Luka 3:11 - Kibaku NT

¹¹ Yawhana sǝnau ka nkǝrɛ ala dar apǝri, “Kǝlara ndǝ nam aka lǝkutu sǝɗɛ, ka dar ndǝghǝi aka ndǝ nam kura akǝri, ba ndǝ nam aka sǝr sǝm ma ka dzǝ 'ya tsu apani.”

Luka 3:11 Iomraidhean Croise

Mata 25:40

“Kuhyi ni ata kalaktsǝni, ‘Yi ada gha ala gǝri dzǝri, kǝlara sǝ nam tǝ gǝri 'yati ala pathlu akwa ntsa madar mana nam nkyǝnkyiɗu yarni, kalapa gǝri 'yati alai.’

Luka 11:41

Ama ka gǝri la sǝ nam tǝ gǝri akǝri akwa kuta ntasa ni ala ndzǝ nam kura aka su, antǝ sanga su ata ndzai kǝtsǝkǝtsi ala gǝri.

Luka 18:22

Sakatǝ Yɛsu tara ngati ahani, dzǝ ka nkǝrɛ alari, “Har kulini su pathlu mbi ala gǝ. Ka gǝ ɗǝgǝlnta sanga sǝ nam tǝ gǝ akǝri, ka gǝ ndǝghǝnta ala ndzǝ nam ngudi yarɛ, gǝ ata ɓui gabaka hang atahyal, aghǝla ǝni ka gǝ siya nu tǝra.”

Luka 19:8

Ama Zaka ka hyati ka nkǝrɛ ala Thlaku ni, “Wulɛ, Thlaku! Kulini Yi ata ndǝghǝnta raitar gabakarna ala ngudi yarɛ, ba ma Yi kǝ dlǝrpǝtsǝni kǝlara ndɛ akwa kǝlara su, Yi ata kalaktsǝni alari apa sǝ ǝndari ka fwaɗu.”

Yawhana 13:29

Har ma Yahuda dzǝ ani ada ngǝzǝ ngǝrkǝr kwapar dar, laka ndzǝ kǝtǝ apǝri Yɛsu gha alari ka dzǝ mwar ɗǝlba sǝr 'ya wudzǝrari, wala ka dzǝ la sǝ laka ala ndzǝ nam ngudi.

'Ya Su 10:2

Dzǝ ndǝr hyivǝr Hyal, dzǝ ada vǝkǝr sǝlai ala Hyal dar sang kaka yalǝrni, dzǝ ada hamnta sataka hang ala ndzǝ nam kura aka su, dzǝ ada 'ya aduwa ala Hyal kǝlara saka.

'Ya Su 10:31

Ba dzǝ ka nkǝrɛ alai, ‘Karnaliyus, ndǝ ngati aduwar ngɛ, ba satakar ngɛ ala ngudi yarɛ kǝ ɗǝngatǝdzi adzǝ Hyal.

'Ya Su 10:4

Karnaliyus sǝzǝrkǝr ntsɛ alari akwa hyivǝr ka nkǝrɛ, “Thlaku, mǝrɛ ǝni?” Ndǝr hyantǝr Hyal ni sǝnau, “'Ya aduwar ngɛ ba sataka ala ngudi yarɛ Hyal dlutsi apa sǝr hamnta!

Ndzǝr Afisa 4:28

Ndǝ nam ada hǝlɛ ta dzǝ ta ɓakta hǝlɛ, ama ka dzǝ 'ya kǝthlǝr dzau, ka dzǝ 'ya sǝ nam aka paida aka tsiyari yarɛ, nam tǝ dzǝ awa ɓui su har ka dzǝ la ndzǝ nam kura akǝri.

1 Timathlawus 6:17

Tsau ala ndzǝ nam bǝrba akwa dunyar kulini ni ta dar ta ndzai kǝngɛ wala ka dar puti tǝmatsǝniyir dar ata gǝna, nam kura ndɛ ta zǝndi sǝ nam ata ɓui tǝni, ama ka dar puti tǝmatsǝniyir dar ata Hyal, dzǝ nam ada la muri kǝlara sǝ hang akuya ka nga sǝɗar muri.

1 Timathlawus 6:18

Tsau ala dar ka dar 'ya sǝ ɗaku, ka dar ndzai bǝrba akwa 'ya sǝ nam ɗaku, ba ka dar ndzai whuya ba dar ada yiɗɛ la sǝ ala ndzi.

Ndzǝr Ibrahim 6:10

Hyal dzǝ aka dzǝri; dzǝ adi ata fwanta kǝthlǝrǝr gǝri wɛ ba yiɗǝdzi nam tǝ gǝri tsanti alari nam tǝ tara gǝri dlar ndzǝrni ba tǝ gǝri ada lǝkǝma aka dlar tǝ dar.

Yakubu 1:27

Akuya adini nam tǝ Hyal Tada muri ada dluwɛ apǝri kǝtsǝkǝtsi ba kura aka aibai ani ǝni: wulhǝ musǝtɛ yarɛ ba kuɗǝghum yarɛ akwa bwanaiyir dar ba ɓǝlati kǝrngɛ ta ghyǝmbur dunya.

Yakubu 2:14

Mi dza ani paidari, madar mana kaka nkwaiyir mana yarɛ, ma ndɛ gha apǝri dzǝ aka hamnta dzǝri ama dzǝ adi ada tsanti tǝ 'ya kǝthlǝr wɛ? dzǝli hamnta dzǝri ǝni ata mǝzi ka mbati tǝni ya?

1 Yawhana 3:17

Ma kǝlara ndǝ nam aka sǝ akwa tsiyari, ba dzǝ wula zǝrangǝri kura akǝri ama dzǝ ta 'ya kǝtǝrdzi alari wɛ, mǝmi tǝ yiɗǝdzǝr Hyal awa 'ya adai akwa dza?

1 Yawhana 4:20

Kǝlara ndǝ nam tara nkǝrɛ, “Yi yiɗǝ Hyal,” ama dzǝ ngǝla zǝrangǝri, dzǝ ndǝr hawi. Akuya ndǝ nam kura ada yiɗǝ zǝrangǝri, nam tǝ dzǝ ada wula, dzǝ adi ata mǝzi yiɗǝ Hyal nam kura dzǝ ta wula wɛ.