Taitus 1:2 - Kibaku NT

² hamnta dzǝri ǝni ba zǝndi sǝ nam ada ndzai ata tǝmatsǝniyir mpikǝ nam kura kurkuri, nam tǝ Hyal, dzǝ nam kura ada hawi, tara 'ya alkawalari kabutu baditsǝniyir saka,

Taitus 1:2 Iomraidhean Croise

Mata 25:34

“Antǝ Kuhyi ni ata nkǝrɛ ala ndzǝ nam ata bwar tsisǝmari ni, ‘Azǝramɛ, gǝri nam tǝ babarna vǝkǝr ala gǝri barka; ka gǝri dlutsi wartar gǝri, kuhyikur ni nam tǝ ndǝ ɗǝmhǝi ka gǝri tǝng tǝ ndǝ hǝnti dunya ni.

Mata 25:46

“Antǝ dar ata mwari akwa bwanai nam kura kurkuri, ama ndzǝ nam kal-kal yarni dar ata mwari akwa mpikǝ nam kura kurkuri.”

Markusu 10:17

Sakatǝ Yɛsu angwada sǝba ata kǝra whalɛ, ndǝ laka ka whuiya lǝngui adzǝni, ka zǝɗi akǝmari, dzǝ ka yu tǝni, “Malǝm nam ɗaku, mǝ tǝ Yi awa 'ya ka Yi ɓui mpikǝ nam kura kurkuri?”

Markusu 10:30

dzǝ ata ɓui ɗǝruwurni ka kumthlani akwa saka ǝni (kǝi yarɛ, madar mama, nkwaiyir mama, mama yarɛ, madausai ba fwaku yarɛ—ba aka dar, bwanai yarɛ) aka akwa zaman nam ata si dar ata ɓui mpikǝ nam kura kurkuri.

Yawhana 10:28

Yi ada la dar mpikǝ nam kura kurkuri, dar adi ata saga sa wɛ; ndǝr mbuli tǝ dar akwa tsiyawai adi wɛ.

Yawhana 17:2

Akuya gǝ lar wada ata kǝra ndzǝ sang, ani ka dzǝ la mpikǝ nam kura kurkuri ala sanga ndzǝ nam tǝ gǝ lari.

Yawhana 17:24

“Baba! Yi ada bara ndzǝ nam tǝ gǝ lai, ka dar ndzai kaka Yi akwa vui nam tǝ Yi ati, ba ka dar wula nggakur na, nggakur nam tǝ gǝ lai kadǝbar tǝ gǝ yiɗǝ tǝra kǝmata hǝnɛ dunya.

Yawhana 5:39

Gǝri ada wulhǝ ɗa akwa Labar Hyal, kadǝbar gǝri ada ɗǝnga apǝri akwa dar tǝ gǝri ata ɓui mpikǝ nam kura kurkuri. Labar Hyal ani ada sakǝidatsǝni tǝra,

Yawhana 6:54

Kǝlara ndǝ nam ada ɗǝ kumǝr dzawai, tǝ dzǝ ada ɓǝla sa masǝrna, dzǝ aka mpikǝ nam kura kurkuri, ba Yi ata hyanti tǝni akwa vǝr dǝnta.

Yawhana 6:68

Simaun Bitrusu ka sǝnau alari, “Thlaku, adzǝ wa tǝ yar ata mwari? Gǝ ani aka labar mpikǝ nam kura kurkuri.

'Ya Su 15:18

nam tǝ ndǝ zǝndi tǝng watsi.

Ndzǝr Rauma 1:2

ndǝrǝr Hyal nam sǝɗa tǝ dzǝ 'ya alkawalari kabutu ata 'ya, atar nabiyirni yarɛ akwa Labar Hyal.

