Taitus 3:8 - Kibaku NT

⁸ Əni ani ndǝrɛ nam tǝ ndɛ ata mbǝrsa akǝri. Ba Yi ada bara ka gǝri gha sǝ yarɛ ni aka dǝna, ani ka ndzǝ nam aka mbǝrsa akwa Hyal ka dar 'ya hankal ka dar hau kǝr dar akwa 'ya sǝ nam ɗaku. Sǝ yarni tsuwɛ dar sǝ nam ɗawurwur, ba sǝr ɗǝru akuya ka kǝlara ndɛ.

Taitus 3:8 Iomraidhean Croise

Mata 20:4

Dzǝ gha ala dar, ‘Gǝri yɛ mwaramɛ ka gǝri kǝthlǝr akwa fwakǝrna, ba Yi ata nkyǝ tǝ gǝri kǝlara sǝ nam kal-kal.’

Yawhana 12:44

Yɛsu ka haɓǝti kuɗahari ka nkǝrɛ, “Ndǝ nam tara mbǝrsa akwa yɛ, adi akai ɗiɗi tǝ dzǝ ada mbǝrsa wɛ, ama akwa ndǝ nam tara hyanti tǝra yɛ.

Yawhana 5:24

“Dzǝr dzǝri, Yi ada nkǝrɛ ala gǝri, kǝlara ndǝ nam ada ngati ndǝrǝrna tǝ dzǝ ada mbǝrsa aka ndǝ nam tara hya tǝra, dzǝ aka mpikǝ nam kura kurkuri. Ndɛ adi ata 'ya alari haka wɛ, dzǝ kurta lǝba akwa nti dzǝ ka lǝkwa mpikɛ.

'Ya Su 12:15

Dar nkǝrɛ alari, “Gǝ adi akwa hankala gǝ wɛ.” Sakatǝ dzǝ lǝkǝma aka nkǝrɛ apǝri ahani, dar ka nkǝrɛ, ata 'ya ndǝr hyantǝr Hyalǝrni.

Ndzǝr Rauma 4:5

Ama dza, ala ndɛ nam kura ta 'ya kǝthlǝr ama dzǝ vu mbǝrsarni akwa Hyal nam ada mǝrti ndzǝ kǝmangar ka ndzai kal-kal, hamnta dzǝrǝrni nda Hyal ada rǝbwai alari apa kalkalkur.

2 Ndzǝr Kwaranti 4:13

Rǝbwa-rǝbwa: “Yi mbǝrsa; ani ahani tǝ Yi tara nkǝrɛ.” Tsu aka mambǝlǝr hamnta dzǝri ǝnda tǝ yar yɛ yar mbǝrsa ba yar ada ndǝrɛ,

Ndzǝr Afisa 4:28

Ndǝ nam ada hǝlɛ ta dzǝ ta ɓakta hǝlɛ, ama ka dzǝ 'ya kǝthlǝr dzau, ka dzǝ 'ya sǝ nam aka paida aka tsiyari yarɛ, nam tǝ dzǝ awa ɓui su har ka dzǝ la ndzǝ nam kura akǝri.

1 Timathlawus 1:15

Əni ndǝrɛ nam aka dzǝrkur nam tara mǝzi ka kǝlara ndǝ dlutsi ghǝi-ghǝi: Kǝrsti Yɛsu si akwa dunya ni ka dzǝ mbati ndzǝr biku—nam tǝ Yi dza kulɗa ta sang.

1 Timathlawus 2:8

Yi ada bara sǝli yarɛ nam ada ndzai ka Hyal akwa kǝlara vui ka dar 'ya aduwa tǝ dar ada haɓǝti tsiya dar yarɛ kura aka sǝwa ɗǝfu wala ɓwalnya.

1 Timathlawus 5:10

ba mwala nam tǝ ndzi zǝndi aka 'ya sǝ ɗaku, apa dzǝ kǝlati madar, dzǝ ada dlu mǝthlǝɓi, dzǝ kǝtsǝ thlǝlɛ ala ndzǝr Hyal, dzǝ mbana ndzǝ nam akwa bwanai ba dzǝ hamnta kǝrni ala sanga dzǝli kǝthlǝr yarɛ nam ɗaku.

2 Timathlawus 1:12

Əni ani sǝ nam tara 'ya tǝ Yi ada sa bwanai apani. Wala apani Yi ta nga sǝlai wɛ, kadǝbar Yi zǝndi ndǝ nam tǝ Yi mbǝrsa akǝri, ba Yi zǝndi dzǝri apǝri dzǝ ata mǝzi ka ɓǝlati sǝ nam tǝ dzǝ hau akwa tsiyawai ka la vǝr ǝnda.

Taitus 1:9

Kǝ ndzai ntsakǝr ka dzǝ ngǝzi labar dzǝrkur ni ɓaɓal apa tǝ ndǝ tsǝlɛ, ani ka dzǝ dǝnautsǝni ndzǝ damwa atar sǝr tsǝl nam dzǝri ba ka dzǝ ghakǝr ala ndzǝ nam ada ngǝla dzǝrkur ni.

Taitus 2:14

ndǝ nam tara hamnta kǝrni akuya ka muri, ka pǝli tǝ muri akwa sanga kulɗakur ba ka dzǝ kǝtsǝnta ala kǝrni ndzǝ nam tǝ dar nǝni, ndzǝ nam aka miyir 'ya sǝ nam ɗaku.

Taitus 2:7

Akwa kǝlara su ka gǝ ndzai sǝr tsǝlɛ ala dar atar 'ya sǝ nam ɗaku. Akwa sǝr hyipǝr ngɛ ka gǝ tsanti dzǝrkur ba ha dǝna

Taitus 3:1

Ka gǝri ɗǝngati ala ndzi ka dar hamnta kǝr dar ala ndzǝ nam akwa ndzǝr kuhyi ba ndzǝr wada yarɛ, ka dar kǝlǝngkǝr, ka dar ɗǝmhǝdzi ka 'ya kǝlara sǝ nam ɗaku.

Taitus 3:14

Kǝ ndzai ntsakǝr ka ndzǝr muri hau kǝr dar akwa 'ya sǝ nam ɗaku, ani ka dar ɓui sǝ nam tǝ dar ada bara tatang ba ta dar ta ndzai ndzǝ nam kura paida.

Filimaun 1:11

Akwa saka nam tara kwatsǝni dzǝ adi aka paida ala gǝ wɛ, ama kulini dzǝ ndɛ nam aka paida ala mwa gyapu.

Ndzǝr Ibrahim 10:24

Ba ngyar ka muri ɗǝnga kǝma muri akwa whal nam tǝ muri awa dǝnautsǝnidzi tǝbwar yiɗǝdzi ba 'ya sǝ nam kal-kal.

1 Bitrusu 1:21

Atarni antǝ gǝri tara mbǝrsa aka Hyal, nam tara hyanti tǝni akwa ntǝnti ba dzǝ ka lari nggakur ani ka mbǝrsa gǝri ba tǝmár gǝri ka dzǝ ndzai ata Hyal.