Luka 3:16 - Kibaku NT

¹⁶ Yawhana ka nkǝrɛ ala dar sang apǝri, “Yi ada 'ya ala gǝri bamtizǝma aka yimi, ama ndǝ laka adai ata si tara kwatsǝni tǝra aka nggakur. Yi ta mǝzi ka Yi mpǝli sǝwur ɓǝɓaiyirni ma wɛ. Dzǝ ata 'ya ala gǝri bamtizǝma aka Mambǝl Kartǝ ba aka u'u.

Luka 3:16 Iomraidhean Croise

Mata 3:11

“Yi ada 'ya ala gǝri bamtizǝma aka yimi ka gǝri tubi. Ama aghǝlawai ndǝ laka ata si nam tara kwatsǝni tǝra aka nggakur, nam tǝ ɓǝɓaiyirni yarɛ ma Yi ta mǝzi kǝtǝ wɛ. Dzǝ ata 'ya ala gǝri bamtizǝma aka Mambǝl Kartǝ ba aka u'u.

Mata 3:12

Dzǝ aka sǝr puhǝrni akwa tsiyari, ba ka dzǝ puhǝba munyari, ka dzǝ tsaɓtsǝni lǝkamarni ka pu akwa bi ba dzǝ ata mbanta tsatsangari aka u'u nam kura ada tsidzi.”

Yawhana 1:26

Yawhana sǝnau apǝri, “Yi ada 'ya bamtizǝma aka yimi, ama ndǝ laka adai ada hyati akwa ntsa gǝri nam kura gǝri ta zǝndi.

Yawhana 1:27

Dza ani ndǝ nam ata si aghǝlawai, nam tǝ wala sǝwur ɓǝɓaiyirni ma Yi ta mǝzi ka Yi mpǝli wɛ.”

Yawhana 1:33

Yi ta zǝndi apǝri ani dza wɛ, ama Hyal nam tara hyanǝba tǝra ka Yi 'ya bamtizǝma aka yimi, gha alai, ‘Ndǝ nam tǝ gǝ tara wula tǝ Mambǝl ni tara sǝgǝl atahyal ka pwɛ ata dza ni, ani dza ndǝ nam ata 'ya bamtizǝma aka Mambǝl Kartǝ.’

Yawhana 7:38

Tsu apa tǝ Labar Hyal ni tara gha apǝri, ‘Kǝlara ndǝ nam tara mbǝrsa aka yɛ, kyagha yarɛ nǝr yimǝr mpikɛ ata whui akwa ɗǝfari.’ ”

'Ya Su 1:5

Yawhana ada 'ya bamtizǝma aka yimi, ama aghǝla vǝr nkyiɗǝ laka ndǝ ata 'ya ala gǝri bamtizǝma aka Mambǝl Kartǝ.”

'Ya Su 10:44

Tsu tǝ Bitrusu ada nkǝr labar, Mambǝl Kartǝ sǝgǝl ata kǝra sanga ndzǝ nam ada ngati tǝni.

'Ya Su 2:33

Ndǝ haɓǝti tǝni alǝti tǝbwar tsisǝma Hyal adzǝ atǝgǝri, ba dzǝ dlutsi aka Tada alkawalǝr Mambǝl Kartǝ. Sǝ nam kulini tǝ gǝri ada wula ba ngati ani sǝr hamnta nam tǝ dzǝ pukǝr ata kǝra muri.

1 Ndzǝr Kwaranti 12:13

Akuya mur sang ndǝ 'ya ala muri bamtizǝma tǝ mambǝl duku alǝkwa dzǝ duku—wala ndzǝr Yahudi wala Gǝriku yarɛ, fali wala kambɛ—ba muri sang ndǝ la muri mambǝl duku ni tǝ mur sa.