Ndzǝr Ibrahim 1:2 - Kibaku NT

² ama akwa zaman nam ata dǝnta ni dzǝ ndǝrɛ ala muri atar Zǝrǝrni, dzǝ nam tǝ Hyal kǝlba akuya ndǝr sǝm wartar sanga sǝ yarɛ, ba atarni tǝ Hyal mǝrti sanga dunya.

Ndzǝr Ibrahim 1:2 Iomraidhean Croise

Mata 13:39

ba dǝgun nam tara thlǝka tǝ dar ni ani Satan. Sakar dlǝ ni ani dǝntar zaman, ba ndzǝr dlǝ ni ani ndzǝr hyantǝr Hyal.

Mata 17:5

Sakatǝ dzǝ tsu ata kǝra ndǝrɛ, dlamba nam ada mbǝli ka mbui tǝ dar, ba kuɗahu akwa dlamba ni nkǝrɛ, “Əni ani Zǝrna nam tǝ Yi yiɗɛ; Yi ada nga sǝɗa aka dza. Siyamɛ thlǝmɛ alari!”

Mata 21:38

“Ama sakatǝ ndzǝr kǝl fwaku ka agǝri yarni tara wula zǝr ni, dar nkǝrɛ ala kǝma dar, ‘Əni ani ndǝr sǝm wartari. Azǝramɛ, ka mur tsi tǝni ka mur sǝnya wartarni.’

Mata 26:63

Ama Yɛsu ndzi kǝɗǝk. Kuhyir fǝrist ni ka nkǝrɛ alari, “Yi ada paktsǝni tǝngɛ aka Hyal nam aka mpikɛ: Gha ala yar ma gǝ dza Kǝrsti ni, Zǝr Hyal ni.”

Mata 28:18

Antǝ Yɛsu ka si adzǝ dar ka nkǝrɛ, “Sanga wada nam atahyal ba akwa dunya ndǝ kǝ hamnta alai.

Mata 3:17

Ba kuɗahu tara hyati atahyal ka nkǝrɛ, “Əni ani Zǝrna, nam tǝ yiɗɛ; tǝ Yi ada nga sǝɗa aka dza.”

Markusu 1:1

Əni ani baditsǝni ndǝrǝr Hyal nam sǝɗa ni ata kǝra Yɛsu Kǝrsti, Zǝr Hyal ni.

Markusu 12:6

“Nam duku tara mbi ka dzǝ hya ani zǝrǝrni tǝ dzǝ yiɗɛ. Ata dǝntari, ani, dzǝ hyanti zǝr ni ala ndzǝr wul fwaku ni ka nkǝrɛ, ‘Yi mbǝrsa dar ata vǝkǝr sǝlai ala zǝrna.’

Markusu 12:7

“Ama ndzǝr wul fwaku ni nkǝrɛ ala kǝma dar, ‘Əni ani zǝr fa wartari. Siyamɛ, ngyar ka muri tsi tǝni, ka warta ni ndzai nǝmuri!’

Yawhana 1:10

Dza adai akwa dunya ni, ani tǝ Hyal mǝrti dunya ni atarni, dunya ni ta zǝndi tǝni wɛ.

Yawhana 1:14

Ndǝr ni kǝ ndzai ndɛ, dzǝ ka mǝrti vui ndziyirni akwa ntsa muri. Muri kǝ wula nggakurni, nggakur nǝr Zǝr duku ba Ɗiɗi, dzǝ nam tara hyati adzǝ Tada, ghǝi-ghǝi aka ɗakur ba dzǝri.

Yawhana 1:3

Atarni tǝ Hyal tara mǝrti sanga su; su adai nam tara mǝrtǝdzi kura dzǝ akwa wɛ.

Yawhana 13:3

Yɛsu zǝndi apǝri Tada kurta lari dǝnar sanga su. Dzǝ zǝndi apǝri dzǝ hyati adzǝ Hyal ba dzǝ zǝndi apǝri dzǝ ata tǝra adzǝ Hyal.

Yawhana 13:32

Ma nggakur Hyal tsantǝdzi atarni, antǝ Hyal ata tsanti nggakur Zǝr Ndɛ tǝ kǝrni, ba dzǝ ata 'yati sam-sam.

Yawhana 15:15

Yi tsu adi ata kǝga tǝ gǝri zǝr kǝi kǝra wɛ, kadǝbar zǝr kǝi ta zǝndi sǝ nam tǝ thlakǝrni ada 'ya wɛ. Ata vuiya ǝni, Yi ada kǝga tǝ gǝri pazi yarɛ, kadǝbar Yi ghaba ala gǝri sanga sǝ nam tǝ Yi ngati aka Babarna.

