Luka 8:2 - Kibaku NT

² ba mwahyi yarɛ laka yɛ nam tǝ ndǝ tara mbǝti tǝ dar aka mambǝl yarɛ nam kulɗa ba kasuwa yarɛ damwa: Maryamu nam tǝ ndɛ ada kǝga tǝni aka Magǝdaliya, nam tǝ ndǝ tara kǝdlǝba mambǝl yarɛ nam kulɗa-kulɗa murfwɛ akwa dzari;

Luka 8:2 Iomraidhean Croise

Mata 4:24

Labar ata kǝrari ka kikilntadzi akwa sanga diyir Siriya, ba ndzǝ ka si akǝri alari sanga ndzǝ nam kura kalang kaka kasuwa yarɛ, ndzǝ nam ada ɗar bwanai aka kalɛ nam dzau, ndzǝ nam aka mambǝl yarɛ nam kulɗa, ndzǝ nam aka bwali, ba ndzǝ nam masǝkǝn, ba dzǝ ka mbǝti tǝ dar.

Markusu 16:1

Sakatǝ vǝr Sǝbdu tara kwatsǝni, Maryamu Magǝdaliya ba Maryamu angǝra Yakubu ba Salaumi dar ɗǝlba sǝ sǝwur nam sǝɗa, ani dar ka mwari akǝr ka dar pukǝr ala dzá Yɛsu.

Markusu 16:9

[Sakatǝ Yɛsu hyati kula-kula mbǝk ata vǝr nam tang akwa magu, dzǝ tsantǝdzi tangkǝma ala Maryamu Magǝdaliya mwala nam tǝ dzǝ kǝdlǝba mambǝl nam kulɗa murfwɛ akwa dzari.

Luka 23:27

Ndzi hangkurari ka nu Yɛsu, kaka mwahyi yar laka nam tara sǝngǝlɛ ba tuwa akuya ka dza.

Luka 23:49

Ama sanga ndzǝ nam tara zǝndi tǝni kaka mwahyi yarɛ nam tara nu tǝni tǝng akwa diyir Galili, tǝ dar hyati tsu ɗar pǝɗǝm, tǝ dar ada wul sǝ ǝni yarni.

Luka 23:55

Mwahyi nam tara si kaka Yɛsu akwa diyir Galili nda dar ka nu Yusufu ka dar wula kulari aka whal nam tǝ ndǝ panyi dzari akwa.

Luka 8:30

Yɛsu ka yu ndǝ ni, “Mǝ thlǝma gǝ?” Dzǝ ka gha, “Thlǝmawai Yar Hang.” Dzǝ nkǝrɛ apani akuya tǝ mambǝl nam kulɗa ni dar hang.

Yawhana 19:25

Kudzǝghɛ adzǝ undzum kadlǝkadlǝr Yɛsu, angǝri aka kwanyangǝri, Maryamu mwalar Kǝlaupas, ba tsuwɛ Maryamu Magǝdaliya, dar ada hyati.

'Ya Su 1:14

Dar sang kǝltsǝnidzi aka ɗǝfu duku tǝ dar ada 'ya aduwa, tsuwɛ dar kaka Maryamu angǝra Yɛsu, ba mwahyi laka yarɛ, ba madar angǝri Yɛsu.