Taitus 3:5 - Kibaku NT

⁵ dzǝ mbati tǝ muri, adi kadǝbar ka sǝ nam kal-kal tǝ muri 'yati wɛ, ama kadǝbar ka kǝtǝrdzǝrni. Dzǝ mbati tǝ muri atar kǝtsǝr yabadzi kadamwa ba dzǝ ɓakta mǝrti tǝ muri bǝlin atar Mambǝl Kartǝ,

Taitus 3:5 Iomraidhean Croise

Mata 3:11

“Yi ada 'ya ala gǝri bamtizǝma aka yimi ka gǝri tubi. Ama aghǝlawai ndǝ laka ata si nam tara kwatsǝni tǝra aka nggakur, nam tǝ ɓǝɓaiyirni yarɛ ma Yi ta mǝzi kǝtǝ wɛ. Dzǝ ata 'ya ala gǝri bamtizǝma aka Mambǝl Kartǝ ba aka u'u.

Luka 1:50

Dzǝ la kǝtǝrdzi ala ndzǝ nam ada hyivǝr tǝni, zaman ka la zaman.

Luka 1:54

Dzǝ mbana zǝr kǝiyirni Izǝraila, dzǝ ada mǝzi ɗǝngati ka tsanti

Luka 1:72

ka dzǝ tsanti kǝtǝrdzi ala tada muri yarɛ ba ka dzǝ ɗǝngati sǝrni nam mbwa-mbwa,

Luka 1:78

kadǝbar hangkur kǝtǝrdzǝr Hyalǝr muri, nam atarni tǝ sǝtǝr tsǝtsǝr mbatǝdzi ata si atahyal ka ɓui tǝ muri

Ndzǝr Rauma 11:14

akwa tǝmatsǝni apǝri Yi akwa whal laka nam awa hyanti ɗǝfa ndzǝrna ka dar sǝlku ba ka Yi mbatǝ nakuma dar.

Ndzǝr Rauma 11:6

Ba ma tǝ ɗakur Hyal, antǝ adi tsu tǝ kǝthlǝr yarɛ kǝra wɛ; ma adi ahani wɛ, ɗakur Hyal adi ata ndzai ɗakur Hyal kǝra wɛ.

Ndzǝr Rauma 12:2

Ta gǝr ta nu sǝr 'yar dunya ni, ama ka Hyal pali tǝ gǝri ka gǝr ndzai ndzǝ bǝlin atar pali whal nam tǝ gǝri ada ɗǝnga su. Antǝ gǝri ata zǝndi whal nam tǝ gǝri ata 'ya sǝ nam tǝ Hyal ada bara ka gǝri 'ya—sǝ nam ɗaku, ada panyi ɗǝfu ba kal-kal alari.

Ndzǝr Rauma 3:20

Kadǝbar ǝni ndɛ adi nam tǝ ndɛ ata nkǝrɛ apǝri dzǝ kal-kal akǝma Hyal atar ɓǝla mabari wɛ; ama, atar mabari tǝ mur zǝndi biku.

Ndzǝr Rauma 3:28

Akuya yar ngǝzi apǝri ndɛ ada ɓui ndzai kalkalkur atar hamnta dzǝri adi atar ɓǝla mabari wɛ.

Ndzǝr Rauma 4:5

Ama dza, ala ndɛ nam kura ta 'ya kǝthlǝr ama dzǝ vu mbǝrsarni akwa Hyal nam ada mǝrti ndzǝ kǝmangar ka ndzai kal-kal, hamnta dzǝrǝrni nda Hyal ada rǝbwai alari apa kalkalkur.

Ndzǝr Rauma 9:11

Ama kǝmata tǝ ndǝ awa yai ɓwal yarni wala tǝ dar awa 'yati kǝlara sǝ nam ɗa wala kulɗa—akuya ka sǝ nam tǝ Hyal ada bara akwa tsar su ka dzǝ 'ya adai:

Ndzǝr Rauma 9:16

Kadǝbar ǝni, adi ada ndzai ata sǝ nam tǝ ndɛ ada bara wala tǝ ndɛ ada 'ya wɛ, ama ata kǝtǝrdzǝr Hyal.

Ndzǝr Rauma 9:30

Sǝr mi dza tǝ muri awa nkǝrɛ? Apǝri ndzǝ kura Yahudi yarɛ nam kura ta bara ndzai kalkalkur, dar ɓui tǝni, ndzai kalkalkur nam atar hamnta dzǝri;

1 Ndzǝr Kwaranti 6:11

Ba nakuma gǝri watsi gǝri apani. Ama ndǝ kǝtsǝnta tǝ gǝri, dzǝ vi tǝ gǝri pam ala kǝrni, ba ndǝ mǝrti tǝ gǝri kal-kal akwa thlǝma Thlaku ni Yɛsu Kǝrsti ba aka Mambǝlǝr Hyalǝr muri.

