Luka 7:41 - Kibaku NT

⁴¹ Antǝ Yɛsu ka nkǝrɛ, “Ndǝ laka adai nam tara kyifǝnta kimbǝlǝr kwapa ala ndzǝ sǝɗɛ: Ndǝ pathlu dzǝ dlutsi kimbǝlǝr sǝlai kumthlani ntufu, nǝr ndǝ pathlari tsuwɛ dinariyus ntufuthlani.

Luka 7:41 Iomraidhean Croise

Mata 18:28

“Ama sakatǝ zǝr kǝi nda ka tǝra alǝba, dzǝ ka lǝka ɓui zǝr kǝi kǝmaní, nam tǝ dzǝ ada nu tǝni kimbǝl laka nkyiɗǝ laka. Dzǝ ka tsǝkumti wuyari ka nkǝrɛ alari, ‘Kyinta alai kimbǝlǝrna nam ata kǝra gǝ ni.’

Mata 6:12

Ka gǝ kyifǝnta ala yar bikǝr yar yarɛ, apa tǝ yar tara kyifǝnta ala ndzǝ nam 'ya ala yar biku.

Markusu 6:37

Ama dzǝ ka sǝnau, “La daramɛ sǝ nam tǝ dar awa sǝmɛ.” Dar ka nkǝrɛ alari, “Gǝ ta zǝndi apǝri ata kǝtǝ kudzǝghɛ adzǝ kwapar kǝthlǝrǝr hya ntsisu kama muri ata ɗǝlba sǝr sǝmɛ ala sanga ndzǝ ni wɛ?”

Luka 11:4

Ka gǝ kyifǝnta ala yar bikǝr yar yarɛ, apa tǝ yar yɛ yar ada kyifǝnta ala ndzǝ nam tara 'ya biku ala yar. Ba ta gǝ ta mwari aka yar akwa vui nkǝrti.’ ”

Luka 12:48

Ama ndǝ nam kura ta zǝndi sǝ nam tǝ thlakǝr kǝiyirni ada bara, ba dzǝ ka 'yati sǝ yarɛ nam tara tsǝbti ka ndǝ 'ya alari haka ndɛ ata tasǝ tǝni aka kwangyang nam kura hang. Kǝlara ndɛ nam tǝ ndǝ lar sǝ hang, ndɛ ata tǝmatsǝni sǝ hang akari; ba ndǝ nam tǝ ndǝ hau su hang akwa tsiyari, ndɛ ata bara sǝ hang akari.

Luka 13:4

Wala kum kapu ntsisu yarnda nam tara nti sakatǝ fǝr nam ngga akwa Silaum tara dlakǝrdzi ala dar—gǝri ada ɗǝnga apǝri dar kwatsǝni sanga ndzǝ nam ada ndzai akwa Ursalima biku ya?

Luka 7:40

Antǝ Yɛsu sǝnau ka gha alari, “Simaun, Yi aka su tǝ Yi ada bara ka Yi gha ala gǝ.” Antǝ dzǝ ka nkǝrɛ, “Malǝm, gha alai.”

Luka 7:47

Kadǝbar ǝni Yi ada gha ala gǝ, wala tǝ bikǝrni yarɛ nam hang ni, kǝ kyifǝntadzi alari, akuya dzǝ aka yiɗǝdzi nam hang. Ama kǝlara ndǝ nam tǝ ndǝ kyifǝnta alari nkyiɗu dzǝ aka yiɗǝdzi nam nkyiɗu.”

Ndzǝr Rauma 3:23

akuya sanga ndzi 'ya biku ba dar kǝtǝ ta nggakur Hyal,

Ndzǝr Rauma 5:20

Hyal la mabariyirni ala Musa ani ka ndzǝ zǝndi hangkur biku nam tǝ dar 'yati. Ama apa tǝ ndzǝ ada 'ya biku hang, ɗakur Hyal ada dzagǝi 'ya hang,