Ndzǝr Afisa 1:3 - Kibaku NT

³ Ka hǝmɛ ndzai ala Hyal ni ba Atǝgǝra Thlakǝr muri Yɛsu Kǝrsti, dzǝ nam tara la muri barka akwa vui yarɛ nam atahyal aka kǝlara barka yarɛ nǝr mambǝlɛ kadǝbar paktsǝnidzǝr muri aka Kǝrsti.

Ndzǝr Afisa 1:3 Iomraidhean Croise

Luka 2:28

ani Simiyaun mwar ka kǝtǝ zǝr ni akwa tsiyari ba dzǝ ka usar Hyal, apǝri:

Yawhana 14:20

Sakatǝ vǝr ǝnda si, gǝri ata zǝndi apǝri Yi akwa Bana, ba gǝri akwa yɛ, Yi akwa gǝri.

Yawhana 17:21

Baba, Yi 'ya aduwa apǝri ka sanga dar ndzai duku, tsu apa tǝ gǝ akwa yɛ ba Yi akwa gɛ. Ngyar ka dar ndzai akwa mwa tsuwɛ, ani ka dunya mbǝrsa apǝri gǝ hya tǝra.

Yawhana 20:17

Yɛsu nkǝrɛ, “Ta gǝ ta ngǝzǝ tǝra mai, akuya har ba kulini Yi ta tǝra alǝti adzǝ Tada kwataku wɛ. Ama mwari adzǝ madar mana, ka gǝ nkǝrɛ ala dar apǝri, ‘Yi ata tǝra adzǝ Babarna ba Babar gǝri, adzǝ Hyalǝrna ba Hyalǝr gǝri.’ ”

Ndzǝr Rauma 12:5

ani akwa Kǝrsti muri nam hang ni mur 'ya dzɛ duku, ba kǝlara palai dzǝ nǝr palai yarɛ damwa ni.

Ndzǝr Rauma 15:6

ani ka aka ɗǝfu duku ba nya duku ka gǝri la nggakur ala Hyal ba Atǝgǝra Thlakǝr muri Yɛsu Kǝrsti ni.

1 Ndzǝr Kwaranti 1:30

Ani kadǝbar ka Hyal ani tǝ gǝri paktsǝnidzi kaka Kǝrsti Yɛsu. Dzǝ kǝ ndzai ala muri bǝrkawakur adzǝ Hyal—nam ani, kadǝbar ka Kǝrsti muri ndzai kal-kal akǝma Hyal, muri dza ndzǝrni, ba muri ɓui pǝlidzi ta biku.

1 Ndzǝr Kwaranti 12:12

Dzǝ ni dzǝ duku, wala ahani ndǝ mǝrti tǝni aka palai yarɛ hang; ba wala ahani sanga palai yarni hang ni, dar mǝrti dzǝ duku. Ani ahani aka Kǝrsti.

2 Ndzǝr Kwaranti 1:3

Hǝmɛ ka dzǝ ndzai ala Hyal ba Atǝgǝra Thlakǝr muri Yɛsu Kǝrsti, Tada nam ada kalhur ka ndɛ ba Hyal nam ada la ndɛ sanga sǝkǝtǝ ɗǝfu.

2 Ndzǝr Kwaranti 11:31

Hyal ni Atǝgǝra Thlaku Yɛsu ni, nam tǝ ndɛ ata hǝmɛ kura kurkuri, zǝndi apǝri Yi adi ada hawi wɛ.

2 Ndzǝr Kwaranti 5:17

Kadǝbar ǝni, kǝlara ndǝ nam akwa Kǝrsti, dzǝ kǝ 'ya su bǝlin tǝ Hyal tara mǝrti; sǝ nam halhali kǝ tǝra, sǝ nam bǝlin kǝ si!

2 Ndzǝr Kwaranti 5:21

Hyal mǝrti tǝni dzǝ nam kura biku ka ndzai ndǝr biku akuya ka muri, ani ka akwa paktsǝnidzǝr muri aka dza muri ata ndzai ani kalkalkur nǝr Hyal.

