Luka 9:11 - Kibaku NT

¹¹ Ama sakatǝ hangkur ndzǝ tara ngati, antǝ dar ka nuti tǝni. Dzǝ dlutsi tǝ dar dzǝ ka nkǝrɛ ala dar ata kǝra kuhyikur Hyal, ba dzǝ mbǝti ndzǝ nam ada bara mbǝtǝdzi.

Luka 9:11 Iomraidhean Croise

Mata 12:15

Akuya tǝ Yɛsu tara zǝndi ndǝr nam tǝ dar tara ɗǝmhǝi ata kǝrari, antǝ dza ka tǝra ka ngyar vui nda. Ndzǝ hang ka nuti tǝni, ba dzǝ ka mbǝti sanga ndzǝ nam kura kalang.

Mata 14:14

Sakatǝ Yɛsu sǝgǝl ka wula dlamiyir ndzi, dzǝ ka 'ya kalhur ata kǝra dar ka mbǝti ndzǝ kura kalang akwa ntsa dar.

Mata 21:31

“Madi akwa ntsa dar sǝɗǝ ni tara 'ya sǝ nam tǝ tada dar ni tara bara?” Dar ka sǝnau, “Nam kǝmani.” Yɛsu ka nkǝrɛ ala dar, “Yi ada gha ala gǝri dzǝri, ndzǝr dlu tsǝmɛ kaka zawar yarni ata lǝkwa kuhyikur Hyal kǝma ta gǝri.

Mata 21:43

“Kadǝbar ǝni Yi ada gha ala gǝri apǝri kuhyikur Hyal ni ndǝ ata kǝlnta adzǝ gǝri ka la ndzǝ nam ata ya munya.

Luka 1:53

Ndzǝ nam aka mi dzǝ ghǝiyati tǝ dar aka sǝ yarɛ nam ɗaku, ama ndzǝr gǝna tsuwɛ dzǝ ka kǝdlǝnta tǝ dar aka tsi ɓǝrtu.

Luka 5:31

Yɛsu sǝnau ala dar, “Ndzǝ nam kalang adi ada bara ndǝr kuzugu wɛ, ama ndzǝ kura kalang.

Luka 8:1

Aghǝla ǝni, Yɛsu ka mwari akwa di yarɛ nam ngga-ngga kaka nam nkyǝnkyiɗu tǝ dzǝ ada nkǝr musubu ata kǝra kuhyikur Hyal. Ndzǝr nuwurni kum kapu sǝɗɛ ni tsuwɛ dar adzǝni,

Luka 8:10

Dzǝ ka nkǝrɛ, “Zǝndi sǝ nam ɗǝwa-ɗǝwa ata kǝra kuhyikur Hyal ndǝ la gǝri ka gǝr zǝndi, ama ala ndzǝ yarɛ damwa Yi ada ndǝrɛ akwa karabu, ani ka, “‘wala tǝ dar ada wulɛ, dar adi awa wula wɛ; wala tǝ dar ada nga, dar ada awa ngaba wɛ.’

Luka 9:10

Sakatǝ ndzǝr hya yarɛ ni tara si, dar ka tsǝba sǝ nam tǝ dar tara 'yati ala Yɛsu. Antǝ dzǝ ka fati tǝ dar ɗiɗi tǝ dar ka mwari alǝkwa dai laka nam tǝ ndǝ ada ka tǝ Bathsaida.

Luka 9:12

Sakatǝ tǝhaku angwada bara 'ya, antǝ ndzǝr nuwurni nam kum kapu sǝɗɛ ni ka si ka gha alari, “Ngyar ka dlamiyir ndzi ni tǝra alǝkwa kuta mǝlmǝ yarɛ ba vui yarɛ nam tara dlǝi vui ni, akuya ka dar ɓui sǝr sǝmɛ ba vui pi, akuya vui nam tǝ muri akwani ndzǝ adi akwa wɛ.”

Luka 9:2

Ani dzǝ ka hyanǝba tǝ dar alǝba ka dar mwari ka nkǝr ndǝrǝr Kuhyikurǝr Hyal ba ka dar mbǝti ndzǝ nam kura kalang.

Yawhana 4:34

Antǝ Yɛsu ka nkǝrɛ ala dar apǝri, “Sǝr sǝmǝrna ani ka Yi mǝrti sǝ nam tǝ ndǝ nam tara hya tǝra ada bara, ka Yi ghǝiyaba kǝthlǝrǝrni.

Yawhana 6:37

Kǝlara ndǝ nam tǝ Tada tara lai, dar ata si adzǝra, ndǝ nam tara si adzǝra Yi adi ata saga kǝdlǝnta tǝni wala nkyiɗu laka wɛ.

'Ya Su 28:31

Dzǝ nkǝr labar kuhyikur Hyal aka dǝna kura ndɛ ada kanti alari ba hyipǝ su ata kǝra Thlaku Yɛsu Kǝrsti.

Ndzǝr Rauma 10:14

Mǝmi, dza, tǝ dar awa kǝga ndɛ nam kura dar ta mbǝrsa akari? Ba mǝmi tǝ dar awa mbǝrsa akwa ndɛ nam kura dar ta saga ngati? Ba mǝmi tǝ dar awa ngati kura ndǝ laka ta nkǝrnta ala dar ndǝrǝr Hyal nam sǝɗa ni?

Ndzǝr Rauma 10:17

Ani dzá, hamnta dzǝri ada si atar ngati ndǝr ni, ndǝr ni ada ngatǝdzi atar labarǝr Kǝrsti.

Ndzǝr Rauma 15:3

Akuya wala Kǝrsti dzǝ ta panyi ɗǝfa kǝrni wɛ ama, apa rǝbwa-rǝbwa: “Ngǝngǝlɛ yarɛ ni nam tǝ ndǝ ngǝngǝl tǝ gǝri pukǝrdzi alai.”

2 Timathlawus 4:2

Ka gǝ nkǝr labar Hyal ni, ka gǝ ɗǝmhǝi kǝrngɛ akwa sakari ba wala kura akwa sakari; ka gǝ dzǝgwɛ, ɗǝmnya ba dǝnautsǝni—aka kǝl kǝmar ba gala aka hankal.

Ndzǝr Ibrahim 4:16

Ngyar dzá ka muri mwari adzǝ dǝgǝl kuhyikur nǝr ɗakur Hyal aka mbǝrsa, ani ka mur dlutsi kǝtǝrdzi ba ka mur ɓui ɗakur Hyal ka dlar tǝ muri akwa saka nam tǝ mur ada bara.