Taitus 1:16 - Kibaku NT

¹⁶ Dar ada kǝtǝ apǝri dar zǝndi Hyal, ama sǝr 'yar dar adi ta tsanti wɛ. Dar ndzai sǝr ghyǝmbur, kura ngandǝrkur ba dar ta mǝzi ka 'yati sǝ nam ɗaku wɛ.

Taitus 1:16 Iomraidhean Croise

Ndzǝr Rauma 1:28

Kadamwa, tǝng tǝ dar ta ɗǝnga apǝri ɗaku ka dar ngǝzi zǝndi Hyal wɛ, dzǝ ngyar tǝ dar ala hankal kulɗakur dar, ba dzǝ ngyar tǝ dar ada 'ya sǝ yarɛ nam kura kal-kal ka ndǝ 'ya.

Ndzǝr Afisa 5:6

Ta ndǝ laka ta zǝlanta gǝri aka labar ɓǝrtu mai, akuya ka dzǝli sǝ ǝni yarni antǝ kǝl ɗǝfǝr Hyal ada si ata kǝra ndzǝ nam kura ada ngandǝrɛ.

1 Timathlawus 1:9

Muri yɛ muri zǝndi apǝri ndǝ ta 'ya mabari ala ndǝ nam kal-kal wɛ ama akuya ka ndzǝr ɓǝlnta mabari ba ndzǝ nam kura ngandǝrɛ, ndzǝ nam kura ada ndzai nǝr Hyalkur ba ndzǝr biku, ndzǝ nam kura ada vǝkǝr sǝlai Hyal; akuya ndzǝ nam ada tsai tada dar wala mama dar, akuya ka ndzǝr tsa ndɛ,

1 Timathlawus 5:8

Ma kǝlara ndǝ nam kura ada wulhǝ ndzǝrni, apamá yalǝrni nam ndang, dzǝ ngǝla hamnta dzǝri ba dzǝ kǝ ndzai kulɗa ta ndɛ nam kura aka mbǝrsa.

2 Timathlawus 3:17

ani ka ndǝr Hyal ɗǝmhǝ kǝrni tsǝtsǝp akuya kǝlara kǝthlǝr nam ɗaku.

Taitus 3:1

Ka gǝri ɗǝngati ala ndzi ka dar hamnta kǝr dar ala ndzǝ nam akwa ndzǝr kuhyi ba ndzǝr wada yarɛ, ka dar kǝlǝngkǝr, ka dar ɗǝmhǝdzi ka 'ya kǝlara sǝ nam ɗaku.

Taitus 3:3

Kadǝbar yar ma watsi yar ta zǝndi sǝ wɛ yar ndzai kura ngandǝrɛ, ndǝ zǝlanta tǝ yar, ba ndǝ mǝrti tǝ yar fali atar sanga dzǝli mau sǝ kulɗa yarɛ ba sǝr nga sǝɗa yarɛ. Yar ndzai akwa imaikur ba sǝlku, ndǝ ngǝla tǝ yar ba yar ada ngǝla ndzi damwa.

1 Yawhana 2:4

Ndǝ nam ada nkǝrɛ apǝri “Yi zǝndi tǝni,” ama dzǝ adi ada 'ya sǝ yarɛ nam tǝ dzǝ tsau wɛ dzǝ ndǝr hawi, ba dzǝrkur adi akwa dza wɛ.

Yahuda 1:4

Akuya ndzǝ laka nam tǝ ndǝ rǝbwai ata kǝra santadzǝr dar akwa saka nam tara kwatsǝni kǝ ngwara lǝkwa ntsa gǝri. Dar ndzǝ nam kura ada nu Hyal, dar palti ɗakur Hyalǝr muri ka ndzai whalɛ nǝr 'ya badawikur ba dar ada ɓwalnta nyar Yɛsu Kǝrsti dzǝ nam Ndǝr kǝiyir muri ba Thlakǝr muri.

Wulsu 21:27

Sǝ nam kura kǝtsǝkǝtsi adi ata lǝkwa dza wɛ wala ndǝ nam ada 'ya sǝr sǝlai wala ndǝ nam ada zǝla ndɛ, ama ɗiɗi ndzǝ nam tǝ thlǝma dar rǝbwa-rǝbwa akwa kakadǝr mpikɛ nǝr Zǝr Agam ni.

Wulsu 21:8

Ama ndzǝr hyivǝr, ndzǝ nam kura ta mbǝrsa, ndzǝ agya, ndzǝr tsa ndɛ, ndzǝr 'ya badawikur, ndzǝ nam ada 'ya mutǝkur, ndzǝr vǝkǝr sǝlai ala mǝlǝm ba sanga ndzǝr hawi—vuiyir dar ata ndzai akwa mandar u'ur mbar kagǝlar barudu. Əni ani ntǝ nam sǝɗǝkur.”