Taitus 2:2 - Kibaku NT

² Ka gǝ hyipɛ ala sǝli nam ngga-ngga ka dar tsǝlpi kǝr dar, ka ndǝ mǝzi la dar sǝlai, ka dar ɓǝlati kǝr dar, ka dar hyati ɓaɓal akwa hamnta dzǝri, akwa yiɗǝdzi ba akwa ɓati su.

Taitus 2:2 Iomraidhean Croise

Markusu 5:15

Sakatǝ dar si adzǝ Yɛsu, dar wula ndǝ nam aka mambǝl nam kulɗa hang akwa dzari ni. Dzǝ ada ndzai akwanda tara hatǝ kari aka hankalari kal-kal, antǝ dar ka hyivǝr.

Luka 8:35

Ba ndzǝ ka whuiya lǝba akuya ka dar wula sǝ nam tara 'ya, sakatǝ dar tara si adzǝ Yɛsu, antǝ dar ka wula ndǝ nam tǝ mambǝl yarɛ nam kulɗa ni tara sǝba akwa dzari, ada ndzai adzǝ thlǝla Yɛsu, tara hati lǝkutǝrni tsip adzǝni, tǝ dzǝ akwa hankalari kal-kal; sanga dar kǝ kǝtǝ hyivǝr.

'Ya Su 24:25

Tǝ Bulusu tsǝ su ata kǝra ndzai kalkalkur, ɓǝlati kǝr ba haka nam ata si, Filisu lǝkwa hyivǝr ka nkǝrɛ, “Əni kǝ mǝzi kulini! Mwari ngɛ atǝra. Yi ata kǝga tǝngɛ kadamwa ma Yi ɓui whalɛ.”

Ndzǝr Rauma 12:3

Akuya atar ɗakur Hyal nam tǝ Dzǝ lai Yi ada nkǝrɛ ala kǝlara ndɛ akwa ntsa gǝri: Ta gǝ ta kǝtǝ nggakur kǝr ɓwalta kǝra gɛ, ama kudzǝ ka gǝ 'ya ɗǝnga kal-kal ata kǝra kǝrngɛ, apa whal nam tǝ Hyal tara vi ka la gɛ akwa hamnta dzǝrǝr ngɛ.

1 Ndzǝr Kwaranti 15:34

Siyamɛ akwa hankala gǝri apa nam kal-kal, ba ka gǝr ngyar 'ya biku; akuya nakuma ndzǝ adai nam kura ta zǝndi Hyal—Yi gha ǝni ka sǝlai ala gǝri.

1 Ndzǝr Kwaranti 9:25

Kǝlara ndɛ nam tara lǝkwa gyali dzǝ ada lǝkwa tsǝlɛ nam dzau. Dar ada 'ya ka dar ɓui aliyapu nam kura ada sǝkar; ama muri ada 'ya tǝni ka ɓui aliyapu nam ada ndzai kura kurkuri.

2 Ndzǝr Kwaranti 5:13

Ma yar tsu adi akwa hankala yar wɛ, ǝnda 'ya ata nyar Hyal; ma yar akwa hankala yar kal-kal ǝni ka gǝri.

Ndzǝr Galatiya 5:23

kanadikur ba ɓǝlati kǝr. Dzǝli sǝ ǝni yarni mabari adi ata kǝra dar wɛ.

Ndzǝr Filibi 4:8

Ata dǝnta, madar mama, kǝlara sǝ nam dzǝri, kǝlara sǝ nam ɗaku, kǝlara sǝ nam kal-kal, kǝlara sǝ nam kǝtsǝkǝtsi, kǝlara sǝ nam tǝ ndǝ yiɗɛ, kǝlara sǝ nam tara mǝzi hǝmɛ—ma kǝlara sǝ nam ɗawurwur wala nam tara mǝzi hǝmɛ—ɗǝngamɛ ata kǝra sǝ yarni.

1 Ndzǝr Tasalaunika 5:6

Ani ahani ta muri ta ndzai apa ndzǝ damwa, nam ata hanyi, ama ngyar ka muri ndzai ata mulɛ ba ɓǝlati kǝr.

1 Ndzǝr Tasalaunika 5:8

Ama kadǝbar muri nǝr tsǝtsi, ngyar ka mur ɓǝlati kǝr muri, ka mur hakǝr hamnta dzǝri ba yiɗǝdzi apa yangǝr mbu kǝrathlɛ, ba tǝmatsǝniyir ɓui mbatǝdzi apa darar yang.

1 Timathlawus 1:10

ka ndzǝr badawi, ka sǝliyir pi aka sǝli ba mwahyir pi aka kǝma dar, ka ndzǝr ɗǝl fali, ka ndzǝr hawi, ka ndzǝr kǝl sakǝidar hawi, ba akuya ka sǝ yarɛ damwa nam kura kal-kal aka sǝr tsǝlǝr Hyal nam dzǝri,

1 Timathlawus 1:14

Ɗakur Thlakǝr muri pukǝrdzi alai hangkurari, atakǝmaduku kaka hamnta dzǝri ba yiɗǝdzi nam akwa Kǝrsti Yɛsu.

