Taitus 1:8 - Kibaku NT

⁸ Ata vuiya su yarni ka dzǝ ndzai ndǝr dlu mǝthlǝɓi, ndǝ nam ada yiɗǝ sǝ nam ɗaku, ndǝ nam ada tsǝlpi kǝrni, ndǝ nam kal-kal, ndǝ nam kartǝ ba ndǝ nam 'yi-'yi.

Taitus 1:8 Iomraidhean Croise

Luka 2:25

Akwa saka nda, ndǝ laka adai nam ada ndzai akwa Ursalima nam tǝ thlǝmari Simiyaun, dzǝ ndǝ nam kal-kal ba dzǝ ndǝr vǝkǝr sǝlai ala Hyal. Dzǝ ada sǝkǝ vǝr nam tǝ Hyal ata siya mbati Izǝraila, ba dzǝ aka Mambǝl Kartǝ ata kǝrari.

'Ya Su 24:25

Tǝ Bulusu tsǝ su ata kǝra ndzai kalkalkur, ɓǝlati kǝr ba haka nam ata si, Filisu lǝkwa hyivǝr ka nkǝrɛ, “Əni kǝ mǝzi kulini! Mwari ngɛ atǝra. Yi ata kǝga tǝngɛ kadamwa ma Yi ɓui whalɛ.”

1 Ndzǝr Tasalaunika 2:10

Gǝri dza sakǝida yarɛ, ba ani ahani Hyal, apǝri 'yar yar akwa ntsa gǝri nam tara mbǝrsa ani kartǝ, kal-kal akǝma Hyal, ba kura aka aibai.

1 Timathlawus 3:2

Ndǝ ngga akwa ikǝlizǝya ntsakǝr ka dzǝ ndzai ndǝ nam kura aka sǝr ngǝlɛ, salǝr mwala duku, ndǝ nam ada tsǝlpi kǝrni, ada ngǝngǝuti kǝrni, ada la sǝlai ala kǝrni, ada dlu mǝthlǝɓi, ndǝ nam ada mǝzi hyipǝ su ala ndɛ,

1 Timathlawus 4:12

Ta gǝ ta ngyar ka kǝlara ndɛ rutsǝni tǝngɛ kadǝbar ka nkyǝɗukur ngɛ, ama ka gǝ ndzai sǝr tsǝlɛ ala ndzǝ nam aka mbǝrsa akwa nkǝr su, akwa ndzaiyir mpikɛ, akwa yiɗǝdzi, akwa hamnta dzǝri ba akwa kǝtsǝkǝtsikur ɗǝfu.

1 Timathlawus 6:11

Ama gɛ, ndǝr Hyal, ka gǝ whui ta sanga sǝ yarni, ba ka gǝ nu 'ya sǝ kalkalkur, ndzai nǝr Hyalkur, hamnta dzǝri, yiɗǝdzi, ɓatǝsu ba kanadikur.

2 Timathlawus 2:22

Whui ta mau sǝ kulɗa nǝr wazakur ni, ka gǝ bara ndzai kalkalkur, hamnta dzǝri, yiɗǝdzi ba ndzai lapiya, kaka ndzǝ nam ada kǝga Thlaku ni aka ɗǝfu kǝtsǝkǝtsi.

2 Timathlawus 3:3

kura yiɗǝdzi, kura kyifǝnta kǝmani, ndzǝr gha ndɛ, kura ɓǝlati kǝr, kǝmangarkur, kura ada yiɗǝ sǝ ɗaku,

Taitus 2:7

Akwa kǝlara su ka gǝ ndzai sǝr tsǝlɛ ala dar atar 'ya sǝ nam ɗaku. Akwa sǝr hyipǝr ngɛ ka gǝ tsanti dzǝrkur ba ha dǝna

1 Yawhana 3:14

Muri zǝndi apǝri muri kurtaka kwatsǝni nti muri ka lǝkwa mpikɛ, kadǝbar muri yiɗǝ madar mama kaka nkwaiyir mama muri yarɛ. Kǝlara ndǝ nam kura aka yiɗǝdzi, dzǝ ada ndzai ata kwar nti.

1 Yawhana 5:1

Kǝlara ndǝ nam tara mbǝrsa apǝri Yɛsu ani Kǝrsti, dzǝ ɓui yabadzi nǝr Hyal, ba kǝlara ndǝ nam tara yiɗǝ tada ni dzǝ yiɗǝ zǝr ni yɛ.