Yawhana 16:15

Sanga sǝ nam tǝ Babarna akǝri nana; ani sǝ nam tara 'ya tǝ Yi nkǝrɛ apǝri Mambǝl ni ata kǝtǝ sǝ nam tǝ Yi lari ka dzǝ gha ala gǝri.”

Yawhana 17:2

Akuya gǝ lar wada ata kǝra ndzǝ sang, ani ka dzǝ la mpikǝ nam kura kurkuri ala sanga ndzǝ nam tǝ gǝ lari.

Yawhana 3:16

“Kadǝbar Hyal yiɗǝ ndzǝr dunya wur-wur, dzǝ ka hamnta zǝrǝrni duku ɗiɗi, kadǝbar kǝlara ndǝ nam tara mbǝrsa aka dza dzǝ adi ata santadzi wɛ, ama dzǝ ata ɓui mpikǝ nam kura kurkuri.

Yawhana 3:25

Ɓwalnya hyati akwa ɓwanga laka ndzǝr nuwur Yawhana aka ndǝr Yahudi laka ata kǝra wudzǝr kǝtsǝkǝtsikur dar.

Yawhana 5:26

Apa tǝ Tada tǝ kǝrni dzǝ ani ka mpikɛ, ani apani dzǝ mǝrti Zǝrǝrni tǝ kǝrni yɛ dzǝ aka mpikɛ.

Yawhana 5:27

Dzǝ kurtaka lar wada nǝr thlanta haka, kadǝbar dzǝ Zǝr Ndɛ.

Yawhana 9:29

Yar kurtaka zǝndi apǝri Hyal ndǝrɛ aka Musa, ama ndǝ ni yar ta zǝndi vui nam tǝ dzǝ hyati akwa wɛ.”

'Ya Su 10:36

Gǝr zǝndi ndǝ nam tǝ Hyal hyanti ala ndzǝr Izǝraila, tara nkǝr ndǝrǝr Hyal nam sǝɗa nǝr ndzai lapiyakur, atar Yɛsu Kǝrsti nam Thlakǝr sanga ndzi.

'Ya Su 2:17

“ ‘Əni ani sǝ nam ata 'ya akwa vǝr dǝnta, ndǝ Hyal, Yi ata pukǝr Mambǝlǝrna ata kǝra sanga ndzi. Madar sǝli kaka nkwaiyir gǝri ata 'ya nabikur, tatamiyir gǝri tsuwɛ dar ata ndzai ndzǝr wulsu, Bwathlǝr gǝri tsuwɛ dar ata 'ya sǝni yarɛ.

Ndzǝr Rauma 1:4

ba atar Mambǝl Kartǝ nkǝrɛ aka dǝna apǝri dzǝ Zǝr Hyal ata nyar hyanti tǝni akwa ntǝnti: Yɛsu Kǝrsti Thlakǝr muri.

Ndzǝr Rauma 8:17

Kulini ma apǝri muri madarni, antǝ mur ndzǝr sǝm warta—ndzǝr sǝm wartar Hyal ba ndzǝr sǝm warta atakǝmaduku kaka Kǝrsti, ma apǝri dzǝri muri ada ndǝghǝ bwaniyirni, akuya ka mur ndǝghǝi nggakurni yɛ.

1 Ndzǝr Kwaranti 2:7

A'a, yar ada ndǝrɛ ata kǝra bǝrkawakur Hyal nam ɗǝwa-ɗǝwa, bǝrkawakur nam tǝ ndǝ ɗǝwar ba tǝ Hyal vi akuya ka la muri nggakur kǝmata baditsǝniyir dunya,

1 Ndzǝr Kwaranti 8:6

ama ala muri Hyal duku ani adai, Tada ni, nam tǝ sanga su si atarni ba mur adai akuya dza. Ba Thlaku duku ani adai, Yɛsu Kǝrsti nam sanga su si atarni ba muri ada ndzai atarni.

Ndzǝr Galatiya 4:4

Ama saka nam tǝ Hyal tara vi kǝ 'ya dzǝ ka hyanti Zǝrǝrni, ya yar mwala, yari tsuwɛ akwi mabari.

Ndzǝr Afisa 1:10

Hyal ata ghǝiyaba sǝ nam tǝ dzǝ ɗǝmhǝi ata sakari nam kal-kal—dzǝ ata paktsǝni sanga sǝ akwa Kǝrsti, sǝ yarɛ nam atahyal ba ata dai.

