Ndzǝr Ibrahim 1:3 - Kibaku NT

³ Zǝr ni dzǝ ani mbǝlǝr nggakur Hyal ba dzǝ ani dludzǝr ndzaiyir Hyal, tǝ dzǝ ada ngǝzǝ sanga sǝ yarɛ tǝ ndǝrǝrni nam aka dǝna. Aghǝla tǝ dzǝ mǝrti whalǝr kǝtsǝnta biku yarɛ, dzǝ ndzai ata bwa tsisǝma Hyal nam ati.

Ndzǝr Ibrahim 1:3 Iomraidhean Croise

Mata 22:24

Dar ka nkǝrɛ, “Malǝm, Musa gha ala yar apǝri ma sal nti kura ta ɓui madausai, zǝrangǝri kǝ ndzi ntsakǝr ka dzǝ kǝtǝ mwala kifɛ ni ka dzǝ ɓui madausai alari.

Markusu 16:19

Aghǝla tǝ Thlaku Yɛsu ndǝrɛ ala dar, ndǝ ka dlutsi tǝni alǝtahyal, ka ndzai tǝbwar tsisǝma Hyal.

Yawhana 1:14

Ndǝr ni kǝ ndzai ndɛ, dzǝ ka mǝrti vui ndziyirni akwa ntsa muri. Muri kǝ wula nggakurni, nggakur nǝr Zǝr duku ba Ɗiɗi, dzǝ nam tara hyati adzǝ Tada, ghǝi-ghǝi aka ɗakur ba dzǝri.

Yawhana 1:29

Sǝbar arpɛ, sakatǝ Yawhana tara wula Yɛsu ada si adzǝni dzǝ nkǝrɛ, “Wuti, Zǝr Agamǝr Hyal, ndǝ nam ata siya kǝlnta bikǝr dunya!

Yawhana 1:4

Akwa dza mpikɛ adai, ba mpikɛ nda ani paraku ala ndzi.

'Ya Su 2:33

Ndǝ haɓǝti tǝni alǝti tǝbwar tsisǝma Hyal adzǝ atǝgǝri, ba dzǝ dlutsi aka Tada alkawalǝr Mambǝl Kartǝ. Sǝ nam kulini tǝ gǝri ada wula ba ngati ani sǝr hamnta nam tǝ dzǝ pukǝr ata kǝra muri.

'Ya Su 7:56

Ba dzǝ nkǝrɛ ala dar, “Wulɛ, Yi wula atahyal mburntadzi ba Zǝr Ndɛ ada hyati tǝbwar tsisǝma Hyal.”

Ndzǝr Rauma 1:16

Yi adi ada nga sǝlai akuya ka ndǝrǝr Hyal nam sǝɗa wɛ, kadǝbar ǝni ani dǝnar Hyal nam tǝ dzǝ ada kǝthlǝr akǝri ka mbatǝ kǝlara ndɛ nam tara mbǝrsa: tangkǝma ala ndzǝr Yahudi, aghǝla ǝni ala ndzǝ kura Yahudi.

Ndzǝr Rauma 8:34

Wa ani ada thlakǝr haka ala ndɛ? Kǝrsti Yɛsu, nam tara nti—ɓwalta ǝnda, dzǝ nam tara hyati aka mpikɛ—dzǝ ata bwa tsisǝma Hyal ba dzǝ ada 'ya kǝgyɛ aka Hyal ata nyar muri yɛ.

2 Ndzǝr Kwaranti 4:4

Akuya hyalǝr zaman ǝni mǝrti hankala ndzǝ nam kura aka mbǝrsa ka 'ya ghyang, ani ka kura dar awa wula paraku nǝr ndǝrǝr Hyal nam sǝɗa nǝr nggakurǝr Kǝrsti, dzǝ nam ani dludzǝr Hyal.

Ndzǝr Kwalausi 3:1

Antǝ, tǝng tǝ gǝri hyati akwa ntǝnti kaka Kǝrsti, ka gǝri vǝti ɗǝfa gǝri ata sǝ yari nam atahyal, akwa vui nam tǝ Kǝrsti ada ndzai ata bwa tsisǝma Hyal.

Taitus 2:14

ndǝ nam tara hamnta kǝrni akuya ka muri, ka pǝli tǝ muri akwa sanga kulɗakur ba ka dzǝ kǝtsǝnta ala kǝrni ndzǝ nam tǝ dar nǝni, ndzǝ nam aka miyir 'ya sǝ nam ɗaku.

Ndzǝr Ibrahim 1:13

Ala ndǝr hyantǝr Hyal madi tǝ Hyal saga nkǝrɛ, “Ndzai tǝbwar tsisǝmawai si ma Yi mǝrti dawar ngɛ sǝr vǝ thlǝlɛ ala gɛ”?

Ndzǝr Ibrahim 10:12

Ama sakatǝ fǝrist ǝni tara hamnta kǝdlǝrsu ka duku akuya ka biku yarɛ, dzǝ ndzai ata bwa tsisǝma Hyal nǝr sanga saka.

