Taitus 3:2 - Kibaku NT

² Ta dar ta gha su kulɗa ata kǝra ndɛ, ta dar ta ndzai ndzǝr kampiku ba ka dar tsan hankalkur, ba ka dar wul sǝ nam tǝ kǝma dar ada bara ɓwalta nǝdar, ba ka dar tsan tǝrghǝlkǝr nam dzǝri tǝbwar sanga ndzi.

Taitus 3:2 Iomraidhean Croise

Mata 11:29

Ka gǝri kǝtǝ kǝthlǝr falikurna ata kǝra gǝri, ka gǝri tsǝlɛ akai sǝr 'yarna, akuya Yi ndǝ nam kanadi aka tǝrghǝlkǝr, antǝ gǝri ata siya ɓui ghǝrbadzi.

'Ya Su 23:5

Bulusu sǝnau, “Madar mama, Yi ta zǝndi apǝri dzǝ ani kuhyir fǝrist wɛ; akuya rǝbwa-rǝbwa: ‘Ta gǝ ta gha sǝ kulɗa ata kǝra nggar ndzǝr gǝri.’ ”

1 Ndzǝr Kwaranti 6:10

wala ndzǝr hǝlɛ wala ndzǝ nyanyam wala ndzǝ mbalma wala ndzǝr gha ndɛ wala ndzǝ dlǝrpu dar adi ata ɓui kuhyikur Hyal wɛ.

1 Ndzǝr Kwaranti 9:19

Wala tǝ Yi adi akwa tsiya ndǝ wɛ, Yi mǝrti kǝrna fali ala kǝlara ndɛ, ka Yi si aka ndzǝ hang ala Kǝrsti.

2 Ndzǝr Kwaranti 10:1

Atar tǝrghǝlkǝr ba kanadikur nǝr Kǝrsti, Yi kǝgyǝ tǝ gǝri—Yɛ, Bulusu, nam kura “ada ndǝrɛ” sakatǝ Yi kaka gǝri, ama “ada ndǝrɛ ngga-ngga” sakatǝ Yi tǝra!

2 Ndzǝr Kwaranti 12:20

Akuya Yi ada hyivǝr apǝri sakatǝ Yi si adzǝ gǝri Yi atara ɓui tǝ gǝri kura apa tǝ Yi ada bara ka Yi ɓui tǝ gǝri akwa, ba gǝr atara ɓui tǝra kura apa tǝ gǝri ada bara ka gǝri ɓui tǝra akwa. Yi ada hyivǝr apǝri atara ɓuidzi akwa ntsa gǝri ada kampiku, sǝlku, sǝwa ɗǝfu, ndǝghǝ nya, gha su kulɗa ata kǝra ndɛ, gha ndɛ, kǝngkur ba bǝlkǝtsǝnidzi.

Ndzǝr Galatiya 5:22

Ama munyar Mambǝl ni ani yiɗǝdzi, kutsari, lapiyakur, kǝmar, hankalkur, ɗakur, dzǝrkur,

Ndzǝr Galatiya 6:1

Madar mama, kaka nkwaiyir mama, ma ndǝ laka akwa ntsa gǝri 'ya biku, gǝri nam ada ndzai aka Mambǝlǝr Hyal, ka gǝri hau tǝni aka hankal akwa whalɛ nam kal-kal. Ka gǝr 'ya hankal, ta gǝri ta ɗu akwa dzǝli nkǝrti ǝni gǝri ma.

Ndzǝr Galatiya 6:10

Apani tsuwɛ, apa tǝ muri aka saka, ngyar ka muri 'ya ɗakur ala kǝlara ndɛ, apamá ala madar mama nam tara mbǝrsa akwa Kǝrsti.

Ndzǝr Afisa 4:2

Ka gǝr tǝrghǝl kǝra gǝri ba ka gǝr ndzai aka kanadi; ka gǝr 'ya kǝmar, ka gǝr ɓati su ala kǝma gǝri akwa yiɗǝdzi.

Ndzǝr Afisa 4:31

Ka gǝr ndǝghǝi aka nya ɗǝwatukur, ghǝrdi ba kǝl ɗǝfu, tsǝdzǝ nya ba gha ndɛ, kaka kǝlara dzǝli bara kulɗakur ata kǝma ngɛ.

Ndzǝr Filibi 4:5

Ngyar ka kanadikur gǝri nam ɗa tsantǝdzi ala sanga ndɛ. Thlaku kǝ 'ya kudzǝghɛ.

