Taitus 1:11 - Kibaku NT

¹¹ Kǝ ndzai ntsakǝr ka ndǝ harti nya dar, kadǝbar dar ada kikilnta sanga yalǝr kuta kǝi atar hyipǝ sǝ yarɛ nam kura kal-kal ka dar hyipɛ, ba dar ada 'ya ǝnda akuya ka sǝm ndɛ.

Taitus 1:11 Iomraidhean Croise

Mata 23:13

“Bwasam ala gǝri, malǝmǝr mabari yarni ba ndzǝr Farisi yarɛ, gǝri nam kǝlikatsaɗǝm yarɛ! Gǝri harti nyavǝr kuhyikur nam atahyal ala ndzi. Gǝri tǝ kǝr gǝri ta lǝkwa wɛ, wala gǝri ta ngyar ndzǝ nam ada bara ka dar lǝkwa wɛ. [

Luka 20:40

Ndɛ adi nam tara mǝzi ka ɓakta yu tǝni sǝr yuwɛ yarɛ kǝra wɛ.

Yawhana 10:12

Ndǝ nam dǝwal ɓǝla kura ndǝr ɓǝla nam thlakǝr tǝma ni, ma dzǝ wula kǝyar ntaku ada si dzǝ ata ngyar tǝmari ka whui atǝra. Antǝ kǝyar ntaku ni ata dlǝkǝr kǝi ka kikilnta tǝma yarɛ ni.

Ndzǝr Rauma 3:19

Kulini yar zǝndi apǝri kǝlara sǝ nam tǝ mabari nkǝrɛ, dzǝ nkǝrɛ ala ndzǝ nam akwi mabari, ani ka kǝlara nya ka dar ndzi kǝɗǝk ba sanga dunya ata ndzai akwi hakar Hyal.

2 Ndzǝr Kwaranti 11:10

Dzǝri apa tǝ dzǝrkur Kǝrsti akwa Yɛ, ndǝ adai akwa diyir Akaya nam awa kanta lai agula ǝni wɛ.

1 Timathlawus 5:13

Wala adi ǝni wɛ, dar lǝkwa halǝr ndzai kura 'ya su ba nuɗɛ ka kǝi ka kǝi. Ba adi ɗiɗi dar ndzai kura 'ya su wɛ, ama gha ndɛ yarɛ ba mandanakur, dar ada gha sǝ yarɛ nam kura kal-kal ka dar gha.

1 Timathlawus 5:4

Ama ma kuɗǝghum nam aka madar wala kaká yarɛ, ngyar ka dar tsǝli tangkǝma ka dar tsanti nu Hyalǝr dar atar wulhǝ yalǝr dar ani ka dar nkyǝ sǝ tǝ ndzǝr ya ba kaká yarɛ tara 'ya, akuya ǝni ani ada panyi ɗǝfa Hyal.

1 Timathlawus 6:5

ba ɓwalnya kǝlara saka akwa ntsa ndzǝ nam tǝ hankala dar sǝwatǝdzi, ndzǝ nam kura tsu aka dzǝrkur ni ba dar ada ɗǝnga apǝri nu Hyal kǝ ndzai whal ɓui kwapa.

2 Timathlawus 2:18

Ndzǝ yarɛ ni dar pǝranta atǝra ka ngyar dzǝrkur ni. Dar ada nkǝrɛ apǝri hyati akwa ntǝnti kurtaka kwatsǝni, ba dar ada whuzanta hamnta dzǝrǝr ndzǝ laka.

2 Timathlawus 3:6

Dar ani ndzi yarɛ nam ada ngwarɛ alivi akwa kǝi yarɛ ata kǝra mwahyi yarɛ nam kura aka ɗǝfu, nam tǝ biku yarɛ kurtaka tsani tǝ dar ba dar ka pǝranta atar sanga dzǝli mau sǝ yarɛ nam kulɗa.

Taitus 1:7

Akuya ndǝ ngga akwa ikǝlizǝya, kǝthlǝr Hyal akwa tsiyari, kǝ ndzai ntsakǝr ka dzǝ ndzai kura aka aibai, kura kǝngɛ, kura ɗǝfari ada ngwatiya sǝwa, kura mbalma, kura ada 'ya sǝ rǝm-rǝm, kura ada bara sǝm ndɛ.

Taitus 1:9

Kǝ ndzai ntsakǝr ka dzǝ ngǝzi labar dzǝrkur ni ɓaɓal apa tǝ ndǝ tsǝlɛ, ani ka dzǝ dǝnautsǝni ndzǝ damwa atar sǝr tsǝl nam dzǝri ba ka dzǝ ghakǝr ala ndzǝ nam ada ngǝla dzǝrkur ni.

Taitus 3:10

Ɗǝmnya ala ndǝ nam ada si aka ndǝghǝ nya tangkǝma, ba ɗǝmnya alari nǝr sǝɗǝkur. Aghǝla ǝni ta gǝ tsu awa 'ya su vwam aka dza.