Ndzǝr Filibi 2:1 - Kibaku NT

¹ Ma apǝri gǝri aka sǝr dǝnautsǝnidzi akwa ndzaiyir paktsǝnidzi kaka Kǝrsti, ma yiɗǝdzǝrni ada sǝkǝti ɗǝfa gǝri, ma gǝri akwa mwardzi aka Mambǝlǝr Hyal, ma apǝri gǝri ada yiɗǝ kǝma gǝri ba kalhur ala kǝma gǝri,

Ndzǝr Filibi 2:1 Iomraidhean Croise

Luka 2:25

Akwa saka nda, ndǝ laka adai nam ada ndzai akwa Ursalima nam tǝ thlǝmari Simiyaun, dzǝ ndǝ nam kal-kal ba dzǝ ndǝr vǝkǝr sǝlai ala Hyal. Dzǝ ada sǝkǝ vǝr nam tǝ Hyal ata siya mbati Izǝraila, ba dzǝ aka Mambǝl Kartǝ ata kǝrari.

Yawhana 14:18

Yi adi ata ngyar tǝ gǝri apa musǝtɛ wɛ, Yi ata si adzǝ gǝri.

Yawhana 14:27

Ndzai lapiya tǝ Yi vi ala gǝri; ndzai lapiyakurna tǝ Yi la gǝri. Yi ta la gǝri apa tǝ dunya ada la ndǝ wɛ. Ta ɗǝfa gǝr ta damitsǝnidzi, ba ta gǝri ta hyivǝr.

Yawhana 17:13

“Yi ata si adzǝ ngɛ kulini, ama Yi nkǝrɛ sǝ yarni tsu tǝ Yi akwa dunya, ani ka dar ɓui ka ghǝi aka mwapukur ɗǝfǝr na nam akwa dar.”

'Ya Su 2:46

Tatang vǝri dar ada lǝkǝma aka kǝɓai atakǝmaduku akwa babalǝr fǝr Hyal. Dar ada sǝm sǝr sǝmǝr yiɗǝdzi akwa kǝiyir dar ba dar ada sǝm sǝr sǝmɛ atakǝmaduku aka kutsari ba aka ɗǝfu duku.

'Ya Su 4:32

Sanga ndzǝ nam tara mbǝrsa aka ɗǝfu duku ba ɗǝnga duku. Ndɛ adi nam tara nkǝrɛ apǝri kǝlara sǝ nam tǝ dzǝ akǝri kǝ ndzai nǝni wɛ, ama dar ada ndǝghǝi kǝlara sǝ nam tǝ dar kǝri.

Ndzǝr Rauma 5:5

Ba tǝmatsǝni adi ada hau tǝ muri akwa sǝlai wɛ, kadǝbar Hyal kǝ pu yiɗǝdzǝrni alǝkwa ɗǝfa muri atar Mambǝl Kartǝ, nam tǝ dzǝ tara la muri.

Ndzǝr Rauma 8:26

Tsu akwa whal ǝni, Mambǝl ni ada mbana tǝ muri akwa kura dǝnakur muri. Muri ta zǝndi sǝ nam tǝ muri awa 'ya aduwa kari wɛ, ama Mambǝl ni tǝ kǝrni ada ndǝrɛ ata nyar muri aka ngyɛ yarɛ nam kura labar awa nkǝrba.

1 Ndzǝr Kwaranti 12:13

Akuya mur sang ndǝ 'ya ala muri bamtizǝma tǝ mambǝl duku alǝkwa dzǝ duku—wala ndzǝr Yahudi wala Gǝriku yarɛ, fali wala kambɛ—ba muri sang ndǝ la muri mambǝl duku ni tǝ mur sa.

1 Ndzǝr Kwaranti 15:31

Yi ada nkǝrɛ aka nyawai, madar mama kaka nkwaiyir mama nam tǝ Yi yiɗɛ, Yi ada lǝkwa nti tatang. Əni ani dzǝri apa agularna akwa sǝ nam tǝ Thlaku Yɛsu Kǝrsti 'ya akwa gǝri.

1 Ndzǝr Kwaranti 3:16

Gǝri ta zǝndi apǝri gǝri tǝ kǝr gǝri gǝr fǝr Hyal ba Mambǝlǝr Hyal ada ndzai akwa gǝr wɛ?

2 Ndzǝr Kwaranti 13:14

Ka ɗakur nǝr Thlaku Yɛsu Kǝrsti, ba yiɗǝdzǝr Hyal, ba mwardzi nǝr Mambǝl Kartǝ ndzai ata kǝra gǝr sang.

