Taitus 1:9 - Kibaku NT

⁹ Kǝ ndzai ntsakǝr ka dzǝ ngǝzi labar dzǝrkur ni ɓaɓal apa tǝ ndǝ tsǝlɛ, ani ka dzǝ dǝnautsǝni ndzǝ damwa atar sǝr tsǝl nam dzǝri ba ka dzǝ ghakǝr ala ndzǝ nam ada ngǝla dzǝrkur ni.

Taitus 1:9 Iomraidhean Croise

'Ya Su 18:28

Akuya dzǝ ɓwalnya dzau kaka ndzǝr Yahudi akwa ntsa ndzi ba dzǝ tsanti ala dar akwa Labar Hyal apǝri Yɛsu dzǝ ani Kǝrsti.

1 Ndzǝr Kwaranti 14:24

Ama ma ndǝ nam kura aka mbǝrsa wala ndǝ nam kura akwa ikǝlizǝya sǝngui akwa ntsa gǝri ama kǝlara ndɛ ada 'ya nabikur, labar yarɛ nam tǝ dzǝ ngati ata tsanti alari apǝri dzǝ ndǝr biku ba sǝ yarɛ nam tǝ dzǝ ngati ata thlanta alari haka,

1 Ndzǝr Tasalaunika 5:21

Ka gǝri wulba kǝlara su ka gǝri ngǝzi sǝ nam ɗaku.

2 Ndzǝr Tasalaunika 2:15

Ani dzá, madar mama kaka nkwaiyir mama yarɛ, ka gǝri hyati ɓaɓal ba ka gǝri ngǝzi sǝr hyipɛ nam tǝ yar la gǝri, wala tǝ labarǝr nya wala tǝ kakadu.

1 Timathlawus 1:10

ka ndzǝr badawi, ka sǝliyir pi aka sǝli ba mwahyir pi aka kǝma dar, ka ndzǝr ɗǝl fali, ka ndzǝr hawi, ka ndzǝr kǝl sakǝidar hawi, ba akuya ka sǝ yarɛ damwa nam kura kal-kal aka sǝr tsǝlǝr Hyal nam dzǝri,

1 Timathlawus 1:15

Əni ndǝrɛ nam aka dzǝrkur nam tara mǝzi ka kǝlara ndǝ dlutsi ghǝi-ghǝi: Kǝrsti Yɛsu si akwa dunya ni ka dzǝ mbati ndzǝr biku—nam tǝ Yi dza kulɗa ta sang.

1 Timathlawus 1:19

Ka gǝ ngǝzi hamnta dzǝri ba ɗǝngar ɗǝfu nam ɗaku. Ndzǝ laka ngǝla sǝ yarɛ ni ba dar ka whuzanta hamnta dzǝrǝr dar.

1 Timathlawus 4:9

Ndǝrɛ ǝni mǝzi ka ndǝ mbǝrsa akǝri nam tǝ ndǝ awa dlutsi tǝni sang

1 Timathlawus 6:3

Ma kǝlara ndǝ nam ada hyipǝ sǝr tsǝl nam hawi kura ta lu ala sǝr tsǝl nam dzǝri nǝr Thlaku Yɛsu Kǝrsti ba ala sǝr hyipɛ nǝr Hyalkur,

2 Timathlawus 1:13

Sǝ nam tǝ gǝ ngati akai, ka gǝ ngǝzi dzǝ ani whalɛ nǝr hyipǝ sǝ dzǝri, aka hamnta dzǝri ba yiɗǝdzi akwa Kǝrsti Yɛsu.

2 Timathlawus 2:2

Ba sǝ yarɛ nam tǝ gǝ ngati tǝ Yi gha akǝma sakǝida yarɛ hang, ka gǝ nkǝrɛ ala ndzǝ nam tǝ ndzǝ mbǝrsa akǝri ndzǝ nam ata mǝzi ka hyipɛ ala ndzǝ damwa yarɛ.

2 Timathlawus 2:25

Ndzǝ nam ada dǝlthlǝlari ntsakǝr ka dzǝ hau tǝ dar akwa whalɛ aka hankal, akwa tǝmatsǝni apǝri Hyal ata la dar whalǝr tubi tǝ dar awa ɓui ka zǝndi dzǝrkur,

2 Timathlawus 3:14

Ama gɛ, ka gǝ lǝkǝma akwa sǝ yarɛ nam tǝ gǝ tsǝli ba tǝ gǝ kurtaka mbǝrsa apǝri dzǝri, kadǝbar gǝ zǝndi ndzǝ ni nam tǝ gǝ tsǝlɛ aka dar,

2 Timathlawus 4:3

Akuya saka ata si nam kura ndzi tsu awa ɓati ka dlu sǝr hyipǝ nam dzǝri. Ata vuiya ǝni, akuya ka sǝ nam tǝ dar ada mauwɛ, dar ata tsaɓtsǝni ndzǝr hyipǝ yarɛ ala kǝr dar ka nkǝr sǝ nam tǝ thlǝma dar ada ɓǝɓa ka ngati.

Taitus 1:11

Kǝ ndzai ntsakǝr ka ndǝ harti nya dar, kadǝbar dar ada kikilnta sanga yalǝr kuta kǝi atar hyipǝ sǝ yarɛ nam kura kal-kal ka dar hyipɛ, ba dar ada 'ya ǝnda akuya ka sǝm ndɛ.

Taitus 2:1

Kǝ ndzai ntsakǝr ka gǝ hyipǝ sǝ nam ada si kal-kal aka hyipǝ sǝ nam dzǝri.

Yahuda 1:3

Pazi yarɛ nam tǝ Yi yiɗɛ, wala tǝ Yi dzala ka Yi rǝbwa ala gǝri ata kǝra mbatǝdzi ni nam tǝ muri akǝri, ama kǝ ndzai ntsakǝr ka Yi rǝbwa ala gǝri ka Yi dǝnautsǝni tǝ gǝri ka gǝri mpaba mpa akuya hamnta dzǝri ni nam ka duku ɗiɗi ala ndzǝ sang tǝ Hyal hau akwa tsiya ndzǝr Hyal yarɛ.

Wulsu 2:25

Lǝkǝmamɛ aka mbǝrsa ɓaɓal akwa labar nam tǝ gǝri dlutsi sai ma Yi si.

Wulsu 3:11

Yɛ ata si kulini-kulini. Ngǝzi ɓaɓal sǝ nam tǝ gɛ akǝri, ani ka ta ndǝ ta mbuli aliyapǝr ngɛ.

Wulsu 3:3

Ka gǝ ɗǝngati, sǝ nam tǝ gǝ dlutsi ba ngati; ka gǝ ɓǝla tǝni, ba ka gǝ tubi. Ama ma gǝ ta hyati wɛ, Yɛ ata si apa ndǝr hǝlɛ, ba gɛ adi ata zǝndi saka nam tǝ Yɛ ata si ata kǝra gǝ wɛ.