Taitus 3:3 - Kibaku NT

³ Kadǝbar yar ma watsi yar ta zǝndi sǝ wɛ yar ndzai kura ngandǝrɛ, ndǝ zǝlanta tǝ yar, ba ndǝ mǝrti tǝ yar fali atar sanga dzǝli mau sǝ kulɗa yarɛ ba sǝr nga sǝɗa yarɛ. Yar ndzai akwa imaikur ba sǝlku, ndǝ ngǝla tǝ yar ba yar ada ngǝla ndzi damwa.

Taitus 3:3 Iomraidhean Croise

Mata 21:29

“Dzǝ ka sǝnau, ‘Yi adi ata mwari wɛ,’ ama saka laka dzǝ ka pali ɗǝngar ni dzǝ ka mwari.

Luka 21:8

Dzǝ ka sǝnau ala dar: “Ka gǝri vǝdzǝ hankal ta ndǝ ta zǝlanta tǝ gǝri. Akuya ndzǝ hang ata si akwa thlǝmawai, ka kǝtǝ apǝri, ‘Yi ani dza’ ba, ‘Saka kǝ 'ya kudzǝghɛ.’ Ta gǝr ta nu tǝ dar.

Yawhana 8:34

Yɛsu ka sǝnau ala dar, “Pakat dzǝri Yi ada nkǝrɛ ala gǝri, kǝlara ndǝ nam ada 'ya biku dzǝ faliyir biku.

Ndzǝr Rauma 11:30

Akwa saka nam tara kwatsǝni gǝri nam ndzǝ kura Yahudi adi ada ngandǝrǝr Hyal wɛ, Hyal aka kǝtǝrdzi ala gǝri ata vuiya ǝnari kadǝbar ndzǝr Yahudi adi ada ngandǝrɛ wɛ,

Ndzǝr Rauma 6:12

Kadǝbar ǝni ta gǝr ta ngyar biku ka dzǝ ndzai thlakǝr dzá gǝri nam ata ntǝ ni ani ka tǝ gǝri awa kǝlǝngkǝr ala 'ya su kulɗarni yarɛ ni.

Ndzǝr Rauma 6:17

Ama usɛ ala Hyal nam, wala watsi gǝri fali yarɛ ala biku, gǝri ngandǝrɛ aka sanga ɗǝfa gǝri ala dzǝli hyipɛ nam tǝ ndǝ tara hau akwa tsiya gǝri.

Ndzǝr Rauma 6:22

Ama kulini nam kura gǝri tsu faliyir biku ba gǝri kǝ ndzai faliyir Hyal, paidar sǝ nam tǝ gǝri ata ɓui ada mwari aka ndɛ ka ndzaiyir mpika gǝri ka Hyal, ba wadzǝɓari ani mpikǝ nam kura kurkuri.

Ndzǝr Rauma 6:6

Akuya muri zǝndi apǝri dzá muri nam halhali nǝr biku ni ndǝ kukwanta kaka dza ani ka kura biku tsu awa 'ya aka dǝna ata kǝra muri, muri tsu adi faliyir biku wɛ—

2 Ndzǝr Kwaranti 12:20

Akuya Yi ada hyivǝr apǝri sakatǝ Yi si adzǝ gǝri Yi atara ɓui tǝ gǝri kura apa tǝ Yi ada bara ka Yi ɓui tǝ gǝri akwa, ba gǝr atara ɓui tǝra kura apa tǝ gǝri ada bara ka gǝri ɓui tǝra akwa. Yi ada hyivǝr apǝri atara ɓuidzi akwa ntsa gǝri ada kampiku, sǝlku, sǝwa ɗǝfu, ndǝghǝ nya, gha su kulɗa ata kǝra ndɛ, gha ndɛ, kǝngkur ba bǝlkǝtsǝnidzi.

Ndzǝr Galatiya 6:3

Dzǝrkurari ani ma kǝlara ndǝ nam tara ɗǝnga apǝri dzǝ sǝ laka, ama dzǝ adi sǝ laka wɛ, dzǝ zǝlanta kǝrni.