Ndzǝr Rauma 16:25

Hǝmɛ ala Hyal nam tara mǝzi ka mǝrti tǝ gǝri ɓaɓal akwa hamnta dzǝrǝr gǝri atar ndǝrǝr Hyal nam sǝɗa ba atar nkǝr ndǝrǝr Yɛsu Kǝrsti ni. Hyal tsanti sǝ nam ɗǝwa-ɗǝwa tǝng awatsi,

Ndzǝr Rauma 2:7

Ala ndzǝ nam ada lǝkǝma kura ngyar-ngyar akwa 'ya su ɗa tǝ dar ada bara ka Hyal la dar nggakur, ba kura nti, dzǝ ata la dar mpikǝ nam kura kurkuri.

Ndzǝr Rauma 5:2

atar dzǝ nam tǝ muri ɓui whalɛ atar hamnta dzǝri alǝkwa ɗakur ǝni nam tǝ muri kulini ada hyati ati. Ba muri ada kutsari akwa tǝmatsǝni nǝr nggakur Hyal.

Ndzǝr Rauma 5:21

ani ka tsu apa tǝ biku ndzai aka dǝna kadǝbar tǝ sanga ndzi ata nti, ani tsuwɛ whal nam tǝ Hyal ada tsanti ɗakurni ndzai aka dǝna kadǝbar dzǝ mǝrti ndzi ka ndzai kal-kal ala kǝrni. Ka si aka mpikǝ nam kura kurkuri atar Yɛsu Kǝrsti Thlakǝr muri.

Ndzǝr Rauma 5:4

ɓatǝsu ada si aka hal nam ɗa, ba hal nam ɗa ada si aka tǝmatsǝni.

Ndzǝr Rauma 6:23

Akuya wadzǝɓar biku ani nti, ama sǝgar Hyal ani mpikǝ nam kura kurkuri akwa Kǝrsti Yɛsu Thlakǝr muri.

Ndzǝr Kwalausi 1:27

Hyal 'yati sǝ ǝni kadǝbar dzǝ ada bara gǝri nam kura ndzǝr Yahudi ka gǝr zǝndi sǝr kudǝra ba nggakurǝr dzǝri ɗǝwaɗǝwarni ni. Ba dzǝri ɗǝwa-ɗǝwa ni ani apǝri Kǝrsti ada ndzai akwa gǝri, ba dzǝ ani tǝmatsǝniyir gǝri nǝr ɓui nggakur Hyal.

1 Ndzǝr Tasalaunika 2:15

Dar tsai Thlaku Yɛsu kaka nabi yarɛ, ba tsuwɛ kǝdlǝnta tǝ yar. Dar adi ada 'ya sǝ tǝ Hyal ada bara wɛ, dar ani ndzǝr ɓwalnya ala sanga ndzi.

1 Ndzǝr Tasalaunika 5:8

Ama kadǝbar muri nǝr tsǝtsi, ngyar ka mur ɓǝlati kǝr muri, ka mur hakǝr hamnta dzǝri ba yiɗǝdzi apa yangǝr mbu kǝrathlɛ, ba tǝmatsǝniyir ɓui mbatǝdzi apa darar yang.

1 Timathlawus 6:12

Ka gǝ mpai mpa nam ɗaku nǝr hamnta dzǝri ni. Ka gǝ ngǝzi mpikǝ nam kura kurkuri ni, nam tǝ ndǝ tara kǝga tǝngɛ kari ba ata kǝrari tǝ gǝ tara nkǝrba sǝ nam ɗaku aka nya gɛ akǝma sakǝida yarɛ hang.

1 Timathlawus 6:19

Akwa whal ǝni dar ata tsaɓtsǝni gǝna ala kǝr dar apa piyartsǝni nam ɓaɓal akuya ka saka nam ata si, ani ka dar ɓui ka ngǝzi mpikǝ nam ani mpikǝ nam dzǝri.

2 Timathlawus 1:1

Kakadu ǝni hyati aka Bulusu, ndǝr hyar Kǝrsti Yɛsu nam tǝ Hyal ada bara, ka Yi nkǝrɛ ala ndzi alkawalǝr mpikɛ tǝ Hyal 'ya nam akwa Kǝrsti Yɛsu.