Ndzǝr Afisa 3:9

ba ka Yi mǝrti ata babal ala kǝlara ndɛ whal kǝthlǝr nǝr dzǝri ɗǝwa-ɗǝwa ǝni, nam tǝ zaman nam tara kwatsǝni dzǝ ɗǝwa-ɗǝwa akwa Hyal, dzǝ nam tara hǝnti sanga sǝ yarɛ.

Ndzǝr Ibrahim 1:5

Akuya ala ndǝr hyantǝr Hyal madi tǝ Hyal saga nkǝrɛ, “Gǝ dza Zǝrna; asǝna Yi kǝ ndzai Babar ngɛ”? Kǝna kadamwa, “Yi ata ndzai Atǝgǝri, ba dzǝ ata ndzai Zǝrna”?

Ndzǝr Ibrahim 1:8

Ama ata kǝra Zǝr ni, dzǝ ka nkǝrɛ, “Dǝgǝl kuhyikur ngɛ, Ya Hyal, ata ndzai kura kurkuri, ba kalkalkur ani ata ndzai zuwar kuhyikur ngɛ.

Ndzǝr Ibrahim 11:3

Atar hamnta dzǝri mur ngaba apǝri Hyal mǝrti dunya ni tǝ tsawurni, ani ka sǝ nam tǝ ndɛ ada wula mǝrtǝdzi tǝ sǝ nam kura ndɛ ada wula.

Ndzǝr Ibrahim 2:3

mǝmi tǝ muri awa mbulbadzi ma mur ngǝla dzǝli whal mbatǝdzi nam ngga ni? Mbatǝdzi ni, nam tǝ Thlaku tara nkǝrɛ tangkǝma ni, ndǝ nkǝrba ala muri atar ndzǝ nam tara ngati tǝni.

Ndzǝr Ibrahim 3:6

Ama Kǝrsti dzǝ zǝr nam aka hamnta dzǝri ata kǝra kǝiyir Hyal. Ba mur dza ndzǝr kǝiyirni ma mur ngǝzi dǝnautsǝnidzi ba tǝmatsǝniyir muri nam tǝ muri ada agula akǝri.

Ndzǝr Ibrahim 4:14

Kadǝbar ǝni, tǝng tǝ mur aka kuhyir fǝrist nam ngga ta sang nam tara mwari alǝti atahyal, Yɛsu Zǝr Hyal ni, ngyar ka mur ngǝzi hamnta dzǝri nam tǝ muri akǝri ɓaɓal.

Ndzǝr Ibrahim 5:8

Wala ahani tǝ dzǝ zǝr, dzǝ tsǝli ngandǝrɛ atar sa bwanai

Ndzǝr Ibrahim 7:28

Akuya mabari ada kǝlba ndɛ nam kura dǝna ka ndzai kuhyir fǝrist; ama alkawalǝr Hyal nam tara si vwam aka mbǝr ni, ba tara si aghǝla mabari, kǝlba zǝr ni, nam tara ghǝi kura kurkuri.

Ndzǝr Ibrahim 7:3

Dzǝ adi aka tada wala mama wɛ, dzǝ adi aka dzǝli wɛ, dzǝ adi aka baditsǝniyir vǝri yarɛ wala dǝntar mpikǝ wɛ, apa Zǝr Hyal dzǝ ndzai fǝrist kura kurkuri.

Ndzǝr Ibrahim 9:26

Ma apǝri ahani, dzá, kǝ ndzai ntsakǝr ka Kǝrsti sa bwanai ka hang tǝng ata tǝ dunya vidzi. Ama kulini dzǝ sǝba aka kǝrni ka duku ɗiɗi ata dǝntar zaman yarɛ ni akuya ka sanga ndzi ka dzǝ kǝlnta biku atar hamnta kǝrni sǝr kǝdlǝrsu.

1 Bitrusu 1:20

Hyal kurtaka tsarba tǝni kǝmata hǝnti dunya, ama akuya ka gǝri tǝ ndǝ tsanǝba tǝni akwa dǝntar vǝr yarni.

2 Bitrusu 3:3

Tangkǝma, kǝ ndzai ntsakǝr ka gǝr zǝndi apǝri akwa vǝri yarɛ nǝr dǝnta, ndzǝr kǝli ata sǝba, tǝ dar ata 'ya kǝli ba dar ada nu sǝ kulɗa nam tǝ ɗǝfa dar ada bara.

Yahuda 1:18

Dar nkǝrɛ ala gǝri, “Akwa saka yarɛ nǝr dǝnta ndzǝr kǝli ata ndɛ ata siya sǝba, nam tǝ dar ata nu sǝ nam kura nǝr Hyalkur.”