Luka 19:10 - Kibaku NT

¹⁰ Akuya Zǝr Ndɛ si ka dzǝ baraba ba mbati sǝ nam tara sa.”

Luka 19:10 Iomraidhean Croise

Mata 1:21

Dzǝ ata siya yai zǝr sal ka gǝ vǝti thlǝmari Yɛsu akuya dzǝ ani ata siya mbulba ndzǝrni akwa bikǝr dar.”

Mata 10:6

Kudzǝ ka gǝri mwari adzǝ tǝmar Izǝraila yarɛ nam tara sa.

Mata 15:24

Dzǝ sǝnau, “Ndǝ hya tǝra ala tǝma sa-sa yarɛ nǝr Izǝraila ɗiɗi.”

Mata 18:10

“Ka gǝri 'ya hankal ta gǝri ta rutsǝni wala duku akwa ntsa waza yarni. Akuya Yi ada gha ala gǝri apǝri ndzǝr hyantǝr Hyal atahyal tatang dar ada wula kǝma Bana nam atahyal. [

Mata 18:11

Akuya Zǝr Ndɛ ni kǝ si ka dzǝ bara sǝ nam tara sa ka dzǝ mbati tǝni.]

Luka 15:32

Kǝ ndzai ntsakǝr ka ndǝ 'ya kutsari ba mwapukur ɗǝfu, kadǝbar zǝrma ǝni nam tara sa, ama kulini dzǝ ɓuidzi.’ ”

Luka 15:8

“Kǝna mwala madi ma dzǝ aka kwapar lipǝla kumɛ ba pathlu ka ɗi. Dzǝ adi ata ngiti u'u, ka dzǝ tsarba kǝi ni sang ka dzǝ bara aka hankal har ka dzǝ ɓui tǝni wɛ?

Yawhana 3:17

Kadǝbar Hyal ta hyanti Zǝrǝrni akwa dunya akuya ka dzǝ hakatsǝni ndǝ wɛ, ama ka ndǝ ɓui mbatǝdzi atarni.

Ndzǝr Rauma 5:6

Gǝri wula, ata saka nam kal-kal, sakatǝ tǝ muri tsu kura aka dǝna Kǝrsti nti akuya ndzǝ kura ada ndzai nǝr Hyalkur.

Ndzǝr Ibrahim 7:25

Kadǝbar ǝni dzǝ ada mǝzi ka mbatǝ ndzǝ nam tara si adzǝ Hyal atarni kadukurau kǝlara saka, kadǝbar kǝlara saka dzǝ ada ndǝrɛ ala Hyal ata nyar dar.