Ndzǝr Galatiya 3:9

Antǝ ndzǝ nam aka hamnta dzǝri dar ani tǝ ndǝ la dar barka atakǝmaduku kaka ndǝr hamnta dzǝrǝr Ibrahim.

Ndzǝr Afisa 1:10

Hyal ata ghǝiyaba sǝ nam tǝ dzǝ ɗǝmhǝi ata sakari nam kal-kal—dzǝ ata paktsǝni sanga sǝ akwa Kǝrsti, sǝ yarɛ nam atahyal ba ata dai.

Ndzǝr Afisa 1:17

Yi ada lǝkǝma aka kǝgyɛ apǝri Hyal, dzǝ nam ngga Atǝgǝra Thlakǝr muri Yɛsu Kǝrsti, dzǝ ata hau Mambǝlǝrni ka mǝrti tǝ gǝri bǝrkawa ba Mambǝlǝrni nda ata tsanti Hyal ala gǝri ani ka gǝri zǝndi tǝni ɗaku.

Ndzǝr Afisa 1:20

nam tǝ dzǝ 'yati akwa Kǝrsti sakatǝ dzǝ hyanti tǝni akwa ntǝnti ba vi tǝni ata bwa tsisǝmari akwa vui yarɛ nam atahyal,

Ndzǝr Afisa 2:6

Ba Hyal ka hyanti tǝ muri kaka Kǝrsti ba dzǝ ka vi tǝ muri kaka dza atahyal akwa paktsǝnidzǝr muri aka Kǝrsti Yɛsu,

Ndzǝr Afisa 3:10

Sǝ nam tǝ Hyal ada bara kulini ani, atar ikǝlizǝya, ka ndǝ nkǝrnta bǝrkawakur Hyal nam pam-pam hang ni ala ndzǝr kuhyi yarɛ ba ndzǝr wada nam atahyal.

Ndzǝr Afisa 6:12

Akuya bǝbǝkǝiyir muri adi aka kum aka masi wɛ, ama aka ndzǝr kuhyi yarɛ, aka ndzǝr wada yarɛ, aka dǝna yarɛ nǝr dunyar kuthlɛ ǝni ba aka dǝna yarɛ nǝr mambǝl nam kulɗa akwa vui yarɛ nam atahyal.

Ndzǝr Filibi 2:11

ba kǝlara ndɛ ata gha aka nyari apǝri Yɛsu Kǝrsti ani Thlaku, ka vǝkǝr nggakur ala Hyal nam Tada.

Ndzǝr Ibrahim 8:5

Dar ada 'ya kǝthlǝrǝr vǝkǝr sǝlai ala Hyal nam tara dludzi ba sangura sǝ nam atahyal. Ani sǝ nam tara 'ya tǝ ndǝ ɗǝmnya ala Musa sakatǝ dzǝ angwada tsa fǝr nguzi ni: “Ka gǝ wula apǝri gǝ mǝrti kǝlara su akwa whal nam tǝ ndǝ tsanti ala gɛ ati akwa paya.”

Ndzǝr Ibrahim 9:23

Kǝ ndzai ntsakǝr, dzá, ala sǝ yarɛ nǝr dludzǝr sǝ nam atahyal ka dar ndzai kǝtsǝkǝtsi atar sǝr kǝdlǝrsu yarɛ ni, ama sǝ yarɛ nam atahyal ni dar aka sǝr kǝdlǝr sǝ yarɛ nam ɗaku ta ǝni yarni.

1 Bitrusu 1:3

Hǝmɛ ka dzǝ ndzai ala Hyal, dzǝ nam Tada ala Thlakǝr muri Yɛsu Kǝrsti! Kadǝbar kǝtǝrdzǝrni nam hang, muri yabadzi kadamwa, ndǝ ka la muri tǝmá nam aka mpikɛ, atar tǝ Hyal hyanti Yɛsu Kǝrsti akwa ntǝnti.