Mata 4:3 - Kibaku NT

³ Ndǝr nkǝrti ni ka si adzǝni ka nkǝrɛ, “Ma apǝri gǝ Zǝr Hyal dzá, nkǝrɛ ala paya yarni ka dar 'ya mantsǝkǝl.”

Mata 4:3 Iomraidhean Croise

Mata 14:33

Antǝ ndzǝ nam akwa sar ni ka vǝkǝr sǝlai alari, ka nkǝrɛ, “Dzǝri gǝ ani Zǝr Hyal.”

Mata 16:16

Simaun Bitrusu sǝnau, “Gǝ dza Kǝrsti, Zǝr Hyal nam aka mpikɛ.”

Mata 26:63

Ama Yɛsu ndzi kǝɗǝk. Kuhyir fǝrist ni ka nkǝrɛ alari, “Yi ada paktsǝni tǝngɛ aka Hyal nam aka mpikɛ: Gha ala yar ma gǝ dza Kǝrsti ni, Zǝr Hyal ni.”

Mata 3:17

Ba kuɗahu tara hyati atahyal ka nkǝrɛ, “Əni ani Zǝrna, nam tǝ yiɗɛ; tǝ Yi ada nga sǝɗa aka dza.”

Markusu 1:1

Əni ani baditsǝni ndǝrǝr Hyal nam sǝɗa ni ata kǝra Yɛsu Kǝrsti, Zǝr Hyal ni.

Markusu 3:11

Antǝ ndzǝ nam aka mambǝl nam kulɗa akwa dza dar wula tǝni, dar ada dla akǝmari ada lǝlɛ, “Gǝ dza Zǝr Hyal!”

Markusu 5:7

antǝ dzǝ ka tuwa aka dǝna, “Yɛsu Zǝr Hyal Nam Ati! Mi tǝ gǝ ada bara aka yɛ? Ka Hyal, Yi ada kǝgyǝ tǝngɛ ta gǝ ta lai bwanai!”

Luka 1:35

Ndǝr hyantǝr Hyal ni sǝnau, “Mambǝl Kartǝ ata sǝgǝl ata kǝra gǝ, dǝnar Hyal nam Ati ta sang ata tǝrkǝr sangurai ala gǝ. Kadǝbar ǝni Zǝr nam tǝ gǝ ata ya ni dzǝ hyati adzǝ Hyal ba ndɛ ata ká tǝni Zǝr Hyal.

Luka 22:70

Sanga dar ka yuwɛ, “Azarɛ gǝ ni gǝ Zǝr Hyal ya?” Dzǝ ka sǝnau, “Apa tǝ gǝri tara gha, Yi ani dza.”

Luka 4:3

Ani Satan ni ka nkǝrɛ alari, “Ma apǝri gǝ Zǝr Hyal dzá, nkǝrɛ ala paya ni ka dzǝ 'ya mantsǝkǝl.”

Luka 4:41

Mambǝl nam kulɗa yarɛ kǝ sǝba akwa dzá ndzǝ hangkurari dar ada lǝlɛ tǝ dar ada nkǝrɛ apǝri, “Gɛ ani Zǝr Hyal ni!” Ama Yɛsu tsǝhati tǝ dar, dzǝ ka kanti ala dar ndǝrɛ, kadǝbar dar zǝndi apǝri dzǝ ani Kǝrsti ni.

Luka 4:9

Satan ni ka mwari aka dza akwa Ursalima ba dzǝ ka lǝti aka dza ata vui nam dzǝgam ta sang nǝr fǝr Hyal ni, ba dzǝ ka nkǝrɛ apǝri, “Ma gǝ Zǝr Hyal, ɗǝghǝl tǝ kǝrngɛ asǝgǝl akwani:

Yawhana 1:34

Yi kǝ wula ba Yi sakǝidatsǝni apǝri ǝni ani Zǝr Hyal ni.”

Yawhana 1:49

Antǝ Nathlaniyal gha alari, “Malǝm, gǝ ani Zǝr Hyal; gǝ dza Kuhyir ndzǝr Izǝraila ni.”