2 Timathlawus 1:9

dzǝ nam tara mbati tǝ muri ba kǝgati tǝ muri alǝkwa ndzai nam kartǝ—adi kadǝbar mima tǝ muri 'yati wɛ, ama kadǝbar ɗǝngar ni ba ɗakurni. Ɗakur Hyal ni dzǝ la muri akwa Kǝrsti Yɛsu kǝmata baditsǝniyir saka,

2 Timathlawus 2:10

Akuya ǝni Yi ɓati sanga su akuya ka ndzǝ nam tǝ Hyal tsarba, apǝri dar yɛ ka dar ɓui mbatǝdzi, nam akwa Kǝrsti Yɛsu, aka nggakur nam kura kurkuri.

2 Timathlawus 2:13

Ma muri adi aka dzǝrkur wɛ, dzǝ ata ndzai aka dzǝrkur, akuya ka dzǝ adi ada mǝzi ngǝla kǝrni wɛ.

2 Timathlawus 2:15

Ka gǝ 'ya kwakwaliyir ngɛ nam ɓwaltasang tǝ Hyal awa dlutsi tǝngɛ, ndǝr kǝthlǝr nam kura awa lǝkwa sǝlai ba ndǝ nam ada nkǝrba labarǝr dzǝrkur ni kal-kal.

Taitus 2:13

Akwa sakatǝ muri ada sǝkǝ tǝmatsǝni nam aka barka ni—siyir Hyalǝr muri nam ngga ba Ndǝr Mbati, Yɛsu Kǝrsti,

Taitus 2:7

Akwa kǝlara su ka gǝ ndzai sǝr tsǝlɛ ala dar atar 'ya sǝ nam ɗaku. Akwa sǝr hyipǝr ngɛ ka gǝ tsanti dzǝrkur ba ha dǝna

Taitus 3:7

Kadǝbar ka ǝni Hyal mǝrti tǝ muri kal-kal atar ɗakurni, ka muri ndzai ndzǝr sǝm warta yarɛ nam tǝ muri aka tǝmatsǝniyir mpikǝ nam kura kurkuri.

1 Yawhana 2:25

Əni ani sǝ nam tǝ dzǝ 'ya alkawalari ala muri—mpikǝ nam kura kurkuri.

1 Yawhana 5:20

Muri kurtaka zǝndi Zǝrǝr Hyal ni kǝ si, ba dzǝ la muri ngaba su, ani ka muri zǝndi tǝni dzǝ nam dzǝri. Ba muri akwa paktsǝnidzi kaka dza dzǝ nam dzǝri ni—ani muri akwa Zǝrǝrni Yɛsu Kǝrsti. Dza ani Hyal nam dzǝri ba mpikǝ nam kura kurkuri.

Yahuda 1:21

Ka gǝri ɓǝlati kǝr gǝri akwa yiɗǝdzǝr Hyal, tǝ gǝri ada sǝkɛ kǝtǝrdzǝr Thlakǝr muri Yɛsu Kǝrsti, tǝ dzǝ ata si ala gǝri aka mpikǝ nam kura kurkuri.

Wulsu 13:8

Sanga ndzǝ nam ata dai ata vǝkǝr sǝlai ala mawi nam kulɗa ni—dar ani ndzǝ nam kura thlǝma dar rǝbwa-rǝbwa akwa kakadǝr mpikɛ ata baditsǝniyir dunya. Kakadu ni nǝr Zǝr Agam nam tǝ ndǝ tara thlakǝr wuya alari.

Wulsu 17:8

Mawi kulɗa ni, nam tǝ gǝ wula, watsi dzǝ adai, ama kulini dzǝ adi wɛ, ba dzǝ ata sǝba akwa Kau nam Dzǝgam ni ka mwari akwa vui santadzǝr ni. Ndzǝ nam ada ndzai akwa dunya ni nam kura thlǝma dar rǝbwa-rǝbwa akwa kakadǝr mpikɛ tǝng tǝ ndǝ hǝnti dunya dar ata ndatǝdzi sakatǝ dar wula mawi ni, kadǝbar watsi dzǝ adai, ama kulini dzǝ adi wɛ, ba wala ahani dzǝ ata si.