Luka 3:8 - Kibaku NT

⁸ Ka gǝri ya munya nam ata tsanti tubiyir gǝri. Ba tá gǝri tá baditsǝni gha apǝri gǝri ata nkǝrɛ ala kǝr gǝri, ‘Yar aka Ibrahim apa tada yar.’ Akuya Yi ada gha ala gǝri apǝri Hyal ata mǝzi mǝrti madar ala Ibrahim aka paya yarni.

Luka 3:8 Iomraidhean Croise

Mata 21:43

“Kadǝbar ǝni Yi ada gha ala gǝri apǝri kuhyikur Hyal ni ndǝ ata kǝlnta adzǝ gǝri ka la ndzǝ nam ata ya munya.

Mata 3:8

Ka gǝri ya munya nam ata tsanti tubiyir gǝri.

Mata 3:9

Ba tá gǝri tá ɗǝnga apǝri gǝri ata nkǝrɛ ala kǝr gǝri, ‘Yar aka Ibrahim apa tada yar.’ Yi ada gha ala gǝri apǝri Hyal ata mǝzi mǝrti madar ala Ibrahim aka paya yarni.

Luka 13:25

Ma apǝri Thlakǝr kǝi kurtaka hyati ka harti nyavǝr, gǝri ata hyati abǝla tǝ gǝri ada tsa nyavǝr ba kǝgyɛ apǝri, ‘Thlaku mburnta ala yar.’ “Ama dzǝ ata sǝnau ala gǝri, ‘Yi ta zǝndi tǝ gǝri wala vui nam tǝ gǝri hyati akwa wɛ.’

Luka 13:26

“Aghǝla ǝnda gǝri ata nkǝrɛ, ‘Yar sǝmɛ ba yar sa akǝma gǝ, har tǝ gǝ tara hyipɛ su ata kǝra whalɛ yarɛ akwa mǝlmǝr yar.’

Luka 14:9

Ma ahani, ndǝ nam tara kǝga tǝ gǝri gyapu ni dzǝ ata si ka nkǝrɛ ala gǝ apǝri, ‘La vui ndzai ni ala ndǝ ni,’ antǝ, sǝr sǝlai, gǝ ata sǝgǝl ka mwari ata sǝr ndzai nam nkyiɗu ta sang.

Luka 19:40

Dzǝ ka kalaktsǝni ala dar, “Yi ada nkǝrɛ ala gǝri, ma ndzǝ yarni ndzai kǝɗǝk ma, paya yarni ata baditsǝni lǝlɛ.”

Luka 19:9

Yɛsu ka nkǝrɛ alari, “Asǝna mbatǝdzi kǝ si akwa kǝi ǝni, kadǝbar ndǝ ǝni, yɛ, dzǝ zǝr Ibrahim.

Luka 5:21

Antǝ ndzǝr Farisi kaka Malǝmǝr Mabari yarni baditsǝni nkǝrɛ ala kǝma dar apǝri, “Wa ani ndǝ ǝni nam ada gha su kulɗa ata kǝra Hyal ni? Ma adi Hyal wɛ, wa ani ata mǝzi ka kyifǝnta biku yarɛ?”

Yawhana 8:33

Dar ka sǝnau alari, “Ai yar ndzǝliyir Ibrahim, yar ta saga ndzai faliyir waima wɛ, mǝmi tǝngɛ awa gha apǝri, ndɛ ata pǝli tǝ yar?”

Yawhana 8:39

Dar ka sǝnau alari, “Ai, Ibrahim ani tada yar.” Yɛsu ka nkǝrɛ ala dar, “Ma gǝr madar Ibrahim dza, gǝri ata 'ya kǝthlǝr nam tǝ Ibrahim tara 'ya.

'Ya Su 26:20

Tangkǝma ala ndzǝ nam akwa Damaskus, antǝ ada nuwɛ ala ndzǝ nam akwa Ursalima ba sanga ndzǝr Yahudiya, ba ala ndzǝ kura Yahudi yɛ, Yi nkǝr ndǝrǝr Hyal nam sǝɗa apǝri ka dar tubi ba ka dar ndaltǝdzi asi adzǝ Hyal ba ka dar tsanti tubiyir dar tǝ sǝr 'yar dar yarɛ.

Ndzǝr Rauma 4:16

Kadǝbar ǝni, alkawal ni si atar hamnta dzǝri. Əni Hyal hamnta apanda, ba ka dzǝ ndzai alkawalǝr apǝri ata 'ya ala sanga kulfǝr Ibrahim—adi ɗiɗi ndzǝ nam nǝr mabari wɛ ama ala ndzǝ nam nǝr hamnta dzǝri nǝr Ibrahim ni yɛ. Dzǝ dza tada muri sang.

Ndzǝr Rauma 9:7

Adi apǝri kadǝbar dar kulfǝr Ibrahim mǝrti tǝ dar madar Ibrahim wɛ. Pam ta ǝni, “Atar Isaku ani tǝ ndǝ ata tsǝ kulfǝrni.”

Ndzǝr Filibi 1:11

ka gǝr ndzai ghǝi-ghǝi aka kalkalkur nam tara si atar Yɛsu Kǝrsti—ka la nggakur ba hǝmɛ ala Hyal.