2 Ndzǝr Kwaranti 2:14

Ama usɛ ala Hyal, nam kǝlara saka dzǝ ada ndǝrkǝma ala yar akwa sǝmkǝr akwa Kǝrsti ba atar yar tǝ dzǝ kikilnta akwa sanga vui sǝ sǝwur nam sǝɗa nǝr zǝndi tǝni.

Ndzǝr Galatiya 4:6

Kadǝbar tǝ gǝr madar, Hyal ka hyanti Mambǝlǝr Zǝrǝrni akwa ɗǝfa muri yarɛ, nam tǝ muri ata mǝzi kǝga, “Abba, Bana.”

Ndzǝr Galatiya 5:22

Ama munyar Mambǝl ni ani yiɗǝdzi, kutsari, lapiyakur, kǝmar, hankalkur, ɗakur, dzǝrkur,

Ndzǝr Afisa 4:4

Dzǝ duku ani adai ba mambǝl duku—apa tǝ ndǝ tara kǝgati tǝ gǝri ka tǝmatsǝni duku sakatǝ ndǝ kǝgati tǝ gǝri—

Ndzǝr Filibi 1:8

Hyal ani sakǝidarna dzǝ zǝndi whal nam tǝ Yi yiɗǝ sanga gǝri akwa dzǝri Yi yiɗǝ tǝ gǝri aka dzǝli yiɗǝdzǝr Kǝrsti Yɛsu.

Ndzǝr Filibi 3:3

Akuya muri dza ndzǝ nam aka thlakatsa nam dzǝri, mur nam ada vǝkǝr sǝlai aka Mambǝlǝr Hyal, mur nam ada agula akwa Kǝrsti Yɛsu, mur adi ada agula aka sǝ nam tǝ mur 'yati wɛ.

Ndzǝr Kwalausi 2:2

Yi ada 'ya ǝni ani ka dar dǝnautsǝnidzi akwa ɗǝfu apa tǝ dar paktsǝnikǝr akwa yiɗǝ kǝma dar, ba ani ka dar ɓui dzǝrkur apǝri dar ngaba ndǝrɛ nam tǝ Hyal tara tsanti kulini apǝri ani, ndǝr ni ata kǝra Kǝrsti,

Ndzǝr Kwalausi 3:12

Kadǝbar ka ǝni, Hyal kǝ tsarba tǝ gǝri ka ndzai ndzǝrni nam tǝ dzǝ yiɗɛ, hadzamɛ ala kǝr gǝri kalhur, hankalkur, tǝrghǝlkǝr, kanadikur, ba kǝmar.

Ndzǝr Ibrahim 6:18

Hyal 'ya sǝ ǝni ani ka, atar sǝ sǝɗɛ; alkawal ba mbǝrǝrni nam kura ada palidzi ani adi awa mǝzi ka 'ya tǝ Hyal awa hawi wɛ, mur nam tara whui ka ngǝti tǝmatsǝni nam tǝ Hyal hamnta ala muri ka mur dǝnautsǝnidzi.

1 Bitrusu 1:2

Hyal Tada zǝndi tǝ gǝri dzǝ ka tsarba tǝ gǝri tsu din, ba Mambǝlǝrni ka mǝrti tǝ gǝri kulini gǝri kǝ ndzai nǝr Hyal. Akuya ka gǝri hamnta kǝr ala Yɛsu Kǝrsti, gǝri ka kǝtsǝntadzi aka masǝrni. Ka Hyal la gǝri ɗakur Hyal ba ndzai lapiyakur hangkurari!

1 Yawhana 3:24

Ndzǝ nam ada ngandǝrǝr tsawurni yarɛ dar ada ndzai akwa paktsǝnidzi aka Hyal, ba Hyal ada ndzai akwa ɗǝfa dar. Ba ǝni ani whal nam tǝ muri zǝndi apǝri dzǝ ada ndzai akwa muri: muri zǝndi atar Mambǝl tǝ dzǝ tara la muri ni.

1 Yawhana 4:12

Ndɛ nam tara saga wula Hyal adi wɛ; ama ma muri ada yiɗǝ kǝma muri, Hyal ada ndzai akwa muri ba yiɗǝdzǝrni ndzai ghǝi-ghǝi akwa muri.

1 Yawhana 4:16

Ani mur zǝndi ba mur mbǝrsa aka yiɗǝdzi nam tǝ Hyal akǝri ala muri. Hyal dzǝ ani yiɗǝdzi. Ndǝ nam ada ndzai akwa yiɗǝdzi dzǝ ada ndzai akwa paktsǝni aka Hyal, ba Hyal akwa dza.