Taitus 1:10 - Kibaku NT

¹⁰ Akuya ndzǝr 'ya lǝkǝdzikur adai hang, ndzǝr gha su ɓǝrtu ba ndzǝr zǝla ndɛ, apamá ndǝr nu ndzǝ aka katsa.

Taitus 1:10 Iomraidhean Croise

Mata 23:14

Bwasam ala gǝri, gǝri malǝmǝr mabari yarɛ ba ndzǝr Farisi, gǝri nam kǝlikatsaɗǝm yarɛ! Gǝri ada mbugǝli kǝiyir kuɗǝghum yarɛ ba gǝri ada 'ya aduwa yarɛ dzǝgam-dzǝgam ka ndzi wula. Kadǝbar ǝni gǝri ata ɗar bwanai nam dzau ta sang.]

'Ya Su 11:2

Ama sakatǝ Bitrusu tara si akwa Ursalima laka ndzǝr Yahudi nam aka mbǝrsa ada nu whal katsa dar ka si aka tufuli alari apǝri,

'Ya Su 15:1

Ndzǝ sǝli laka yarɛ hyati akwa Yahudiya ka si akwa Antakiya, ba dar ada hyipɛ ala madar mama: “Tar ma ndǝ thlakatsa ala gǝri, apa tǝ mabariyir Musa tara bara mai, gǝri adi ata ɓui mbatǝdzi wɛ.”

'Ya Su 15:24

Yar ngati apǝri ndzǝ yar laka akwa ntsa yar sǝba kura aka yiɗǝr yar ada damitsǝni tǝ gǝri, ba sǝwati hankala gǝri aka sǝ tǝ dar ada gha.

'Ya Su 20:29

Yi zǝndi apǝri aghǝla ma Yi tǝra, kǝyar ntaku nam kulɗa ata si akwa ntsa gǝri ba dzǝ adi ata ngyar bǝri ni wɛ.

Ndzǝr Galatiya 2:4

Labar ni hyati kadǝbar madar mama nǝr hawi yar laka nam tara lǝkwa ɗǝwa-ɗǝwa, kadǝbar ka dar wulba asǝra mbulbadzǝr muri nam tǝ muri akǝri atar Yɛsu Kǝrsti, akuya vu tǝ muri akwa falikur sǝr 'yar Yahudi.

Ndzǝr Galatiya 3:1

Gǝr ndzǝr Galatiya nam dlang! Wa tara zǝlanta gǝri? Gǝr nam tǝ Yi tsanti ala gǝri Yɛsu Kǝrsti nam kukwakukwa tǝ gǝri ngaba.

Ndzǝr Afisa 4:14

Antǝ muri tsu adi ata ɓakta ndzai apa madausai yarɛ wɛ, nam tǝ ndǝ ada zǝla alǝkǝma aka aghǝli atar sǝr tsǝlǝr dar yarɛ nam hawi atar masǝkukur ba dabariyir nǝr ndzi akwa whal zǝla ndǝr dar.

1 Timathlawus 1:4

wala ta dar ta hau kǝr dar akwa tsǝdzǝ sǝr watsi yarɛ nam kura dzǝri ba tsǝ thlǝma kaká yarɛ nam kura dǝnta. Sǝ yarɛ ni ada dzakti lǝkǝdzi ata vuiya whal mbatǝdzi nam tǝ Hyal ɗǝmhǝi, nam atar hamnta dzǝri.

1 Timathlawus 1:6

Ndzǝ laka pǝranta atǝra ka ngyar sǝ yarɛ ni ba dar ka lǝkwa nkǝrɛ sǝ yarɛ nam kura paida.

1 Timathlawus 1:9

Muri yɛ muri zǝndi apǝri ndǝ ta 'ya mabari ala ndǝ nam kal-kal wɛ ama akuya ka ndzǝr ɓǝlnta mabari ba ndzǝ nam kura ngandǝrɛ, ndzǝ nam kura ada ndzai nǝr Hyalkur ba ndzǝr biku, ndzǝ nam kura ada vǝkǝr sǝlai Hyal; akuya ndzǝ nam ada tsai tada dar wala mama dar, akuya ka ndzǝr tsa ndɛ,

2 Timathlawus 3:13

ama ndzǝ kulɗa ba ndzǝ nam ada kǝtǝ kǝr dar apǝri dar su ama dar adi mima wɛ dar ata lǝkǝma aka 'ya kulɗa ba kulɗa ta sang, dar ada lǝkǝma aka zǝla ndzi ba ndzi ada zǝla tǝ dar.

2 Timathlawus 4:4

Dar ata mbalnta thlǝma dar ta dzǝrkur ba dar ata mbalti ka tsǝdzǝ sǝr watsi kura dzǝri.

Taitus 1:6

Ndǝ ngga akwa ikǝlizǝya ka dzǝ ndzai kura aka aibai, salǝr mwala duku, sal nam tǝ madarni aka mbǝrsa ba kura ndɛ ada ngǝngǝl tǝ dar aka susukur ba kura ngandǝrkur.

Yakubu 1:26

Ma kǝlara ndɛ nam tara kǝtǝ kǝrni apǝri dzǝ aka adini ba dzǝ adi ada ɓǝlati kanyarari wɛ, dzǝ ada zǝla kǝrni ba adiniyirni yɛ ɓǝrtu.

1 Yawhana 2:18

Madarna yarɛ nam tǝ Yi yiɗɛ, ǝni ani saka nǝr dǝnta; apa tǝ gǝri ngati apǝri dǝgunmar Kǝrsti ni aghǝli ada si, wala kulini dǝgunmar Kǝrsti hang tara si. Əni ani whal nam tǝ muri zǝndi saka nǝr dǝnta ni.

1 Yawhana 2:4

Ndǝ nam ada nkǝrɛ apǝri “Yi zǝndi tǝni,” ama dzǝ adi ada 'ya sǝ yarɛ nam tǝ dzǝ tsau wɛ dzǝ ndǝr hawi, ba dzǝrkur adi akwa dza wɛ.

1 Yawhana 4:1

Pazi yarɛ nam tǝ Yi yiɗɛ, ta gǝri ta mbǝrsa aka kǝlara mambǝlɛ, ama dzabamɛ mambǝl yarɛ ni ka gǝr wula wala dar hyati adzǝ Hyal, akuya nabiyir hawi yarɛ hang tara sǝba akwa dunya ni.

Wulsu 2:14

Ama, Yɛ aka sǝ yarɛ yiɗau laka ata kǝra gǝri: Gǝri aka ndzi akwanda nam tara yiɗɛ tsǝlǝr Balamu, ndǝ nam tara hyipti ala Balak ka hau ndzǝr Izǝraila akwa biku atar sǝm sǝr sǝmɛ nam tǝ ndǝ kǝdlǝ mǝlǝm akǝri ba aka 'ya badawikur.

Wulsu 2:6

Ama sǝ duku adai tǝ gǝri 'yati kal-kal: Gǝri ngǝla sǝr 'yar ndzǝr Nikaulaitan, nam tǝ Yi yɛ Yi ngǝla.