Yawhana 20:31

Ama ndǝ rǝbwai ǝni yarni ani ka gǝri mbǝrsa apǝri Yɛsu dzǝ ani Kǝrsti, Zǝr Hyal, ba kadǝbar tǝ gǝr mbǝrsa, gǝri ata ɓui mpikɛ akwa thlǝmari.

Yawhana 9:35

Yɛsu ngati apǝri dar kǝdlǝba tǝni. Sakatǝ dzǝ ɓui tǝni, dzǝ nkǝrɛ alari, “Gǝ mbǝrsa akwa Zǝr Ndɛ ni ya?”

'Ya Su 9:20

Ba kura aka santa saka, dzǝ baditsǝni nkǝr labar akwa fǝr vǝkǝr sǝlaiyir ndzǝr Yahudi yarɛ apǝri Yɛsu dzǝ dza Zǝr Hyal.

2 Ndzǝr Kwaranti 1:19

Akuya Zǝr Hyal ni, Yɛsu Kǝrsti, nam tǝ ndǝ nkǝr ndǝrǝrni akwa ntsa gǝri atarna ba Silas ba Timathlawus, adi “A” ba “A'á” wɛ, ama akwa dza kǝlara saka ani “A.”

Ndzǝr Galatiya 2:20

Ndǝ kukwanta tǝra atakǝmaduku aka Kǝrsti, kulini adi Yi tsuwɛ ani ada ndzai wɛ, Kǝrsti ani aka mpikɛ akwa yɛ. Mpikɛ nam tǝ Yi ada ndzai akwa kulini adi nǝr dzɛ wɛ, Yi ada ndzai aka mbǝrsa akwa Zǝr Hyal, nam tara yiɗǝ tǝra, har tǝ dzǝ hamnta kǝrni kadǝbarna.

1 Ndzǝr Tasalaunika 3:5

Kadǝbar ahani, saka kura Yi ta mǝzi ɓati kǝra, Yi hyanti Timathlawus ala gɛ ka dzǝ ngaba ata kǝra hamnta dzǝrǝr gǝri. Yi ada hyivǝr apǝri akwa whal laka ndǝr nkǝrti kǝ nkǝrti tǝngɛ ba sǝ nam tǝ yar 'ya kǝ ndzai ɓǝrtu.

Ndzǝr Ibrahim 12:16

Ka gǝri wula apǝri ta ndǝ duku ta 'ya ndǝr badawi, wala kura hyivǝr Hyal apa Isuwa, nam akuya ka ɗǝvǝr sǝm ka duku dzǝ ɗǝlnta wartar ndzai zǝr nam nggakurni.

Ndzǝr Ibrahim 4:14

Kadǝbar ǝni, tǝng tǝ mur aka kuhyir fǝrist nam ngga ta sang nam tara mwari alǝti atahyal, Yɛsu Zǝr Hyal ni, ngyar ka mur ngǝzi hamnta dzǝri nam tǝ muri akǝri ɓaɓal.

Ndzǝr Ibrahim 7:3

Dzǝ adi aka tada wala mama wɛ, dzǝ adi aka dzǝli wɛ, dzǝ adi aka baditsǝniyir vǝri yarɛ wala dǝntar mpikǝ wɛ, apa Zǝr Hyal dzǝ ndzai fǝrist kura kurkuri.

1 Yawhana 3:8

Ndǝ nam ada lǝkǝma aka 'ya sǝr biku dzǝ nǝr Satan, kadǝbar Satan ni dzǝ ada 'ya biku tsu akwa baditsǝni. Sǝ nam tara 'ya tǝ Zǝr Hyal tara tsantǝdzi ani ka dzǝ whuzanta kǝthlǝr Satan.

Wulsu 2:10

Ta gǝri ta hyivǝr ata kǝra sǝ nam tǝ gǝri angwada ɗar bwanai ata kǝri. Yi gha ala gǝri, Satan ata pu ndzǝ laka akwa ntsa gǝri akwa fǝrsǝna ka nkǝrti tǝ gǝri, ba gǝri ata ɗar bwanai nǝr vǝr kumɛ. Ndzai aka dzǝrkur, har ka la nti, ba Yɛ ata la gǝri aliyapǝr mpikɛ.