Luka 24:6 - Kibaku NT

⁶ Dzǝ adi akwani wɛ; Dzǝ hyati! Ɗǝngatamɛ apa tǝ dzǝ nkǝrɛ ala gǝri, sakatǝ dzǝ kaka gǝri akwa Galili:

Luka 24:6 Iomraidhean Croise

Mata 12:40

Akuya apa tǝ Yunana tara ndzai akwa kuta kulfa nam ngga, vǝr makǝr tsǝtsi aka vǝri, ani Zǝr Ndɛ ata ndzai akwa dai vǝr makǝr tsǝtsi aka vǝri.

Mata 16:21

Ata saka ǝnda ka lǝkǝma Yɛsu kǝ baditsǝni nkǝrnta ala ndzǝr nuwurni apǝri ntsakǝr ka dzǝ mwari akwa Ursalima ka dzǝ ɗar bwaniyir sǝ yarɛ hang akwa tsiya ndzǝ ngga-ngga, nggar fǝrist yarɛ ba malǝmǝr mabari yarni, ba apǝri ntsakǝr ka ndǝ tsi tǝni ba ata vǝr makǝrkur dzǝ ata hyati aka mpikɛ.

Mata 27:63

Dar ka nkǝrɛ, “Bundi, yar ɗǝngati apǝri sakatǝ dzǝ tsu ata mpikɛ ndǝr hawi ndari nkǝrɛ, ‘Aghǝla vǝr makǝrkur Yi ata hyati kadamwa.’

Mata 28:6

Dzǝ adi akwani wɛ; dzǝ hyati, tsu apa tǝ dzǝ tara nkǝrɛ. Azǝramɛ ka gǝri wula vui nam tǝ ndǝ tara panyi tǝni akwa.

Markusu 16:6

Dzǝ nkǝrɛ ala dar apǝri ta gǝri ta ndatǝdzi mai, “Gǝri ada bara Yɛsu ndǝr Nazarat nam tǝ ndǝ kukwanta tǝni. Dzǝ hyati! Dzǝ tsu adi akwani wɛ. Wulamɛ vui nam tǝ dar panyi tǝni ati.

Markusu 8:31

Dzǝ baditsǝni hyipɛ ala dar apǝri Zǝr Ndɛ ni ntsakǝr ka dzǝ ɗar bwaniyir sǝ hang ba ndzǝ ngga-ngga yarni ata ngǝla tǝni, nggar fǝrist yarni kaka malǝmǝr mabari yarni, ba apǝri ntsakǝr ka ndǝ tsi tǝni ama aghǝla vǝr makǝr dzǝ ata hyati kadamwa.

Luka 24:34

tǝ dar ada nkǝrɛ, “Dzǝri, Thlaku hyati, har tǝ dzǝ tsantǝdzi ala Simaun.”

Luka 24:5

Kadǝbar hyivǝr, mwahyi yarɛ ni ka nganyi kǝra dar tǝ kǝma dar ada wul dai, ama sǝli yarɛ ni ka nkǝrɛ ala dar, “Kami tǝ gǝri ada bara ndǝ nam aka mpikɛ akwa ntsa ndzǝ ntǝnti?

Luka 9:22

Ba dzǝ ka gha ala dar apǝri, “Ntsakǝr tǝ Zǝr Ndɛ ata ɗar bwanaiyir sǝ yarɛ hang ba ndzǝ nam ngga-ngga kaka nggar fǝrist yarɛ ba malǝmǝr mabari yarni ata siya ngǝla tǝni, ka dar tsi tǝni, ama akwa vǝri nǝr makǝrkur dzǝ ata hyati aka mpikɛ.”

Luka 9:44

“Ka gǝri si thlǝma gǝri ɗaku ala sǝ nam tǝ Yi ata nkǝrɛ ala gǝri: Ndǝ ata siya ɓǝlai Zǝr Ndɛ ǝni tǝ dza ata lǝkwa tsiya ndzi.”

'Ya Su 2:24

Ama Hyal hyanti tǝni akwa ntǝnti, ka mbuli tǝni aka dǝnar nti, kadǝbar ata 'ya dzau nam tǝ nti awa ngǝzi tǝni.

2 Ndzǝr Tasalaunika 2:5

Gǝr ta ɗǝngati wɛ apǝri sakatǝ Yi kaka gǝri Yi ada nkǝrɛ ala gǝri sǝ ǝni yarni?