Taitus 1:7 - Kibaku NT

⁷ Akuya ndǝ ngga akwa ikǝlizǝya, kǝthlǝr Hyal akwa tsiyari, kǝ ndzai ntsakǝr ka dzǝ ndzai kura aka aibai, kura kǝngɛ, kura ɗǝfari ada ngwatiya sǝwa, kura mbalma, kura ada 'ya sǝ rǝm-rǝm, kura ada bara sǝm ndɛ.

Taitus 1:7 Iomraidhean Croise

Mata 24:45

“Wa dzá ani zǝr kǝi nam aka dzǝrkur ba bǝrkawakur, nam tǝ thlakǝrni ata vǝkǝr tǝni ata kǝra madar kǝi yarɛ nam aharni tǝ dzǝ awa la dar ɗǝvǝr dar ata saka nam kal-kal?

Luka 12:42

Thlaku ni ka sǝnau, “Wa dza zǝr kǝi nam aka dzǝrkur ba bǝrkawa, nam tǝ thlakǝr kǝiyirni awa lar ngǝzǝ kǝiyirni ka dzǝ lǝkǝma aka la dar sǝr sǝmǝr dar ata saka nam kal-kal?

Ndzǝr Afisa 5:18

Ta gǝri ta ghǝi aka yimǝr inabi mai, nam ada sǝzǝwati ndɛ. Ata vuiya ǝni, ka gǝri ghǝi aka Mambǝl ni.

Ndzǝr Filibi 1:1

Kakadu ni hyati aka Bulusu ba Timathlawus, madar kǝiyir Kǝrsti Yɛsu, ada hyanti thlawardzi. Yar ada rǝbwa ala sanga ndzǝr Hyal atar hamnta dzǝri akwa Kǝrsti Yɛsu, nam akwa Filibi, sang kaka ndzǝ ngganggar ikǝlizǝya ba ndzǝr mbana.

Taitus 1:5

Yi ngyar tǝngɛ akwa Kǝrɛti, kadǝbar ka gǝ kuraba 'ya sǝ yarɛ nam ada bara ka ndǝ 'ya, ba ka gǝ vi ndzǝ nam ngganggar ikǝlizǝya akwa kǝlara mǝlmɛ, apa tǝ Yi tara nkǝrɛ ala gɛ.

Taitus 2:3

Tsu akwa whal ǝni, ka gǝri hyipɛ ala mwahyi yarɛ nam ngga-ngga ka dar ndzai aka vǝkǝr sǝlai ala Hyal akwa ndzaiyir dar, ta dar ta ndzai ndzǝr hawi ata kǝra ndzi wala ndzai faliyir sǝsa su hang, ama ka dar hyipǝ sǝ nam ɗaku.

1 Bitrusu 4:10

Hyal la waima sǝga pam-pam; waima ka dzǝ 'ya kǝthlǝr ala kǝmani aka kǝlara sǝga nam tǝ Hyal lari.

1 Bitrusu 5:2

Ka gǝr ɓǝla tǝmar Hyal nam akwi gǝri, 'yamɛ kǝthlǝrǝr ndǝr wulhǝ—adi kadǝbar kǝ ndzai ntsakǝr wɛ, ama kadǝbar aka yiɗǝr gǝri, apa tǝ Hyal ada bara ka gǝri ndzai; adi lambwa ka kwapa wɛ, ama ka gǝr mau 'ya kǝthlǝr;

2 Bitrusu 2:10

Hakar Hyal ata 'ya dzau apamá ala ndzǝ nam ada nu mau sǝr kalalamkur nam tǝ dzǝr biku ada bara ba dar ada rutsǝni ndzǝ nam akwa kuhyikur. Dar aka kǝngkur, malǝmǝr hawi yarɛ ni dar adi ada hyivǝr ngǝngǝl sǝ yarɛ nam aka mpikǝ nam aka nggakur atahyal wɛ.