Luka 21:8 - Kibaku NT

⁸ Dzǝ ka sǝnau ala dar: “Ka gǝri vǝdzǝ hankal ta ndǝ ta zǝlanta tǝ gǝri. Akuya ndzǝ hang ata si akwa thlǝmawai, ka kǝtǝ apǝri, ‘Yi ani dza’ ba, ‘Saka kǝ 'ya kudzǝghɛ.’ Ta gǝr ta nu tǝ dar.

Luka 21:8 Iomraidhean Croise

Mata 24:11

ba nabiyir hawi yarɛ hang ata sǝba ka zǝlanta ndzǝ hang.

Mata 3:2

ka nkǝrɛ, “Tubiyamɛ, akuya kuhyikur nam atahyal kǝ 'ya kudzǝghɛ.”

Mata 4:17

Akwa saka ǝnda antǝ Yɛsu baditsǝni nkǝr ndǝrɛ, “Tubiyamɛ, akuya kuhyikur nam atahyal kǝ 'ya kudzǝghɛ.”

Luka 17:23

Ndzǝ ata nkǝrɛ ala gǝri, ‘Anda dza!’ wala ‘Ani dza!’ Ta gǝri ta whui ka mwari ka dar.

Luka 21:7

Dar ka yu tǝni, “Malǝm nama tǝ sǝ yarni ata 'ya? Ba sǝr mi nam ata tsanti apǝri dar angwada baditsǝni 'ya?”

Luka 21:9

Sakatǝ gǝr ngati mpa yarɛ kaka sǝwa sǝ yarɛ, ta ɗǝfa gǝri ta dli tǝ gǝri. Kǝ ndzai ntsakǝr tar ma sǝ yarni 'ya kǝma, ama dǝntari ta si kwataku wɛ.”

Yawhana 5:43

Yi si akwa thlǝma Bana, ba gǝri ta dlu tǝra wɛ, ama ma ndǝ laka si aka thlǝmǝr kǝrni, gǝri ada dlu tǝni.

Yawhana 8:24

“Ani sǝ nam tara 'ya tǝ Yi tara gha ala gǝri apǝri gǝri ata nti aka bikǝr gǝri; akuya ma gǝri ta mbǝrsa apǝri Yi dza ani dzǝ nam tǝ yi gha ala gǝri wɛ, dzǝri gǝri ata nti akwa bikǝr gǝri.”

Yawhana 8:28

Kadǝbar ǝni Yɛsu ka nkǝrɛ, “Saka nam tǝ gǝri kǝ haɓǝti Zǝr Ndɛ, akwa saka ǝni ani tǝ gǝri ata zǝndi apǝri Yi ani dza tǝ Yi ada mǝrti kǝrna apani, Yi adi ada 'ya su duku tǝ kǝrna wɛ, ama apa tǝ Tada tsǝlɛ alai, ani apani tǝ Yi ada gha.

1 Ndzǝr Kwaranti 6:9

Gǝr ta zǝndi apǝri ndǝ kǝmangar adi ata ɓui kuhyikur Hyal wɛ? Ta ndǝ ta zǝlanta tǝ gǝri: Kwa ndzǝr 'ya badawikur wala ndzǝr vǝkǝr sǝlai ala mǝlǝm yarɛ wala ndzǝr bara mwalar ndɛ yarɛ wala sǝli zawar wala salǝr pi aka sal ba mwalar pi aka mwala

Ndzǝr Afisa 5:6

Ta ndǝ laka ta zǝlanta gǝri aka labar ɓǝrtu mai, akuya ka dzǝli sǝ ǝni yarni antǝ kǝl ɗǝfǝr Hyal ada si ata kǝra ndzǝ nam kura ada ngandǝrɛ.

2 Ndzǝr Tasalaunika 2:3

Ta gǝri ta ngyar ka kǝlara ndɛ zǝlanta tǝ gǝri akwa kǝlara whalɛ, akuya vǝr ǝnda adi ata si wɛ, tar ma ndǝ 'ya lǝkǝdzǝkur ni ba ndǝ kura nu mabari ni tsantǝdzi, ndǝ nam tǝ ndǝ ɗǝmhǝi alari santadzi.

2 Timathlawus 3:13

ama ndzǝ kulɗa ba ndzǝ nam ada kǝtǝ kǝr dar apǝri dar su ama dar adi mima wɛ dar ata lǝkǝma aka 'ya kulɗa ba kulɗa ta sang, dar ada lǝkǝma aka zǝla ndzi ba ndzi ada zǝla tǝ dar.

1 Yawhana 4:1

Pazi yarɛ nam tǝ Yi yiɗɛ, ta gǝri ta mbǝrsa aka kǝlara mambǝlɛ, ama dzabamɛ mambǝl yarɛ ni ka gǝr wula wala dar hyati adzǝ Hyal, akuya nabiyir hawi yarɛ hang tara sǝba akwa dunya ni.

2 Yawhana 1:7

Ndzǝr zǝla yarɛ hang, ndzǝ nam kura ta yiɗɛ apǝri Yɛsu Kǝrsti kǝ si akwa kumǝr dzɛ, kǝ lǝba akwa dunya ni. Kǝlara ndzǝli ndzǝ yarni dar ndzǝr zǝla ba dǝgunmar Kǝrsti.

Wulsu 1:3

Barka ani ala ndɛ nam tara kǝratsǝni labar ndǝr nabikur ǝni, ba barka ala ndzǝ nam ada ngati ba kǝtǝ akwa ɗǝfu sǝ nam rǝbwa-rǝbwa akwa, kadǝbar saka kǝ 'ya kudzǝghɛ.

Wulsu 12:9

Ndǝ ka ɗalghǝl nggar pwapu kulɗa nam ngga ni—pwapu nam watsi tǝ ndǝ ada ka tǝ Satan, nam tara zǝlanta dunya sang. Ndǝ ɗalghǝl tǝni ata dai, ba ndzǝr hyantǝr Hyal ni yarɛ kaka dza.