Ndzǝr Kwalausi 1:21

Akwa saka nam tara kwatsǝni gǝri pǝɗǝm ta Hyal, tǝ gǝri tara ndzai dawarni akwa ɗǝngar gǝri akuya ka kulɗakur 'yar gǝri.

Ndzǝr Kwalausi 3:7

Akwa ndzaiyir gǝri watsi gǝr kǝ 'ya dzǝli sǝ yarɛ ni.

2 Timathlawus 3:13

ama ndzǝ kulɗa ba ndzǝ nam ada kǝtǝ kǝr dar apǝri dar su ama dar adi mima wɛ dar ata lǝkǝma aka 'ya kulɗa ba kulɗa ta sang, dar ada lǝkǝma aka zǝla ndzi ba ndzi ada zǝla tǝ dar.

2 Timathlawus 3:6

Dar ani ndzi yarɛ nam ada ngwarɛ alivi akwa kǝi yarɛ ata kǝra mwahyi yarɛ nam kura aka ɗǝfu, nam tǝ biku yarɛ kurtaka tsani tǝ dar ba dar ka pǝranta atar sanga dzǝli mau sǝ yarɛ nam kulɗa.

Taitus 1:16

Dar ada kǝtǝ apǝri dar zǝndi Hyal, ama sǝr 'yar dar adi ta tsanti wɛ. Dar ndzai sǝr ghyǝmbur, kura ngandǝrkur ba dar ta mǝzi ka 'yati sǝ nam ɗaku wɛ.

Taitus 2:12

Dzǝ ada hyipɛ ala muri tǝ muri awa nkǝrɛ “A'a” ala ndzai kura ndzaiyir Hyalkur ba ndzaiyir mau sǝ kulɗa nǝr dunya ǝni, ba ka mur ndzai ndzǝ nam ada ɓǝlati kǝr dar, ada ndzai nam kal-kal ba ndzaiyir Hyalkur akwa zaman kulini ni.

Yakubu 1:26

Ma kǝlara ndɛ nam tara kǝtǝ kǝrni apǝri dzǝ aka adini ba dzǝ adi ada ɓǝlati kanyarari wɛ, dzǝ ada zǝla kǝrni ba adiniyirni yɛ ɓǝrtu.

1 Bitrusu 1:14

Ka gǝri ndzai apa madar Hyal nam ada hamnta kǝr, ta gǝri ta nu barar gǝri nam kulɗa nam watsi akwa sakatǝ gǝri bǝlku.

Wulsu 12:9

Ndǝ ka ɗalghǝl nggar pwapu kulɗa nam ngga ni—pwapu nam watsi tǝ ndǝ ada ka tǝ Satan, nam tara zǝlanta dunya sang. Ndǝ ɗalghǝl tǝni ata dai, ba ndzǝr hyantǝr Hyal ni yarɛ kaka dza.

Wulsu 13:14

Kadǝbar ka sǝr ndati yarɛ nam tǝ ndǝ lar dǝna tǝ dzǝ ada 'yati ata vuiya mawi kulɗa nam tangkǝma ni, dzǝ zǝlanta ndzǝ nam ada ndzai ata dai. Dzǝ hau tǝ dar ka mǝrti su tara par mawi kulɗa nam tangkǝma ni ka vǝkǝr sǝlai ala mawi kulɗa nam tara ɓui mbǝlkǝr katsakar ba tsu dzǝ aka mpikɛ.

Wulsu 18:2

Dzǝ ndǝri lǝlɛ aka dǝna: “Dla! Dla ani Babila nam ngga! Dzǝ kǝ ndzai kǝiyir mambǝl kulɗa yarɛ ba vui mbur kǝlara mambǝl nam kulɗa, vui mbwɛ ala kǝlara ika nam kura kǝtsǝkǝtsi ba kǝlara mawi nam kura kǝtsǝkǝtsi tǝ ndǝ ngǝla.