1 Ndzǝr Tasalaunika 2:7

Apa ndzǝr hyar Kǝrsti yar aka whalɛ nam tǝ yar ata bara su aka gǝri, ama yar aka kanadi akwa ntsa gǝri, apa tǝ mama ada wul madarni nam nkyǝnkyiɗu.

1 Timathlawus 3:11

Tsu apani, mwahyir dar ka dar ndzai mwahyi nam tǝ ndǝ ata mǝzi la dar sǝlai, kura dar aka nya dlawarwar ama ndzǝ nam ada tsǝlpi kǝr dar ba ndzǝ nam aka dzǝrkur akwa sanga su.

1 Timathlawus 3:3

adi ndǝr sǝsa su wur-wur wɛ, adi ndǝr 'ya sǝ mpa-mpa wɛ, ama ndǝ nam aka kanadi, adi ndǝr kampiku wɛ, adi ndǝr yiɗɛ kwapa wɛ.

Yakubu 3:17

Ama bǝrkawakur nam tara hyati atahyal tangkǝma dzǝ kǝtsǝkǝtsi; antǝ yiɗǝ ndzai lapiya, kanadikur, kǝlǝngkǝr, kǝtǝrdzi hang ba munya nam ɗaku, kura aka nkǝru ba aka dzǝrkur.

Yakubu 4:11

Madar mama kaka nkwaiyir mama yarɛ, ta gǝri ta gha su kulɗa ata kǝma gǝri mai. Ndɛ nam ada gha su kulɗakur ata kǝra zǝrangǝri wala 'ya haka alari, dzǝ ada gha su kulɗa ba 'ya haka ala Mabari ni. Sakatǝ gɛ ada 'ya haka ala mabari ni, gɛ adai ada ɓǝla Mabari wɛ, ama gɛ ada ndzai ka 'ya haka alari.

1 Bitrusu 2:1

Ani ka gǝri ngyar sanga halǝr ɗǝnga 'ya kulɗakur, sanga zǝla ndɛ, kanyar sǝɗǝkur, dǝguntsǝni ndɛ, ba sanga dzǝli gha ndɛ.

1 Bitrusu 3:10

Apa rǝbwa-rǝbwa akwa Labar Hyal: “Kǝlara ndǝ nam ada bara ka dzǝ nga sǝɗar ndziyirni ba ka dzǝ sǝkar akwa dunya, kǝ ndzai ntsakǝr ka dzǝ ɗǝwar kanyarari ta gha su kulɗa, ba ka dzǝ ɗǝwar nyari ta labar hawi.

1 Bitrusu 3:8

Dǝntari, sanga gǝri ka gǝri ndzai aka ɗǝnga duku, 'ya damitsǝnidzi ka kǝma gǝri, yiɗamɛ kǝma gǝri apa madar mama ba nkwaiyir mama, ka gǝri tsan kalhur ba tǝrghǝlkǝr ala kǝma gǝri.

1 Bitrusu 4:4

Dar ada ndatǝdzi kura gǝr tsu ada kǝltsǝni kǝr kaka dar kulini akwa 'ya su kulɗa-kulɗa hang yarɛ ǝnda, ani dar ada ngǝngǝl tǝ gǝri.

2 Bitrusu 2:10

Hakar Hyal ata 'ya dzau apamá ala ndzǝ nam ada nu mau sǝr kalalamkur nam tǝ dzǝr biku ada bara ba dar ada rutsǝni ndzǝ nam akwa kuhyikur. Dar aka kǝngkur, malǝmǝr hawi yarɛ ni dar adi ada hyivǝr ngǝngǝl sǝ yarɛ nam aka mpikǝ nam aka nggakur atahyal wɛ.

Yahuda 1:10

Ama ndzǝ yarni dar ada nkǝr sǝr ngǝngǝlɛ yarɛ ata kǝra kǝlara sǝ nam kura dar ta ngaba; apa mawi yarɛ nam kura aka ɗǝnga, dar ada nu sǝ nam tǝ dzá dar ada gha ala dar—Sǝ ǝni yarni ani ada santa tǝ dar.

Yahuda 1:8

Tsu akwa whal ǝni, ndzǝ yarni dar ada 'ya sǝni yarɛ nam ada mǝrti tǝ dar ada 'ya biku ala dzá dar yarɛ, dar ada ngǝla wada ba dar ada gha sǝ kura dzǝri ata kǝra sǝ yarɛ nam aka mpikɛ atahyal.