Luka 23:5 - Kibaku NT

⁵ Ama dar ka baditsǝni ɓwa tǝni, “Tǝ dar ada nkǝrɛ apǝri, dzǝ ada hyanǝ hankala ndzi akwa sanga diyir Yahudiya aka sǝr hyipǝrni. Dzǝ baditsǝni akwa Galili har ka si akwani.”

Luka 23:5 Iomraidhean Croise

Mata 11:1

Aghǝla tǝ Yɛsu tara kurai nkǝrnta sǝr 'ya ala ndzǝr nuwurni kum kapu sǝɗɛ, dzǝ ka lǝkǝma aka hyipɛ ba nkǝrnta akwa diyir Galili.

Mata 2:1

Aghǝla tǝ ndǝ tara yaba Yɛsu akwa mǝlmǝr Baitalahami akwa diyir Yahudiya, akwa zamanǝr kuhyikur Hirudus, sǝli laka yarɛ nam bǝrkawa-bǝrkawa tara hyati tǝbwar sǝtǝr tsǝtsi ka si akwa Ursalima.

Mata 27:24

Sakatǝ Pǝlatus tara wula apǝri sǝ tǝ dzǝ tsu awa 'yati kǝra adi wɛ, ama tar mpa ani ata hyati, dzǝ ka kǝtsi yimi ka kǝtsǝnta tsiyari akǝma dlamiyir ndzi ni. Dzǝ ka nkǝrɛ, “Yi adi aka aibaiyir masǝr ndǝ ǝni wɛ. Kǝ mbi nǝgǝri!”

Mata 4:23

Yɛsu kǝ dlǝti sanga diyir Galili, tǝ dzǝ ada hyipɛ ala dar akwa fǝr vǝkǝr sǝlai ala Hyal, tǝ dzǝ ada nkǝr ndǝrǝr Hyal nam sǝɗa nǝr kuhyikur Hyal, ba mbǝti kǝlara kasuwa aka kura kalangkur akwa ntsa ndzi.

Markusu 1:14

Aghǝla tǝ ndǝ mbwai Yawhana akwa fǝrsǝna, Yɛsu mwari akwa Galili ka nkǝr ndǝrǝr Hyal nam sǝɗa.

Luka 11:53

Sakatǝ Yɛsu tara tǝra ka ngyar vui nda, antǝ malǝmǝr mabari yarni kaka ndzǝr Farisi kǝ baditsǝni damitsǝni tǝni aka yu sǝ yarɛ pam-pam hang,

Luka 23:23

Ama aka lǝlɛ nam ngga-ngga dar hyati aka dǝna tǝ dar ada bara ka ndǝ kukwanta tǝni, har tǝ lǝlǝr dar 'ya tǝ dar ɓui sǝ nam tǝ dar ada bara.

Luka 23:6

Tǝ Pǝlatus tara ngati apani, dzǝ yuwɛ wala ndǝ ni dzǝ ndǝr Galili.

Yawhana 1:43

Sǝbar arpɛ Yɛsu ada bara mwari lǝkwa diyir Galili. Dzǝ ka wula Filibusu, dzǝ ka nkǝrɛ alari, “Nu tǝra.”

Yawhana 19:15

Ama dar ka puti lǝlɛ ada nkǝrɛ, “Kǝtamɛ tǝni atǝra! Kǝtamɛ tǝni atǝra! Ka ndǝ kukwanta tǝni!” Pǝlatus yu tǝ dar, “Ka Yi kukwanta kuhyir gǝri?” Nggar fǝrist yarni ka sǝnau, Yar adi aka kuhyi damwa wɛ ama Kaisar.

Yawhana 2:11

Yɛsu 'ya parsu nǝr ndatǝdzi ǝni nam tangkǝma akwa Kana akwa diyir Galili. Akwa whal ǝni dzǝ tsanti nggakurni, antǝ ndzǝr nuwurni ka hamnta dzǝri aka dza.

Yawhana 7:41

Ndzǝ laka tsuwɛ ka gha, “Dzǝ ani Kǝrsti.” Ama ndzi damwa nkǝrɛ, “Mǝmi tǝ Kǝrsti ata sǝba akwa Galili?

Yawhana 7:52

Dar sǝnau ka gha alari, “Gǝ yɛ ndǝr Galili ya? Kǝratsǝni akwa kakadu ni ka gǝ wulɛ, nabi adi ata sǝba akwa diyir Galili wɛ.”

'Ya Su 10:37

Gǝri zǝndi sǝ nam tara 'ya akwa diyir Yahudiya sang, baditsǝni akwa Galili, aghǝla tǝ Yawhana tara baditsǝni nkǝr ndǝr nǝr bamtizǝma.

'Ya Su 23:10

Ɓwalnya ni 'ya aka dǝna nam tǝ katsalar saudza kumthlani kumɛ ni hyivǝr apǝri dar ata nkyinkyaku Bulusu dangul-dangul. Dzǝ hau ka saudza yarɛ mwari alǝghǝl ka dar kǝtǝ Bulusu atǝra ta dar aka dǝna ka dar si aka dza akwa kǝiyir saudza.

'Ya Su 5:33

Sakatǝ albwar ndzǝ ngga-ngga tara ngati sǝ yarni, ɗǝfa dar sǝwa dzǝr dzǝri dar ɗǝmhǝ ka dar tsi tǝ dar.

'Ya Su 7:54

Sakatǝ dar ngati ǝni, ɗǝfa dar ka sǝwa tǝ dar ada ɗǝ hyira dar ata kǝrari.

'Ya Su 7:57

Ndzǝ ngganggar vui kǝltsǝni kǝr dar puti tsiya dar ata thlǝma dar ka baditsǝni lǝlɛ. Dar sang whuiya lǝngui ata kǝrari,