1 Timathlawus 1:2

Yi ada rǝbwa ala Timathlawus, zǝrna nam dzǝri akwa hamnta dzǝri: Ka Hyal Tada ni ba Kǝrsti Yɛsu Thlakǝr muri la gǝri ɗakur Hyal, kǝtǝrdzi ba ndzai lapiyakur.

1 Timathlawus 1:5

Sǝ nam tǝ mabari ni ada bara ani yiɗǝdzi, nam ada hyati akwa ɗǝngar ɗǝfu nam ɗaku, ba hamnta dzǝri nam akwa dzǝrkur.

1 Timathlawus 3:11

Tsu apani, mwahyir dar ka dar ndzai mwahyi nam tǝ ndǝ ata mǝzi la dar sǝlai, kura dar aka nya dlawarwar ama ndzǝ nam ada tsǝlpi kǝr dar ba ndzǝ nam aka dzǝrkur akwa sanga su.

1 Timathlawus 3:2

Ndǝ ngga akwa ikǝlizǝya ntsakǝr ka dzǝ ndzai ndǝ nam kura aka sǝr ngǝlɛ, salǝr mwala duku, ndǝ nam ada tsǝlpi kǝrni, ada ngǝngǝuti kǝrni, ada la sǝlai ala kǝrni, ada dlu mǝthlǝɓi, ndǝ nam ada mǝzi hyipǝ su ala ndɛ,

1 Timathlawus 3:4

Ntsakǝr ka dzǝ ngǝzi kǝiyirni ɗaku ba ka dzǝ wula apǝri madarni ada ngandǝrǝrni ba dar ada lari sǝlai kal-kal.

1 Timathlawus 3:8

Tsu apani, ndzǝr mbana akwa ikǝlizǝya, ka dar ndzai sǝli nam tǝ ndɛ ada la dar sǝlai, ndzǝ nam ada 'ya su aka dzǝrkur, kura ada sa yimǝr inabi wur-wur, kura ada bara sǝr ɗǝru nam kura kal-kal.

1 Timathlawus 5:1

Ta gǝ ta ɗǝmnya ala bwathlu, ama ka gǝ nkǝrti alari su aka hankal apa dzǝ babar ngɛ. 'Ya su ala ndzǝ nam tatami apa dar madar ma,

Taitus 1:13

Sǝ nam tǝ ndǝ tara gha ata kǝra dar ni dzǝri. Kadǝbar ǝni, ka gǝri gha ala ndzǝ yarni apǝri sǝr tsǝlǝr dar yarɛ adi kal-kal wɛ, ani ka dar ndzai aka hamnta dzǝri nam kal-kal

Taitus 1:8

Ata vuiya su yarni ka dzǝ ndzai ndǝr dlu mǝthlǝɓi, ndǝ nam ada yiɗǝ sǝ nam ɗaku, ndǝ nam ada tsǝlpi kǝrni, ndǝ nam kal-kal, ndǝ nam kartǝ ba ndǝ nam 'yi-'yi.

Taitus 2:7

Akwa kǝlara su ka gǝ ndzai sǝr tsǝlɛ ala dar atar 'ya sǝ nam ɗaku. Akwa sǝr hyipǝr ngɛ ka gǝ tsanti dzǝrkur ba ha dǝna

Filimaun 1:9

Ama Yi ada kǝgyǝ tǝngɛ akuya ka yiɗǝdzi. Antǝ Yi Bulusu, nam bwathlu ba kulini ndǝr fǝrsǝnar Kǝrsti Yɛsu,

1 Bitrusu 1:13

Kadǝbar ǝni, ka gǝr dzǝkuti ɗǝnga gǝri ka 'ya su; ka gǝri ɓǝlati kǝr gǝri; vǝtamɛ tǝmár gǝri sang-sang ata ɗakur Hyal nam tǝ ndǝ ata la gǝri, sakatǝ Yɛsu Kǝrsti tsantǝdzi.

1 Bitrusu 4:7

Dǝntar sanga su kǝ si kudzǝghɛ. Kadǝbar ka ǝni, ka gǝri 'ya ɗǝnga nam ɗa ka gǝri ɓǝlati kǝr gǝri, ani ka gǝr mǝzi ka 'ya aduwa.

1 Bitrusu 5:8

Ka gǝri ɓǝlati kǝr gǝri, ka gǝri ndzai ata mulɛ. Dawar gǝri Satan ada nuɗɛ apa dzǝngai ada zǝmi ada bara ndǝ tǝ dzǝ awa kwaɓǝlnya.

2 Bitrusu 1:6

ba ata kǝra zǝndi su, ɓǝlati kǝr, ba ata kǝra ɓǝlati kǝr, ɓatǝsu, ba ata kǝra ɓatǝsu, ndzai nǝr Hyalkur;