Luka 4:1 - Kibaku NT

¹ Yɛsu ghǝi-ghǝi aka Mambǝl Kartǝ, whaltsǝni ka tǝra ka ngyar Urdun ba Mambǝl ni ka mwari aka dza akwa ntaku,

Luka 4:1 Iomraidhean Croise

Mata 3:16

Tǝkǝma sakatǝ ndǝ 'ya bamtizǝma ala Yɛsu, dzǝ ka sǝba ta yimi ni. Akwa saka ǝnda atahyal ka mburntadzi, ani dzǝ ka wula Mambǝlǝr Hyal sǝgǝl ka pwɛ aka paraku ata kǝrari apa adlakukyala.

Luka 2:27

Mambǝl ni tara lǝkwa ɗǝfari ka hau tǝni, dzǝ ka lǝkwa fǝr Hyal. Sakatǝ ndzǝr yar Yɛsu tara si aka Yɛsu zǝr waza ni akuya ka dar 'yati alari sǝ nam tǝ mabari tara nkǝrɛ ka ndǝ 'ya,

Luka 3:3

Ani Yawhana ada nu kǝlara vui sang nam tara dlǝti nya Kyaghar Urdun, dzǝ ada nkǝr labarǝr Hyal apǝri ka ndzǝ tubi ka ndǝ 'ya ala dar bamtizǝma kadǝbar kyifǝnta bikǝr dar.

Luka 3:38

Kainan zǝr Inausu, Inausu zǝr Situ, Situ zǝr Adambu, Adambu tsuwɛ zǝr Hyal.

Luka 4:14

Ani Yɛsu ka dzakti tǝra si akwa Galili akwa dǝnar Mambǝl Kartǝ ni, ba ndǝ ka ngati ndǝrɛ ata kǝrari akwa sanga vui yarɛ nǝr di ni.

Luka 4:18

“Mambǝlǝr Thlaku ni adai ata kǝrawai, kadǝbar dzǝ tsarba tǝra kǝi nkǝr ndǝrǝr Hyal nam sǝɗa ala ndzǝ nam ngudi yarɛ. Dzǝ hya tǝra ka Yi nkǝrnta ɓui kǝr ala ndzǝ nam akwa fǝrsǝna yarɛ ba ka Yi mburnta ntsɛ ala ghyang yarɛ, ka Yi mpǝli ndzǝ nam tǝ ndǝ tara ntsani,

Yawhana 1:32

Antǝ Yawhana ka hamnta sakǝida ǝni: “Yi kǝ wula Mambǝl ni ada sǝghǝl atahyal, apa adlakukyala ka pwɛ ata dza.

Yawhana 3:34

Kadǝbar ndǝ nam tǝ Hyal tara hyanti dzǝ ada nkǝrɛ sǝ nam tǝ Hyal tara gha, akuya ka dzǝ ada hamnta Mambǝl ni kura kurkuri.

'Ya Su 1:2

har ka la vǝr nam tǝ ndɛ tara kǝtǝ tǝni alǝtahyal. Əni 'ya aghǝla tǝ dzǝ vi wada atar Mambǝl Kartǝ ala ndzǝr hyarni yarɛ nam tǝ dzǝ tsarba.

'Ya Su 10:38

Gǝri zǝndi ata kǝra tǝ Hyal pukǝr mal ala Yɛsu nǝr Nazarat aka Mambǝlǝr Hyal ba dǝna. Dzǝ mwari akwa kǝlara vui, dzǝ ada 'ya kǝthlǝr ɗaku ba mbǝti ndzǝ nam tǝ Satan tara mbwai tǝ dar, akuya Hyal vwam aka dza.

'Ya Su 8:39

Sakatǝ dar sǝba akwa yimi, kura aka santa saka Mambǝlǝr Thlaku kǝtǝ Filibusu atǝra. Ndǝ ntsu ni ta ɓakta wula tǝni wɛ, ama dzǝ tǝra ata whalǝrni dzǝ ada kutsari.