Ndzǝr Ibrahim 8:3 - Kibaku NT

³ Kǝlara kuhyir fǝrist, ndǝ ada kǝlba tǝni ka dzǝ hamnta sǝga yarɛ ba kǝdlǝrsu yarɛ gyapu, ba kǝ ndzai ntsakǝr alari yɛ ka dzǝ ɓui sǝ laka tǝ dzǝ ata hamnta.

Ndzǝr Ibrahim 8:3 Iomraidhean Croise

Yawhana 6:51

“Yi ani mantsǝkǝlǝr mpikǝ nam tara sǝgǝl atahyal. Kǝlara ndǝ nam tara sǝm mantsǝkǝl ǝni dzǝ ata ndzai aka mpikɛ kura kurkuri. Mantsǝkǝl nam tǝ Yi ata hamnta ka dunya ɓui mpikɛ ani kumǝr dzawai.”

Ndzǝr Rauma 4:25

Hyal hamnta tǝni ka nti akuya bikǝr muri ba Hyal hyanti tǝni aka mpikɛ ka dzǝ mǝrti tǝ muri kal-kal akǝma Hyal.

Ndzǝr Rauma 5:6

Gǝri wula, ata saka nam kal-kal, sakatǝ tǝ muri tsu kura aka dǝna Kǝrsti nti akuya ndzǝ kura ada ndzai nǝr Hyalkur.

Ndzǝr Rauma 5:8

Ama Hyal tsanti yiɗǝdzǝrni ala muri akwa ǝni: sakatǝ mur tsu ndzǝr biku, Kǝrsti nti akuya ka muri.

Ndzǝr Galatiya 2:20

Ndǝ kukwanta tǝra atakǝmaduku aka Kǝrsti, kulini adi Yi tsuwɛ ani ada ndzai wɛ, Kǝrsti ani aka mpikɛ akwa yɛ. Mpikɛ nam tǝ Yi ada ndzai akwa kulini adi nǝr dzɛ wɛ, Yi ada ndzai aka mbǝrsa akwa Zǝr Hyal, nam tara yiɗǝ tǝra, har tǝ dzǝ hamnta kǝrni kadǝbarna.

Ndzǝr Afisa 5:2

ba ka gǝr ndzai ndzǝr yiɗǝ ndɛ, apa tǝ Kǝrsti tara yiɗǝ tǝ muri, ba dzǝ ka hamnta kǝrni akuya muri apa sǝr hamnta nam ada sǝwur sǝɗa ba kǝdlǝrsu ala Hyal.

Taitus 2:14

ndǝ nam tara hamnta kǝrni akuya ka muri, ka pǝli tǝ muri akwa sanga kulɗakur ba ka dzǝ kǝtsǝnta ala kǝrni ndzǝ nam tǝ dar nǝni, ndzǝ nam aka miyir 'ya sǝ nam ɗaku.

Ndzǝr Ibrahim 2:17

Akuya ka ǝni ani tǝ kǝ ndzai ntsakǝr tǝ Hyal tara mǝrti tǝni apa madar angǝri akwa kǝlara whalɛ, akuya ka dzǝ ndzai ndǝr kǝtǝrdzi ba kuhyir fǝrist nam aka dzǝrkur akwa kǝthlǝr Hyal, ba apǝri dzǝ ata ndzai sǝr salau akuya ka bikǝr ndzi.

Ndzǝr Ibrahim 3:1

Kadǝbar ǝni, madar mama kaka nkwaiyir mama yarɛ nam nǝr Hyal, nam akwa ntsa ndzǝ nam tǝ ndǝ kǝga atahyal, vǝtamɛ ɗǝngar gǝri ata Yɛsu, ndǝr hya ni ba kuhyir fǝrist nam tǝ yar ada sakǝidatsǝni.

Ndzǝr Ibrahim 5:1

Kǝlara kuhyir fǝrist ndǝ tsarba tǝ dar akwa ntsa sǝli ba ndǝ ka kǝlba ka vi tǝ tǝni ata vuiya dar akwa sǝr Hyal yarɛ, ka dar hamnta sǝga yarɛ ba kǝdlǝrsu nǝr biku yarɛ.

Ndzǝr Ibrahim 7:27

Adi apa laka kuhyir fǝrist yarɛ ni wɛ, adi si ma dzǝ hamnta kǝdlǝrsu tatang vǝri wɛ, tangkǝma ka bikǝrni yarɛ, ba akuya ka bikǝr ndzi yarɛ wɛ. Dzǝ hamnta sataka akuya bikǝr dar ka duku ɗiɗi akuya ka sanga ndzi sakatǝ dzǝ hamnta kǝrni.

Ndzǝr Ibrahim 8:4

Ma dzǝ akwa dunya, dzǝ adi ata ndzai fǝrist wɛ, akuya sǝli kurtaka 'ya adai nam ada hamnta sǝga yarɛ apa tǝ mabari nkǝrɛ.

Ndzǝr Ibrahim 9:14

Ma apǝri sǝ yarni dzǝri, mǝmi hangkur sǝ tǝ masǝr Kǝrsti ata 'yati? Atar Mambǝl nam kura kurkuri tǝ dzǝ hamnta kǝrni kura aka aibai ala Hyal, ka kǝtsǝnta ɗǝfa muri ta 'ya sǝ nam ada mwari aka ndɛ akwa nti, ani ka muri 'ya kǝthlǝr ala Hyal nam aka mpikɛ!