Luka 4:8 - Kibaku NT

⁸ Yɛsu sǝnau, “Rǝbwa-rǝbwa, ‘Vǝkǝr sǝlai ala Thlaku Hyalǝr ngɛ, ba ka gǝ 'ya kǝthlǝr alari ɗiɗi.’ ”

Luka 4:8 Iomraidhean Croise

Mata 16:23

Yɛsu ka mbaltǝ kǝrni ka nkǝrɛ ala Bitrusu, “Tǝrbardzi aghǝlawai, Satan! Gǝ sǝr mbuthlǝlɛ alai; gǝ adi aka ɗǝnga sǝ yarɛ nǝr Hyal wɛ, ama sǝ yarɛ nǝr kum aka masi.”

Mata 4:10

Yɛsu ka nkǝrɛ alari, “Tǝra adzǝra, Satan! Akuya rǝbwa-rǝbwa: ‘Vǝkǝr sǝlai ala Thlaku Hyalǝr ngɛ, ba ka gǝ 'ya kǝthlǝr alari ɗiɗi.’”

Luka 4:4

Yɛsu ka sǝnau, “Rǝbwa-rǝbwa apǝri: ‘Ndǝ adi ata ndzai ka mantsǝkǝl ɗiɗi wɛ.’ ”

Luka 4:7

Ani ma gǝ vǝkǝr sǝlai alai, Sanga sǝ ǝni yarɛ ni ata ndzai nǝngɛ.”

Yakubu 4:7

Kadǝbar ǝni ka gǝri kǝlǝngkǝr ala Hyal. Ta gǝri ta ngyar whalɛ ala Satan ani dzǝ ata whui ta gǝri.

1 Bitrusu 5:9

Kǝdlǝntamɛ tǝni, ka gǝri hyati ɓaɓal akwa hamnta dzǝri, kadǝbar gǝr zǝndi apǝri madar mama kaka nkwaiyir mama gǝri nam tara mbǝrsa akwa sanga dunya ada lǝkwa dzǝli bwanai yarni.

Wulsu 19:10

Antǝ Yi dla ata thlǝlari ka vǝkǝr sǝlai alari. Ama dzǝ nkǝrɛ alai, “Ta gǝ ta 'ya sǝ ǝni! Yi zǝr kǝiyir Hyal apa gɛ kaka madar ma nam tara ngǝzi sǝ nam tǝ Yɛsu nkǝrnta. Vǝkǝr sǝlai ala Hyal! Akuya sǝ nam tǝ Yɛsu nkǝrɛ aka sǝ nam tǝ ndǝ nkǝrɛ ata kǝra ntǝrni ba hyati akwa ntǝntǝrni tsu ani labar nam tǝ mambǝl nam ɗaku tara hamnta atar nabi yarɛ.”

Wulsu 22:9

Ama dzǝ nkǝrɛ alai, “Ta gǝ ta 'ya sǝni! Yi zǝr kǝiyir Hyal apa gɛ kaka madar ma nabi yarɛ ba sanga ndzǝ nam tara ɓǝlati ndǝrǝr kakadu ni. Vǝkǝr sǝlai ala Hyal!”