Taitus 3:9 - Kibaku NT

⁹ Ama ka gǝ 'ya pǝɗǝm ta lǝkǝdzǝr dlangkur ba tsǝ thlǝma kaká yarɛ ba kampiku aka ɓwalnya yarɛ ata kǝra mabari, kadǝbar sǝ ǝni yarni adi aka ɗǝru wala paida wɛ.

Taitus 3:9 Iomraidhean Croise

1 Ndzǝr Kwaranti 13:2

Ma Yi aka sǝgar nabikur ba Yi ada zǝndi sanga dzǝri ɗǝwa-ɗǝwa ba sanga zǝndi su, ba ma Yi aka hamnta dzǝri nam ada mǝzi ka mbǝyanta paya yarɛ, ama Yi adi aka yiɗǝdzi wɛ, Yi adi mima wɛ.

1 Ndzǝr Kwaranti 8:1

Kulini ata kǝra ɗǝvɛ nam tǝ ndǝ 'ya sataka ala mǝlǝm yarɛ akǝri: yar zǝndi apǝri sanga muri aka zǝndi su. Zǝndi su ada 'ya nggakur kǝr, ama yiɗǝdzi ada kǝlati ndɛ.

1 Timathlawus 4:7

Ka gǝ tabardzi ta tsǝdzǝ sǝr watsi yarɛ nam kura nǝr Hyalkur ba tsǝdzǝ sǝ yarɛ nam kura kal-kal ka ndǝ tsɛ; ata vuiya ǝni ka gǝ tsǝlu kǝrngɛ akwa ndzai Hyalkur.

2 Timathlawus 2:14

Ka gǝ lǝkǝma aka ɗǝngati ala dar sǝ yarɛ ni. Tsau ala dar akǝma Hyal ta dar ta ndzai ka ɓwanya ata kǝra labar yarɛ; adi aka paida wɛ, ba ɗiɗi ada sǝwati ndzǝ nam ada sǝthlǝmɛ.

2 Timathlawus 2:16

Ka gǝ tabardzi ta labar nam kura nǝr Hyalkur, kadǝbar ndzǝ nam ada 'ya ada mǝrti tǝ ndzai kura nǝr Hyalkur dar ada dzagǝdzagi.

2 Timathlawus 2:23

Ta gǝ ta lǝkwa kampiku nǝr dlangkur ba bǝlkǝkur, kadǝbar ada si aka ɓwalnya yarɛ.

Taitus 1:14

ba kura dar tsu awa nga tsǝdzǝ sǝr watsi kura dzǝri nǝr ndzǝr Yahudi wala tsawur ndzǝ nam tara ngǝla dzǝrkur ni.

Yakubu 4:1

Mi ani ada si aka mpa kaka ɓwalnya yarɛ akwa ntsa gǝri? Adi dar ada si atar mau sǝ yarɛ nam tǝ gǝri ada bara nam tǝ dar ada mpa akwa ɗǝfa gǝri wɛ.