Luka 9:16 - Kibaku NT

¹⁶ Yɛsu ka kǝtǝ takwara ntufu ba kulfa sǝɗɛ ni, dzǝ ka haɓǝti kǝrari ka usar Hyal, ka vǝdzǝ barka, dzǝ ka pupwasi ka la ndzǝr nuwurni, dar ka la hangkur ndzǝ ni.

Luka 9:16 Iomraidhean Croise

Mata 14:19

Antǝ dzǝ ka hau ndzi ni ka dar ndzai ata kusar. Dzǝ ka kǝtǝ takwara ntufu ni ba kulfa sǝɗǝ ni ba dzǝ ka haɓǝti ntsari ati ka usar Hyal ka pupwasi takwara yarni. Antǝ dzǝ ka la ndzǝr nuwurni yarɛ, ba ndzǝr nuwurni ka ndǝghǝnta ala ndzi.

Mata 15:36

Antǝ dzǝ kǝtǝ takwara murfwǝ ni ba kulfa ni, ba aghǝla tǝ dzǝ 'ya gwaditsǝni yarɛ, dzǝ ka pupwasi tǝ dar ba dzǝ ka la ndzǝr nuwurni yarɛ, ba dar ka la ndzi yarni.

Markusu 7:34

Dzǝ wulɛ atahyal, ka pu mpihɛ dzǝgam ka nkǝrɛ alari, “Ifafathla!” (nam ada nkǝrɛ, “Mburnta!”).

Luka 22:19

Ba dzǝ ka kǝtǝ mantsǝkǝl, aghǝla tǝ dzǝ usar Hyal dzǝ ka ɓǝgǝlu, ba dzǝ ka la dar, dzǝ ka nkǝrɛ, “Əni ani dzawai nam tǝ Yi ata hamnta akuya gǝri, ka gǝri lǝkǝma aka 'ya ahani, kadǝbar ɗǝngati tǝra.”

Luka 24:30

Sakatǝ dar ata sǝm sǝr sǝmɛ vwam, dzǝ ka kǝtǝ mantsǝkǝl, dzǝ ka 'ya gwaditsǝni, dzǝ ka pupwasu dzǝ ka baditsǝni la dar.

Luka 9:15

Antǝ ndzǝr nuwurni yarɛ ni ka 'yati apani ba sanga ndzi ka ndzǝndzai.

Luka 9:17

Sanga dar sǝmɛ ka ghǝi, ba ndzǝr nuwurni ka tsaɓtsǝni nam tara mbi wulna kumɛ kapu sǝɗɛ.

Yawhana 6:11

Yɛsu ka kǝtǝ takwara ɗǝvɛ, aghǝla tǝ dzǝ usar Hyal, dzǝ ka ndǝghǝi ala ndzǝ nam ada ndzai yar ndari hang apa tǝ dar ada bara. Dzǝ 'yati tsu ahani aka kulfa ni.

Yawhana 6:23

Antǝ laka sar yarɛ tara hyati akwa Tibariya si kudzǝghɛ adzǝ vui nam tǝ dlamiyir ndzi tara sǝm mantsǝkǝl nda, aghǝla tǝ Thlaku tara usar Hyal.

'Ya Su 27:35

Aghǝla tǝ dzǝ gha ǝni, dzǝ kǝtǝ mantsǝkǝl ba dzǝ ka gwaditsǝni ala Hyal akǝma dar sang. Antǝ dzǝ ka pwasǝtsi ka baditsǝni kwasɛ.

Ndzǝr Rauma 14:6

Ndǝ nam tara kǝtǝ apǝri vǝr pathlu ɓwalta kǝmani, dzǝ 'ya ǝnda ala Thlaku ni. Ndǝ nam ada sǝm kǝlara sǝr sǝmɛ, dzǝ ada sǝmɛ ala Thlaku ni akuya dzǝ ada gwaditsǝni ala Hyal; ba dzǝ nam tara ngǝla sǝm kǝlara sǝr sǝmɛ, dzǝ yɛ dzǝ ada bara ka dzǝ panyi ɗǝfa Thlaku ni ba dzǝ ada gwaditsǝni ala Hyal.

1 Ndzǝr Kwaranti 10:30

Ma Yi sǝm sǝr sǝm ni aka gwaditsǝni, kami tǝ ndɛ awa ngǝngǝl tǝra kadǝbar ka su tǝ Yi gwaditsǝni ala Hyal kari?

1 Ndzǝr Kwaranti 11:24

ba sakatǝ dzǝ hamnta gwaditsǝni, dzǝ ɓǝli ka nkǝrɛ, “Əni ani dzá wai, nam akuya ka gǝri; 'yamɛ ǝni ka ɗǝngati tǝra.”