Luka 7:2 - Kibaku NT

² Antǝ katsalar saudza kumthlani laka adai akwanda aka zǝr kǝiyirni nam tǝ dzǝ yiɗɛ, ama zǝr kǝi ni ata nya nti.

Luka 7:2 Iomraidhean Croise

Mata 27:54

Sakatǝ katsalar saudza kumthlani ni ba ndzǝ nam kaka dza nam ada ɓǝla Yɛsu tara wula kǝngǝrǝr dai ni ba sanga sǝ nam tara 'ya, dar kǝ ndatǝdzi aka dǝna, “Dzǝri dzǝ ani Zǝr Hyal!”

Luka 23:47

Sakatǝ tǝ katsalar saudza kumthlani ni, tara wula sǝ nam tara 'ya, dzǝ hǝm Hyal dzǝ ka nkǝrɛ, “Dzǝri ndǝ ni dzǝ ndǝ nam kal-kal.”

Luka 7:1

Aghǝla tǝ Yɛsu tara kurai tsǝlǝrni ala ndzi akwa vǝr ǝnda, antǝ dzǝ ka tǝra alǝkwa Kafarnahum.

Luka 7:3

Sakatǝ katsalar saudza kumthlani ni tara ngati ata kǝra Yɛsu, antǝ dzǝ ka hyanǝba ndzǝr Yahudi yarɛ laka nam ngga-ngga ka dar gha alari ka dzǝ si ba ka dzǝ mbǝti zǝr kǝiyirni.

Luka 8:42

kadǝbar dzǝ aka nkwa duku, nam tǝ fárni kudzǝghɛ aka kum kapu sǝɗɛ, tǝ dzǝ ada pi ata nya nti. Ama sakatǝ Yɛsu ata kǝra mwari, hangkur dlamiyir ndzǝ angwada ghyaɓunta tǝni.

'Ya Su 10:1

Ndǝ laka adai akwa Kaisariya tǝ thlǝmari Karnaliyus, dzǝ ndǝ katsalar saudza kumthlani nam tǝ ndǝ ada kǝga albwar Italiya.

'Ya Su 10:7

Kura aka santa saka ndǝr hyantǝr Hyal ndari ka tǝrarni Karnaliyus ka kǝga ndzǝ sǝɗɛ akwa ntsa madar kǝiyirni ba saudza nam ada hyivǝr Hyal akwa ntsa ndzǝ nam ada kǝthlǝr alari.

'Ya Su 22:26

Sakatǝ katsalar saudza kumthlani kumɛ ni ngati ǝni, dzǝ mwari adzǝ katsalar saudza ka tsǝba alari. “Mǝ tǝ gǝ ata 'ya?” Dzǝ yuwɛ. “Sal ni dzǝ ndǝr Rauma.”

'Ya Su 23:17

Antǝ Bulusu kǝgaba pathla katsalar saudza kumthlani ni ka nkǝrɛ, “Mwaramɛ aka zǝr dakwai ni ala katsalar saudza kumthlani kumɛ ni; dzǝ aka labar nam aka paida tǝ dzǝ ata gha alari.”

'Ya Su 27:1

Sakatǝ ndǝ ɗǝmhǝ apǝri yar ata lǝkwa dzǝlkǝiyir yimi ka tǝra akwa Italiya, ndǝ hau Bulusu ba nakuma ndzǝr fǝrsǝna yarɛ akwa tsiya katsalar saudza kumthlani tǝ thlǝmari Dzuliyus, nam tǝ dza akwa albwar saudza Kaisar nam ngga.

'Ya Su 27:3

Sǝbar arpɛ yar tsǝbti Sidaun; ba Dzuliyus, akwa 'ya hankal ɗakur ala Bulusu, ngyar tǝni ka dzǝ mwari adzǝ pazǝrni yarɛ ka dar lari sǝ nam tǝ dza ada bara.

'Ya Su 27:43

Ama katsalar saudza kumthlani ni dzǝ ada bara ka dzǝ ngǝngǝuti mpika Bulusu ka kanti ala dar 'yati sǝ nam tǝ dar ɗǝmhǝi. Dzǝ hau apǝri ka ndzǝ nam tara zǝndi nkyɛ ka dar ngǝmɛ alǝkwa yimi ka dar nkyɛ asǝba ata nya gar.

Ndzǝr Kwalausi 3:22

Fali yarɛ ka gǝri ngandǝrǝr thlakǝr gǝri yarɛ nam akwa dunya akwa sanga su; ba ka gǝri 'ya su, adi ka tǝ dar ada wul tǝ gǝri, akuya ka gǝri ɓui maiwakur adzǝ dar wɛ; ama ka gǝri 'ya su aka ɗǝfu duku akuya ka hyivǝr Thlaku ni.