Wulsu 1:1 - Kibaku NT

¹ Hyal la sǝ ǝni ala Yɛsu Kǝrsti, ka dzǝ tsanti ala madar kǝiyirni yarɛ, sǝ nam kǝ ndzai ntsakǝr ata siya 'ya kulini-kulini. Dzǝ mǝrti tǝ ndǝ zǝndi atar hyanti ndǝr hyantǝr Hyalǝrni ala zǝr kǝiyirni Yawhana,

Wulsu 1:1 Iomraidhean Croise

Yawhana 12:49

Adi aka dǝnarna tǝ Yi ada 'ya labar ni wɛ, ama Tada nam tara hyanti tǝra ani tara tsau alai sǝ nam tǝ Yi ada gha, ba aka whal nam tǝ Yi ada gha.

Yawhana 15:15

Yi tsu adi ata kǝga tǝ gǝri zǝr kǝi kǝra wɛ, kadǝbar zǝr kǝi ta zǝndi sǝ nam tǝ thlakǝrni ada 'ya wɛ. Ata vuiya ǝni, Yi ada kǝga tǝ gǝri pazi yarɛ, kadǝbar Yi ghaba ala gǝri sanga sǝ nam tǝ Yi ngati aka Babarna.

Yawhana 17:8

Labar nam tǝ gǝ nkǝrɛ alai Yi nkǝrba ala dar, dar ka dlutsi. Dar zǝndi dzǝrkurari Yi sǝba adzǝ ngɛ, dar ka mbǝrsa apǝri gǝ dza tara hyanti tǝra.

Yawhana 3:32

Sǝ nam tǝ dzǝ wula ba tǝ dzǝ ngati ani tǝ dzǝ ada ndzai sakǝidari, ama ndǝ nam ada dlu sakǝidarni adi wɛ.

Yawhana 8:26

Su hang adai nam tǝ Yi ada bara gha ata kǝra gǝri, tǝ Yi ata hakatsǝni tǝ gǝri kari wɛ. Ama ndǝ nam tara hyanti tǝra ni dzǝ ka dzǝri, Sǝ nam tǝ Yi ngati adzǝni, ani tǝ Yi ada gha akwa dunya.”

Ndzǝr Rauma 16:25

Hǝmɛ ala Hyal nam tara mǝzi ka mǝrti tǝ gǝri ɓaɓal akwa hamnta dzǝrǝr gǝri atar ndǝrǝr Hyal nam sǝɗa ba atar nkǝr ndǝrǝr Yɛsu Kǝrsti ni. Hyal tsanti sǝ nam ɗǝwa-ɗǝwa tǝng awatsi,

Ndzǝr Galatiya 1:12

Kadǝbar adi aka ndǝ tǝ Yi ɓui wɛ, adi ndǝ dza hyipɛ alai tsuwɛ, tar aka tsantǝdzǝr Yɛsu Kǝrsti alai ani tǝ Yi ɓui tǝni.

Ndzǝr Afisa 3:3

ani apani, kakadǝ ǝni ada gha ala gǝri sǝ nkyiɗǝ laka ata kǝra whal tǝ Hyal tara tsanti alai whalǝr dzǝri ɗǝwaɗǝwarni yarɛ.

Taitus 1:1

Kakadu ǝni hyati aka Bulusu, zǝr kǝiyir Hyal ba ndǝr hya nǝr Yɛsu Kǝrsti, akuya hamnta dzǝrǝr ndzǝ nam tǝ Hyal tara tsarba ba zǝndi su nǝr dzǝrkur nam ada mwari aka ndɛ akwa ndzai apa tǝ Hyal ada bara—

Wulsu 1:19

“Rǝbwai, dzá, sǝ nam tǝ gǝ wula, sǝ nam kulini ba sǝ nam ata si 'ya alǝkǝma.

Wulsu 1:9

Yɛ, Yawhana, zǝr mama gǝri ba ndǝr bwanai kǝma gǝri akwa kuhyikur Yɛsu ba kǝmar ɓatǝsu nam nǝmuri akwa Yɛsu, Yɛ ata garǝr Patmausu kadǝbar ka ndǝrǝr Hyal ba nkǝrnta su ata kǝra Yɛsu.

Wulsu 17:1

Pathlu akwa ntsa ndzǝr hyantǝr Hyal yarɛ murfwɛ nam aka ntasa yarɛ murfwǝ ni si ka nkǝrɛ alai, “Azǝrɛ, Yɛ ata tsanti ala gɛ bwanai nǝr zawar nam ada ndzai ata kǝra yimi yarɛ.

