Ndzǝr Ibrahim 4:2 - Kibaku NT

² Akuya yar yɛ yar ɓui tǝ ndǝ 'ya ala yar ndǝr nam sǝɗa tsu apa tǝ dar 'ya; ama ndǝrǝr Hyal nam tǝ dar ngati ta 'ya aka paida ala dar wɛ, kadǝbar ndzǝ nam tara ngati dar ta kǝltsǝni tǝni aka hamnta dzǝri wɛ.

Ndzǝr Ibrahim 4:2 Iomraidhean Croise

'Ya Su 13:46

Antǝ Bulusu aka Barnabas nkǝrba ala dar aka dǝna ata babal apǝri, “Kǝ ndzai ntsakǝr apǝri tangkǝma ka yar nkǝr ndǝrǝr Hyal ala gǝr nam ndzǝr Yahudi. Ama tǝng tǝ gǝri ngǝla ba gǝri ka hakatsǝni kǝr gǝri apǝri gǝri adi ata mǝzi ɓui mpikǝ nam kura kurkuri wɛ, yar ata ndalti ala ndzǝ kura Yahudi.

'Ya Su 3:26

Sakatǝ Hyal hyanti zǝr kǝiyirni tsartsari dzǝ hyanti tǝni tangkǝma ala gǝri kadǝbar dzǝ ada bara ka dzǝ vǝdzǝ ala gǝri barka ba mǝrti kǝlara ndɛ akwa ntsa gǝri ka dzǝ mbalntadzi ta whalǝr bikǝrni.”

Ndzǝr Rauma 2:25

Thlakatsa aka paida ma apǝri gǝri ada ɓǝlati mabari, ama ma gǝri ɓǝlnta mabari gǝri kǝ ndzai apa ndǝ kura ndǝ ta thlakatsa alari.

Ndzǝr Rauma 3:3

Sǝr mi ma nakuma dar adi aka hamnta dzǝri wɛ? Pǝrakur hamnta dzǝrǝr dar ni ata mǝrti dzǝrkur Hyal ka dzǝ ndzai ɓǝrtu ya?

1 Ndzǝr Kwaranti 13:3

Ma Yi hamnta sanga sǝ nam tǝ Yi akǝri ala ndzǝ nam ngudi ba ma Yi hamnta kǝrna ka ndǝ mbanta, ama Yi adi aka yiɗǝdzi wɛ, ta 'ya alai paidar mima wɛ.

Ndzǝr Galatiya 3:2

Sǝ duku ɗiɗi tǝ Yi ada bara ka Yi zǝndi adzǝ gǝri: Gǝr dlutsi Mambǝlǝr Hyal akuya nu mabari Musa, kǝna atar mbǝrsa ala ndǝrǝr Hyal nam sǝɗa ni nam tǝ gǝri tara ngati?

Ndzǝr Galatiya 3:8

Watsi, Labar Hyal kǝ nkǝrɛ apǝri Hyal ata mbulba ndzǝ kura Yahudi atar hamnta dzǝrkur. Antǝ dzǝ ka 'ya labar nam ɗaku ala Ibrahim apǝri, “Atar ngɛ ndɛ ata la barka ala ndzi.”

Ndzǝr Galatiya 4:13

Gǝr zǝndi ata kǝra kura lapiyakurna ani tara ngǝzi tǝra tǝ Yi 'ya ala gǝr labar nam ɗaku sakar siyirna nam tang.

1 Ndzǝr Tasalaunika 1:5

kadǝbar labar nam ɗaku tara si ala gǝri adi aka nya ɗiɗi wɛ ama tsuwɛ aka dǝna, aka Mambǝl Kartǝ tara la gǝri tǝmatsǝni ghǝi-ghǝi apǝri sǝ nam tǝ yar gha ni dzǝri. Gǝr zǝndi whal nam tǝ yar ndzai akwa ntsa gǝri ata nyar gǝri.

1 Ndzǝr Tasalaunika 2:13

Ba yar tsuwɛ yar ada gwaditsǝni ala Hyal kura ngyar-ngyar, kadǝbar sakatǝ gǝri dlutsi ndǝrǝr Hyal, nam tǝ gǝri ngati aka yar, gǝr yiɗɛ tǝni adi apa ndǝrǝr ndzǝ wɛ ama apa tǝ dzǝ dzǝri ani ndǝrǝr Hyal, nam ada kǝthlǝr akwa gǝr ndzǝ nam tara mbǝrsa.

1 Timathlawus 4:8

Akuya tsǝl sǝ nǝr kumǝr dzɛ aka paida, ama ndzaiyir Hyalkur aka paida akuya ka sanga sǝ, dzǝ ada ngǝzi alkawal ka mpikǝ nam kulini ba mpikǝ nam tsu ata si.

Ndzǝr Ibrahim 11:6

Ma kura aka hamnta dzǝri adi awa mǝzi ka 'ya tǝ ndɛ awa panyi ɗǝfa Hyal wɛ, kadǝbar kǝlara ndɛ nam ata si adzǝni kǝ ndzai ntsakǝr ka dzǝ mbǝrsa apǝri dzǝ adai ba dzǝ ada la wadzǝɓa ala ndzǝ nam ada bara tǝni.

Ndzǝr Ibrahim 3:12

Hankalamɛ, madar mama yarɛ, apǝri ta ndǝ duku akwa ntsa gǝri ta 'ya aka biku, kura mbǝrsa akwa ɗǝfu nam ada mbalntadzi ta Hyal nam aka mpikɛ.

Ndzǝr Ibrahim 4:6

Tsu apani apǝri ndzǝ laka adai nam ata lǝkwa ghǝrbadzi nda, ba ndzǝ nam watsi tǝ dar tara ɓui tǝ ndǝ tara nkǝrba ala dar ndǝrǝr Hyal nam sǝɗa ni dar adai ta lǝkwa wɛ, kadǝbar ka kura ngandǝrǝr dar.

Yakubu 1:21

Kadǝbar ǝni, ka gɛ ngyar sanga ghyǝmburkur ba kǝmangarkur tara 'ya hang ni ba ka gǝr dluwɛ aka tǝrghǝlkǝr labar ni nam ndǝ tara thlǝkati akwa gǝri ni, nam ani ata mǝzi ka mbati tǝ gǝri.

1 Bitrusu 1:12

Kurtaka nkǝrbadzi ala dar apǝri adi ala kǝr dar labar yarni wɛ, ama ala gǝri. Kulini ndǝr nam sǝɗa ni ani tǝ ndǝ gha ala gǝri, atar ndzǝ nam tara 'ya labar Hyal atar Mambǝl Kartǝ, nam tǝ ndǝ tara hyanti atahyal. Sǝ yarni wala ndzǝr hyantǝr Hyal yar ma ada bara ka dar ngaba!