gha apǝri gɛ aka mpikɛ, ama gǝ ntǝnti.

Wulsu 3:14

“Rǝbwai ala ndǝr hyantǝr Hyal nǝr ikǝlizǝya nam akwa Laudikiya: Əni yarni ani ndǝrǝr Apani, ndǝ nam aka dzǝrkur ba sakǝida nam dzǝri, ndǝ nam ngga ata kǝra su tǝ Hyal hǝnti.

Wulsu 3:7

“Rǝbwai ala ndǝr hyantǝr Hyal nǝr ikǝlizǝya nam akwa Filadalfiya: Əni yarni ani ndǝr yarɛ nǝr dzǝ nam Hyal duku ba aka dzǝri, dzǝ nam aka tsǝkuramǝr Dauda. Sǝ nam tǝ dzǝ mburnta ndǝr harti adi wɛ, ba sǝ nam tǝ dzǝ harti ndǝr mburnta adi wɛ.

Wulsu 4:5

Ata dǝgǝl kuhyikur ni parakǝr makǝi sǝba, pǝral aka dlǝri. Akǝma dǝgǝl kuhyikurni, pitǝla yarɛ murfwɛ ada mba. Əni yarni ani mambǝl yarɛ murfwɛ nǝr Hyal.

Wulsu 4:8

Kǝlara akwa ntsa su fwaɗu nam aka mpika yarni aka bǝbǝgǝ yarɛ nkwa ba sanga dzá dar mbuidzi aka ntsɛ, wala akwi bǝbǝga dar. Tsǝtsi aka vǝri dar adi ada ngyar nkǝrɛ: “Ndǝ kartǝ, ndǝ kartǝ, ndǝ kartǝ Ani Thlaku Hyal nam Ɓwaltasang, Dza adai kǝma ta tǝ sanga su awa mǝrtǝdzi, dzǝ adai kulini, ba tsu ata si.”

Wulsu 5:6

Antǝ Yi wula Zǝr Agam, tǝ ndɛ ada wulɛ apa ndǝ thlakǝr wuya alari, ada hyati ata ɗǝfa dǝgǝl kuhyikur ni, tǝ sǝ aka mpikɛ yarni fwaɗu ba ndzǝ ngga-ngga yarni tara dlǝti tǝni. Dza aka tǝmbǝl yarɛ murfwɛ ba ntsɛ yarɛ murfwɛ, nam ani mambǝl yarɛ murfwɛ nǝr Hyal nam tǝ ndǝ hyanǝba alǝkwa sanga dai.

Wulsu 8:2

Ba Yi wula ndzǝr hyantǝr Hyal murfwǝ ni nam ada hyati akǝma Hyal, ba ndǝ la dar tǝmbǝlɛ murfwɛ.