Wulsu 19:10

Antǝ Yi dla ata thlǝlari ka vǝkǝr sǝlai alari. Ama dzǝ nkǝrɛ alai, “Ta gǝ ta 'ya sǝ ǝni! Yi zǝr kǝiyir Hyal apa gɛ kaka madar ma nam tara ngǝzi sǝ nam tǝ Yɛsu nkǝrnta. Vǝkǝr sǝlai ala Hyal! Akuya sǝ nam tǝ Yɛsu nkǝrɛ aka sǝ nam tǝ ndǝ nkǝrɛ ata kǝra ntǝrni ba hyati akwa ntǝntǝrni tsu ani labar nam tǝ mambǝl nam ɗaku tara hamnta atar nabi yarɛ.”

Wulsu 19:9

Antǝ ndǝr hyantǝr Hyal ka nkǝrɛ alai, “Rǝbwai: ‘Kutsari aka ndzǝ nam tǝ ndǝ kǝga ka sǝr sǝmǝr kǝldzi nǝr Zǝr Agam ni!’ ” Ba dzǝ dzakti nkǝrɛ, “Əni yarni ani labar yarɛ nǝr Hyal nam dzǝri.”

Wulsu 21:2

Yi wula Mǝlmǝr Hyal, Ursalima nam bǝlin, ada sǝgǝl ati adzǝ Hyal, tǝ ndǝ ɗǝmhǝ apa kambǝl tara dzǝguti kǝrni dakwai kadǝbar salǝrni.

Wulsu 21:9

Pathlu akwa ntsa ndzǝr hyantǝr Hyal murfwɛ ni nam aka ntasa yarɛ murfwɛ ghǝi-ghǝi aka kǝriku nǝr dǝnta murfwɛ si ka nkǝrɛ alai, “Azǝrɛ, Yi ata tsanti ala gɛ kǝduwa ni, mwalar Zǝr Agam ni.”

Wulsu 22:1

Antǝ ndǝr hyantǝr Hyal ka tsanti alai kyaghar yimǝr mpikɛ, ɗulang apa kutǝram, ada whuiya sǝba akwa dǝgǝl kuhyikur Hyal ba nǝr Zǝr Agam

Wulsu 22:16

“Yɛ, Yɛsu, kǝ hyanti ndǝr hyantǝrna ka dzǝ nkǝrnta ala gǝri ata kǝra sǝ ǝni yarni ala ikǝlizǝya yarɛ. Yi dza ani Ngǝyang ba Kulfǝr Dauda, ba Tsambiya nam ada mbǝli Kula-kula.”

Wulsu 22:6

Ndǝr hyantǝr Hyal ni nkǝrɛ alai, “Ndǝr ǝni yarni dar mǝzi ka ndǝ mbǝrsa akǝri ba dar dzǝri. Thlaku Hyal ni, nam tara la mambǝlǝrni ala nabi yarɛ ni, hyanti ndǝr hyantǝr Hyalǝrni ka dzǝ tsanti ala madar kǝiyirni sǝ yarɛ nam kǝ ndzai ntsakǝr ata 'ya kulini-kulini.”

Wulsu 22:8

Yi, Yawhana, Yɛ dzǝ ani tara ngati ba wula sǝ yarɛ ni. Ba sakatǝ Yi tara ngati ba wula tǝ dar, Yi dla ata thlǝla ndǝr hyantǝr Hyal ni nam ada tsanti tǝ dar alai ka Yi vǝkǝr sǝlai alari.

Wulsu 22:9

Ama dzǝ nkǝrɛ alai, “Ta gǝ ta 'ya sǝni! Yi zǝr kǝiyir Hyal apa gɛ kaka madar ma nabi yarɛ ba sanga ndzǝ nam tara ɓǝlati ndǝrǝr kakadu ni. Vǝkǝr sǝlai ala Hyal!”

Wulsu 4:1

Aghǝla ǝni Yi wulɛ, ba akwanda akǝmawai nyavǝr mburmburi ada hyati atahyal. Ba kuɗahu tǝ Yi ngati tangkǝma ada labar alai apa tǝmbǝlɛ ka nkǝrɛ, “Sǝti akwani, ba Yi ata tsanti ala gɛ sǝ nam ata 'ya aghǝla ǝni.”

Wulsu 5:7

Dzǝ si ka dlutsi kakadu pǝrpǝri ni akwa tsisǝma ndǝ nam ada ndzai ata dǝgǝl kuhyikur ni.