Ndzǝr Ibrahim 2:4 - Kibaku NT

⁴ Hyal yɛ sakǝidatsǝni tǝni atar parsu yarɛ, sǝr kudǝra yarɛ ba sǝr ndati yarɛ, ba sǝga yarɛ nǝr Mambǝl Kartǝ ni tǝ dzǝ ndǝghǝnta apa tǝ dzǝ bara.

Ndzǝr Ibrahim 2:4 Iomraidhean Croise

Markusu 16:20

Antǝ ndzǝr nuwɛ ka tǝra tǝ dar ada nkǝr ndǝrǝr Hyal nam sǝɗa akwa kǝlara vui. Thlaku ada kǝthlǝr atar dar ka tsanti sǝ nam tǝ dar nkǝrɛ aka par sǝr ndati hang.]

Markusu 6:14

Kuhyi Hirudus ngati sanga sǝni, akuya thlǝma Yɛsu kikilntadzi akwa sanga vui. Ndzǝ laka ada gha apǝri, “Yawhana Ndǝr 'Ya Bamtizǝma dzǝ ani tara hyati akwa ntǝnti, ani tara 'ya tǝ dzǝ aka dǝnar 'ya sǝr ndati yarni.”

Yawhana 15:26

“Ama Yi ata hyanti ala gǝri Ndǝr Mbana, nam ani Mambǝlǝr dzǝrkur ni. Dzǝ hyati adzǝ Tada ni, ba dzǝ ata 'ya sakǝida ata kǝrawai.

Yawhana 4:48

Yɛsu nkǝrɛ alari, “Ma adi ka parsu nǝr ndatǝdzi yarɛ ba sǝr kudǝra yarɛ tǝ gǝri wula wɛ, gǝri adi ata saga mbǝrsa wɛ.”

'Ya Su 14:3

Ama Bulusu aka Barnabas sǝkar hang akwanda, tǝ dar ada nkǝr ndǝrǝr Hyal nam sǝɗa ata babal ata kǝra ɗakur Thlaku. Ba Thlaku tsanti ala ndzi apǝri labar tǝ dar ada hyipɛ ni dzǝri atar dǝna tǝ dzǝ la dar nam tǝ dar ada 'yati parsu nǝr ndatǝdzi aka sǝr kudǝra yarɛ.

'Ya Su 4:10

antǝ gǝri sang kǝ zǝndi, ba sanga ndzǝr Izǝraila kǝ zǝndi, apǝri ndǝ ni ada hyati akwani akǝma gǝri dzǝ 'ya kalang atar dǝnar thlǝma Yɛsu Kǝrsti ndǝr Nazarat, ndǝ nam tǝ gǝri kukwanta ama Hyal hyanti tǝni akwa ntǝnti.

'Ya Su 5:32

Yar dza sakǝidar sǝ ǝni yarni, ba tsuwɛ Mambǝl Kartǝ, nam tǝ ndǝ hamnta atar Hyal ala ndzǝ nam ada kǝlǝngkǝr alari.”

Ndzǝr Afisa 1:5

Hyal kurtaka ɗǝmhǝi ala muri tǝ dzǝ ata kǝtǝ tǝ muri ka muri ndzai madarni atar Yɛsu Kǝrsti, akwa whal nam tǝ dzǝ yiɗɛ ba tǝ dzǝ ada bara—

Ndzǝr Afisa 1:9

Ba Hyal tsanti ala muri dzǝri ɗǝwa-ɗǝwa nǝr su tǝ dzǝ bara akwa whalǝrni nam ɗaku tǝ dzǝ ada yiɗɛ, nam tǝ dzǝ tara vi akwa Kǝrsti.

Ndzǝr Afisa 4:7

Ama ala kǝlara ndɛ akwa ntsa muri ndǝ lari sǝga nǝr Hyal apa tǝ Kǝrsti ndǝghǝti ala muri.

Ndzǝr Ibrahim 6:4

Ata 'ya dzau ala ndzǝ nam tara saga ɓui mbur kǝr, tara saga ɗar sǝga nam atahyal, nam tara ɓui Mambǝl Kartǝ,