Ndzǝr Ibrahim 12:2

Ngyar ka muri vǝti ntsa muri ata Yɛsu, dzǝ nam tara sǝba akǝri ba dzǝ ani ndǝr ghǝiyaba hamnta dzǝrǝr muri, dzǝ nam akuya ka kutsari nam tǝ ndǝ vi akǝmari dzǝ ɓati tǝ ndǝ kukwanta tǝni, dzǝ kǝtǝ sǝr sǝlai ni adi mima wɛ, ba dzǝ ndzai tǝbwar tsisǝma dǝgǝl kuhyikur Hyal.

Ndzǝr Ibrahim 4:14

Kadǝbar ǝni, tǝng tǝ mur aka kuhyir fǝrist nam ngga ta sang nam tara mwari alǝti atahyal, Yɛsu Zǝr Hyal ni, ngyar ka mur ngǝzi hamnta dzǝri nam tǝ muri akǝri ɓaɓal.

Ndzǝr Ibrahim 7:27

Adi apa laka kuhyir fǝrist yarɛ ni wɛ, adi si ma dzǝ hamnta kǝdlǝrsu tatang vǝri wɛ, tangkǝma ka bikǝrni yarɛ, ba akuya ka bikǝr ndzi yarɛ wɛ. Dzǝ hamnta sataka akuya bikǝr dar ka duku ɗiɗi akuya ka sanga ndzi sakatǝ dzǝ hamnta kǝrni.

Ndzǝr Ibrahim 8:1

Sǝ nam tǝ yar ada ndǝrɛ ata kǝrni ani: muri aka dzǝli kuhyir fǝrist ni, nam tara ndzai ata bwa tsisǝma dǝgǝl kuhyikur nǝr Hyal nam ati.

Ndzǝr Ibrahim 9:16

Ma ndǝ nam tara gha sǝ nam tǝ ndɛ ata 'ya aka wartarni kǝ ndzai ntsakǝr ka ndǝ zǝndi apǝri dzǝ nti kwataku,

Ndzǝr Ibrahim 9:26

Ma apǝri ahani, dzá, kǝ ndzai ntsakǝr ka Kǝrsti sa bwanai ka hang tǝng ata tǝ dunya vidzi. Ama kulini dzǝ sǝba aka kǝrni ka duku ɗiɗi ata dǝntar zaman yarɛ ni akuya ka sanga ndzi ka dzǝ kǝlnta biku atar hamnta kǝrni sǝr kǝdlǝrsu.

1 Bitrusu 1:21

Atarni antǝ gǝri tara mbǝrsa aka Hyal, nam tara hyanti tǝni akwa ntǝnti ba dzǝ ka lari nggakur ani ka mbǝrsa gǝri ba tǝmár gǝri ka dzǝ ndzai ata Hyal.

1 Bitrusu 3:22

dzǝ nam tara tǝra atahyal ba dzǝ ndzai tǝbwar tsisǝma Hyal—kaka ndzǝr hyantǝr Hyal, ndzǝr wada yarɛ ba dǝna yarɛ akwa kǝlǝngkǝr alari.

2 Bitrusu 1:16

Yar ta nu ndǝrɛ yarɛ nǝr hawi tǝ ndǝ sǝba akǝr wɛ sakatǝ yar tara nkǝrɛ ala gǝri sǝ ata kǝra dǝna ba siyir Thlakǝr muri Yɛsu Kǝrsti, ama yar ndzai sakǝida ntsɛ aka ntsɛ nǝr ɓwalta sangkurni.

2 Bitrusu 1:17

Akuya dzǝ dlutsi hǝmɛ ba nggakur aka Hyal Tada sakatǝ kuɗahǝ ni tara si alari nam tara hyati adzǝ Nggakur nam Ɓwaltasang, ada nkǝrɛ, “Əni ani Zǝrna, nam tǝ Yi yiɗɛ; nam tǝ ɗǝfawai sǝɗa wur-wur alari.”

1 Yawhana 1:7

Ama ma muri ada mwari akwa paraku ni, apa tǝ dzǝ akwa paraku ni, muri aka mwardzi kaka kǝma muri, ba masǝr Yɛsu, Zǝrǝrni ni, kǝ kǝtsǝnta tǝ muri ta sanga biku.

1 Yawhana 3:5

Ama gǝri zǝndi apǝri Kǝrsti tsantǝdzi ani ka dzǝ kǝlnta bikǝr muri yarɛ. Ba akwa dza biku adi wɛ.

Yahuda 1:25

ka nggakur, ɓwalkur, dǝna, ba wada, ndzai ala Hyal nam duku ngyalang, Ndǝr Mbati tǝ muri, atar Yɛsu Kǝrsti Thlakǝr muri, kǝmata zaman yarɛ sang, kulini ba kura kurkuri! Apani.

Wulsu 3:21

Ala dzǝ nam tara sǝmkǝr, Yi ata lari dǝna ka ndzai akai ata dǝgǝl kuhyikurna, apa tǝ Yi sǝmkǝr ka ndzai aka Bana ata dǝgǝl kuhyikur ni.

Wulsu 4:11

“Gǝ kǝ mǝzi, Thlakǝr yar ba Hyalǝr yar, dlutsi hǝmɛ ba nggakur ba dǝna, akuya gǝ dza mǝrti sanga sǝ yarni, ba aka yiɗǝr ngɛ dar mǝrtǝdzi ba tǝ dar ada ndzai.”