Luka 4:18 - Kibaku NT

¹⁸ “Mambǝlǝr Thlaku ni adai ata kǝrawai, kadǝbar dzǝ tsarba tǝra kǝi nkǝr ndǝrǝr Hyal nam sǝɗa ala ndzǝ nam ngudi yarɛ. Dzǝ hya tǝra ka Yi nkǝrnta ɓui kǝr ala ndzǝ nam akwa fǝrsǝna yarɛ ba ka Yi mburnta ntsɛ ala ghyang yarɛ, ka Yi mpǝli ndzǝ nam tǝ ndǝ tara ntsani,

Luka 4:18 Iomraidhean Croise

Mata 11:5

ndzǝ nam ghyang ada wula, ndzǝ nam ngurngudi ada mwari, ndzǝ nam aka dǝlima ada kǝtsǝntadzi, ndzǝ nam kulang ada ngati, ndzǝ ntǝnti ada hyati, ba ndǝ ada nkǝrnta ndǝrǝr Hyal nam sǝɗa ala ndzǝ nam ngudi.

Mata 12:18

“Ndza zǝr kǝiyirna nam tǝ Yi tsarba, ndǝ nam tǝ Yi yiɗɛ, ndǝ nam tǝ Yi ada nga sǝɗarni; Yi ata pukǝr Mambǝlǝrna ata kǝrari, ba dzǝ ata siya nkǝrba hakarna nam dzǝri ala ndzǝ kura Yahudi.

Mata 12:20

Kusar yiɗa-yiɗa má dzǝ adi ata ɓǝlnta wɛ, pitǝla nam tara 'ya kudzǝghɛ aka nti ma, dzǝ adi ata padi wɛ, tar ma dzǝ hau tǝ kal-kal sǝmkǝr.

Mata 4:16

ndzǝ nam ada ndzai akwa kuthlɛ dar wula paraku nam ngga; ndzǝ nam ada ndzai akwa diyir sanguraiyir nti paraku kǝ sǝba ala dar.”

Mata 5:3

“Kutsari aka ndzǝ nam tara zǝndi kǝtikǝtikur dar akwa mambǝlɛ, akuya kuhyikur Hyal nǝdar.

Luka 4:17

Ba ndǝ ka lari kakadu pǝrpǝri nǝr nabi Isaya. Dzǝ ka pǝrnta tǝni, dzǝ ka ɓui vui nam tǝ ndǝ rǝbwai:

Luka 6:20

Tǝ Yɛsu ata kǝra wul ndzǝr nuwurni yarɛ, dzǝ ka nkǝrɛ, “Gǝri aka kutsari, gǝri nam ngudi, akuya kuhyikur Hyal nǝgǝri.

Luka 7:22

Ani dzǝ ka kalaktsǝni ala mǝhyar Yawhana yarni, “Mwari mɛ ka gǝri tsǝba ala Yawhana sǝ nam tǝ gǝri tara wula ba sǝ nam tǝ gǝri tara ngati: ndzǝ nam ghyang ada mǝzi wula su, ndzǝ nam ngurngudi ada mǝzi mwari, ndzǝr pǝbai ada mbǝtǝdzi, ndzǝ nam kulang ada mǝzi ngati su, ndzǝ nam ntǝnti ada hyati aka mpikɛ, ndǝr nam sǝɗa ni ani tǝ ndǝ nkǝrnta ala ndzǝ nam ngudi.

Yawhana 1:41

Sǝ nam tangkǝma tǝ Andǝrawusu tara 'ya ani dzǝ ka mwara lǝka bara zǝrangǝri Simaun Bitrusu, ka gha lari apǝri, “Yar kǝ ɓui Masiha” (ani Kǝrsti).

Yawhana 12:46

Yi si akwa dunya apa paraku, ani ka kǝlara ndǝ nam ada mbǝrsa akai dzǝ adi ata ndzai akwa kuthlɛ wɛ.

Yawhana 3:34

Kadǝbar ndǝ nam tǝ Hyal tara hyanti dzǝ ada nkǝrɛ sǝ nam tǝ Hyal tara gha, akuya ka dzǝ ada hamnta Mambǝl ni kura kurkuri.

'Ya Su 10:38

Gǝri zǝndi ata kǝra tǝ Hyal pukǝr mal ala Yɛsu nǝr Nazarat aka Mambǝlǝr Hyal ba dǝna. Dzǝ mwari akwa kǝlara vui, dzǝ ada 'ya kǝthlǝr ɗaku ba mbǝti ndzǝ nam tǝ Satan tara mbwai tǝ dar, akuya Hyal vwam aka dza.

'Ya Su 26:18

ka gǝ mburnta ntsa dar ka gǝ mbalnta tǝ dar ta kuthlɛ alǝkwa paraku, ba ta dǝnar Satan ka dǝnar Hyal ani ka dar dlutsi kyifǝntar biku yarɛ ba vui akwa ntsa ndzǝr Hyal atar hamnta dzǝri akwa yɛ.’

'Ya Su 4:26

Kuhyir dunya yarɛ ɗǝmhǝdzi akuya mpa, ba ndzǝr kuhyi yarɛ tsaɓtsǝnidzi atakǝmaduku, tǝ dar ada ngǝla Thlaku ba ngǝla Ndǝ nam tǝ Ndǝ Pukǝr Mal Alari.’

'Ya Su 4:27

Dzǝr dzǝri Hirudus ba Pauntiyus Pǝlatus tsaɓtsǝnidzi atakǝmaduku kaka ndzǝ kura Yahudi ba ndzǝr Izǝraila akwa Ursalima ka ɗi nya ata kǝra zǝr kǝiyir ngɛ nam tsartsari Yɛsu, ndǝ nam tǝ gǝ pukǝr alari mal dzǝ ani Kǝrsti ni.

Ndzǝr Kwalausi 1:13

Hyal mbulba tǝ muri akwa wadar kuthlɛ ba dzǝ ka si aka muri akwa kuhyikur Zǝr ni nam tǝ dzǝ yiɗɛ,

Yakubu 2:5

Siyamɛ thlǝma gǝri, madar mana ba nkwaiyir mana yarɛ nam tǝ Yi yiɗɛ: Hyal ta tsarba ndzǝ nam ngudi akwa ntsa ndzǝr dunya ni ka mǝrti tǝ dar bǝrba akwa hamnta dzǝri ba ka dar sǝm warta nǝr kuhyikur nam tǝ dzǝ 'ya alkawalari ala dzǝ nam ada yiɗɛ tǝni wɛ?

1 Bitrusu 2:9

Ama gǝri ndzǝ nam tsartsari, gǝri fǝrist nǝr kǝthlǝr ala Kuhyi, ndzǝr diyir Hyal, gǝri ndzǝ nam tǝ Hyal vi pam ka kǝrni, ani ka gǝr ghaba ala ndzǝ damwa ɗakur Hyal, akuya dzǝ kǝga tǝ gǝri akwa kuthlɛ ka sǝba aka gǝri akwa parakǝrni nǝr sǝr kudǝra.