Luka 2:9 - Kibaku NT

⁹ Ndǝr hyantǝr Thlaku ni ka sǝba ala dar, ba parakǝr nggakur Thlaku ni ka mbǝlkǝrdzi ala dar. Ani dar ka ɗǝmnti hyivǝr.

Luka 2:9 Iomraidhean Croise

Mata 1:20

Ama sakatǝ dzǝ akwa ɗǝnga ata kǝra ǝni ndza ndǝr hyantǝr Thlaku sǝba alari akwa sǝni ka nkǝrɛ alari, “Yusufu zǝr Dauda, ta gǝ ta hyivǝr ka gǝ kǝl Maryamu ka dzǝ ndzai mwalar ngǝ mai, akuya sǝ nam tara 'ya tǝ dzǝ aka dzǝ sǝɗǝ ni, kǝ hyati atar Mambǝlǝr Hyal.

Luka 1:28

Ndǝr hyantǝr Hyal ni ka si adzǝni ka nkǝrɛ alari, “Thlawardzi, gǝ nam tara ɓui maiwakur aka Hyal, Thlaku ni dzǝ adzǝ ngɛ.”

Luka 2:8

Ba ndzǝr ɓǝla yarɛ adai ada ndzai ata babal abǝla ata hǝiya mǝlmɛ tǝ dar ada wul mawiyir dar avǝrvǝri.

Luka 24:4

Tǝ dar tsu akwa ɗǝnga ata kǝra sǝ ǝni, tǝkǝma ndza sǝli yarɛ laka sǝɗɛ aka kariyir dar ada mbǝli apa makǝiyir hyal ada hyati ata ngwama dar.

Yawhana 12:41

Isaya nkǝrɛ ahani kadǝbar dzǝ wula nggakur Yɛsu, dzǝ ka ndǝrɛ ata kǝrari.

'Ya Su 12:7

Tǝkǝma ndǝr hyantǝr Hyal Thlaku tsantǝdzi ba paraku ka mbǝli akwa fǝrsǝna. Dzǝ tsarar Bitrusu ata ghyimbiyari ka hyanti tǝni ata hanyi. Dzǝ ka nkǝrɛ “Hyati, bǝtu!” Ba tsalala nam ata tsiyari ka pughǝldzi.

'Ya Su 27:23

Yi zǝndi ǝni kadǝbar navǝri Hyal nam tǝ Yi nǝni ba tǝ Yi ada 'ya kǝthlǝr alari hya ndǝr hyantǝr Hyal nam tara si ka hyati ata ngwama wai

'Ya Su 5:19

Ama avǝrvǝri ndǝr hyantǝr Thlaku mburnta nyavǝr fǝrsǝna nda dzǝ ka mwari aka ndzǝr hya yarɛ ni abǝla ka nkǝrɛ ala dar,

2 Ndzǝr Kwaranti 3:18

Ba muri nam tǝ kǝma muri kura aka sǝr ndǝrkǝr ada tsanǝ mbǝlǝr Thlaku, ndǝ pali tǝ muri alǝkwa par ní aka paraku nam ada mbǝli nam ada dzagǝdzagi; ǝni si adzǝ Thlaku nam dzǝ dza Mambǝlɛ.

2 Ndzǝr Kwaranti 4:6

Akuya Hyal, dzǝ nkǝrɛ, “Ngyar ka paraku mbǝli asǝba akwa kuthlɛ,” dzǝ mǝrti tǝ parakǝr ní ada mbǝli akwa ɗǝfa muri ka dzǝ la muri parakǝr wula ka zǝndi mbǝlǝr paraku nam tǝ Hyal akǝr ata kǝma Kǝrsti.

1 Timathlawus 3:16

Aghǝla sanga sǝr yuwɛ, dzǝri ɗǝwa-ɗǝwa ni nǝr Hyalkur ani ngga: Kǝrsti tsantǝdzi akwa kumǝr dzɛ, Mambǝl ni tsanti apǝri ǝni dzǝri, Ndzǝr hyantǝr Hyal wula tǝni, tǝ ndǝ 'ya ndǝrǝrni nam sǝɗa akwa ntsa ndzǝr di yarɛ, Ndzǝ mbǝrsa aka dza akwa dunya, Hyal kǝtǝ tǝni alǝti akwa nggakur.

Ndzǝr Ibrahim 12:21

Sǝ ǝni tǝ Musa wula ni dzǝ sǝr hyivǝr nam dzau, har tǝ Musa nkǝrɛ, “Yi ada kǝgǝdzi tǝ hyivǝr.”

Wulsu 18:1

Aghǝla ǝni Yi wula ndǝr hyantǝr Hyal damwa atahyal ada sǝgǝl. Dzǝ aka wada nam ngga, ba dunya ka mbǝltǝdzi atar mbǝlǝr dzari.

Wulsu 20:11

Antǝ Yi ka wula dǝgǝl kuhyikur ngga mwapu aka ndǝ nam ada ndzai ati. Dai aka ati ada whui atǝra ta kǝmari, kadǝbar vui adai ala dar tǝ dar awa lǝkwa wɛ.