Ndzǝr Galatiya 2:16

ka mur zǝndi ndɛ adi ada ɓui ndzai kal-kal ala Hyal atar nu mabari wɛ, ama atar hamnta dzǝri akwa Yɛsu Kǝrsti ɗiɗi, mur ma mur hamnta dzǝri akwa Yɛsu Kǝrsti, kadǝbar mur ɓui ndzai kalkalkur atar hamnta dzǝri akwa Kǝrsti, ba adi atar nu mabari wɛ, kadǝbar adi atar nu mabari tǝ ndǝ ata ɓui ndzai kalkalkur wɛ.

Ndzǝr Afisa 2:4

Ama kadǝbar yiɗǝdzǝrni nam ngga ala muri, Hyal, nam aka kǝtǝrdzi hang,

Ndzǝr Afisa 4:23

ngyar ka Mambǝlǝrni pali whalǝr ɗǝngar gǝri.

Ndzǝr Afisa 5:26

ka mǝrti tǝni ka dzǝ ndzai nǝr Hyal, tǝ dzǝ ada ɗangulnta tǝni tǝ kǝtsɛ aka yimi aka ndǝrǝrni,

Ndzǝr Kwalausi 3:10

ba gǝri ka hadzɛ dzǝ bǝlin, nam tǝ Hyal tara mǝrti bǝlin akwa zǝndǝsu akwa dludzǝr Hyal.

2 Timathlawus 1:9

dzǝ nam tara mbati tǝ muri ba kǝgati tǝ muri alǝkwa ndzai nam kartǝ—adi kadǝbar mima tǝ muri 'yati wɛ, ama kadǝbar ɗǝngar ni ba ɗakurni. Ɗakur Hyal ni dzǝ la muri akwa Kǝrsti Yɛsu kǝmata baditsǝniyir saka,

Taitus 3:4

Ama, sakatǝ Hyal Ndǝr Mbati tǝ muri tsanti hankalkur ba yiɗǝdzǝrni,

Ndzǝr Ibrahim 10:22

ngyar ka mur si kudzǝghɛ adzǝ Hyal aka ɗǝfu duku akwa mbǝrsa nam kura hyivǝr, aka ɗǝfa muri tǝ ndǝ ɓutsǝba ka kǝtsǝnta tǝ muri ta ndzai aka ɗǝngar ɗǝfu nam aka aibai ba dzá mur kǝtsǝntadzi aka yimi nam lau-lau.

Ndzǝr Ibrahim 4:16

Ngyar dzá ka muri mwari adzǝ dǝgǝl kuhyikur nǝr ɗakur Hyal aka mbǝrsa, ani ka mur dlutsi kǝtǝrdzi ba ka mur ɓui ɗakur Hyal ka dlar tǝ muri akwa saka nam tǝ mur ada bara.

Ndzǝr Ibrahim 6:6

ma dar dlantadzi, ka ndǝ ɓakta si aka dar ka dar tubi, kadǝbar dar ada ɓakta kukwanta Zǝr Hyal ni kadamwa, nam ata dǝntari ata siya 'yanta tǝ dar. Dar ada hau tǝni akwa sǝlai akǝma ndzi.

1 Bitrusu 1:3

Hǝmɛ ka dzǝ ndzai ala Hyal, dzǝ nam Tada ala Thlakǝr muri Yɛsu Kǝrsti! Kadǝbar kǝtǝrdzǝrni nam hang, muri yabadzi kadamwa, ndǝ ka la muri tǝmá nam aka mpikɛ, atar tǝ Hyal hyanti Yɛsu Kǝrsti akwa ntǝnti.

1 Bitrusu 2:10

Watsi gǝri adi mima wɛ, ama kulini gǝr ndzǝr Hyal; watsi gǝr ta ɓui kǝtǝrdzi wɛ, ama kulini gǝr dlutsi kǝtǝrdzǝr Hyal.

1 Bitrusu 3:21

ba yimi ǝni dludzǝr bamtizǝma nam kulini tara mbatǝ tǝ gǝri yɛ—bamtizǝma ni adi apǝri kǝtsǝnta diɗǝr dzɛ wɛ, ama alkawal nǝr ɗǝngar ɗǝfu nam ɗaku tǝbwar Hyal. Dzǝ mbatǝ tǝ gǝri atar hyatǝr Yɛsu Kǝrsti akwa ntǝnti ni,