Luka 2:25 - Kibaku NT

²⁵ Akwa saka nda, ndǝ laka adai nam ada ndzai akwa Ursalima nam tǝ thlǝmari Simiyaun, dzǝ ndǝ nam kal-kal ba dzǝ ndǝr vǝkǝr sǝlai ala Hyal. Dzǝ ada sǝkǝ vǝr nam tǝ Hyal ata siya mbati Izǝraila, ba dzǝ aka Mambǝl Kartǝ ata kǝrari.

Luka 2:25 Iomraidhean Croise

Luka 1:6

Dar gyapu ndzaiyir dar kal-kal akǝma Hyal, dar ada kǝlǝngkǝr ala sanga tsawur Thlaku yarɛ kal-kal kura aka aibai.

Luka 2:38

Ata saka ǝnda ani dzǝ ka sǝmbwa adzǝ dar, dzǝ ka gwaditsǝni ala Hyal, dzǝ ka ndǝrɛ ata kǝra zǝrǝrni ala sanga ndzǝ nam ada sǝkǝ pǝlidzǝr Ursalima.

Markusu 15:43

ndǝ laka tǝ ndǝ ada kǝga Yusufu nǝr Armathliya mwari kura aka hyivǝr akǝma Pǝlatus ka kǝgyǝ tǝni ka saiyir Yɛsu. (Yusufu dzǝ ndǝ nam ɗaku akwa ntsa Ndzǝr Hakar Yahudi nam ada sǝkǝ siyir kuhyikur Hyal.)

Luka 1:41

Sakatǝ Alisabatu tara ngati thlawardzǝr Maryamu, zǝr nam akwa kutari ni ka haɓǝti kǝrni, ba Alisabatu ka ghǝiyatǝdzi aka Mambǝl Kartǝ,

2 Bitrusu 1:21

Akuya 'ya nabikur ta saga ɓuidzi atar nam tǝ ndɛ ani ada bara wɛ, ama sǝli ada nkǝrɛ sǝ nam tǝ Hyal gha apa tǝ Mambǝl Kartǝ ada pwar tǝ dar.

Luka 23:51

dzǝ dza kura ta yiɗǝ sǝ nam tǝ dar tara mbwai ba tǝ dar ada 'ya. Dzǝ si akwa mǝlmǝr Armathliya diyir Yahudiya ba dzǝ ada sǝkɛ siyir kuhyikur Hyal.

'Ya Su 24:16

Ani Yi ada ha dǝna kǝlara saka ka Yi mǝrti ɗǝngar ɗǝfawai ndzai kura aka aibai akǝma Hyal ba ndɛ.

'Ya Su 10:22

Dar nkǝrɛ, “Karnaliyus ndǝ katsalar saudza kumthlani, dzǝ hya tǝ yar. Dzǝ ndǝ nam ɗaku, ndǝr hyivǝr Hyal, sanga ndzǝr Yahudi ada hǝm tǝni, ndǝr hyantǝr Hyal ka gha alari ka dzǝ kǝga tǝngɛ asi aharni ani ka dzǝ ngati ndǝrɛ aka gɛ.”

'Ya Su 10:2

Dzǝ ndǝr hyivǝr Hyal, dzǝ ada vǝkǝr sǝlai ala Hyal dar sang kaka yalǝrni, dzǝ ada hamnta sataka hang ala ndzǝ nam kura aka su, dzǝ ada 'ya aduwa ala Hyal kǝlara saka.

Luka 1:67

Zakariya, atǝgǝra Yawhana ghǝi aka Mambǝl Kartǝ, ba dzǝ ka 'ya nabikur:

'Ya Su 2:5

Akwa saka ǝnda ndzǝr Yahudi yarɛ nam ada hyivǝr Hyal adai ada ndzai akwa Ursalima tara hyati akwa kǝlara di yarɛ nam akwa dunya.