Luka 17:6 - Kibaku NT

⁶ Thlaku ka sǝnau ala dar, “Ma gǝri aka hamnta dzǝri nkyiɗǝ laka apa munyar mwalisa, gǝri ata mǝzi gha ala fur lita ni apǝri, ‘Ngutǝdzi ka gǝ ntsu dzi akwa manda nam ngga ni,’ ani dzǝ ata ngandǝrǝr gǝri.

Luka 17:6 Iomraidhean Croise

Mata 14:29

Dzǝ ka nkǝrɛ, “Azǝrɛ.” Antǝ Bitrusu ka sǝba akwa sar ni, tǝ dzǝ ada mwari ata kǝra yimi atǝra adzǝ Yɛsu.

Mata 17:20

Dzǝ ka sǝnau, “Kadǝbar gǝri aka hamnta dzǝri nkyiɗu. Yi ada gha ala gǝri dzǝri, ma gǝri aka hamnta dzǝri wala nkyiɗu apa munyar bwala, gǝri ata mǝzi gha ala paya ǝni, ‘Hyati akwani ka gǝ mwari akwanda’ ani dzǝ ata hyati ka mwari. Sǝ adai ata ndzai dzau ala gǝri wɛ.” [

Mata 21:21

Yɛsu ka sǝnau, “Yi ada gha ala gǝri dzǝri, ma gǝri aka hamnta dzǝri ba kura gǝri aka dzamɛ akwa ɗǝfa gǝri, adi ɗiɗi sǝ nam tara 'ya ala fur kanda ni ani tǝ gǝri ata mǝrti wɛ, ama tsuwɛ gǝri ata nkǝrɛ ala paya ǝni, ‘Mwari ka gǝ ɗalu kǝrngɛ akwa manda ni,’ ba ndǝ ata 'yati apani.

Markusu 4:31

Dzǝ apa munyar bwala, nam ani munya nam nkyiɗu ta sang tǝ gǝ thlǝkati akwa dai.

Markusu 9:23

Yɛsu ka nkǝrɛ alari apǝri, “Kami tǝ gǝ nkǝrɛ apǝri, ‘Ma apǝri gǝ awa mǝrti’? Kǝlara su ata ndzai butu ma apǝri gǝ mbǝrsa.”

Luka 13:19

Dzǝ apa munya bwala, nam tǝ ndǝ tara kǝtǝ ka thlǝkati akwa fwakǝrni. Dzǝ kǝlí ba dzǝ ka ndzai mamar fwɛ, ba ika yarɛ nam ati ni pati kǝi akwa tsizuwari yarɛ.”

Luka 17:7

“Kǝtǝ apǝri pathlu akwa ntsa gǝri aka zǝr kǝi ada tsǝwhɛ wala ada ɓǝla tǝma alari. Dzǝ awa nkǝrɛ ala zǝr kǝiyari sakatǝ dzǝ si akwa ntaku, ‘Azǝrɛ ka gǝ ndzai ka gǝ sǝm sǝr sǝmɛ’?

Luka 19:4

Ani dzǝ ka whuiya lǝkǝma dzǝ ka fǝlti mamar fur lita laka ka dzǝ wula tǝni, kadǝbar tǝ Yɛsu ata kwatsǝni ata whal ǝndari.

Luka 7:13

Sakatǝ Thlaku tara wula mwala ni, dzǝ ka 'ya kalhur alari, dzǝ ka gha ala mwala ni, “Ta gǝ ta tuwa mai.”

Luka 7:19

dzǝ ka hyanti ndzǝ sǝɗɛ akwa ntsa ndzǝr nuwurni adzǝ Thlaku ka yuwɛ, “Gǝ dza ndǝ nam ata si ni, kǝna ka yar sǝkǝ ndǝ damwa?”

1 Ndzǝr Kwaranti 13:2

Ma Yi aka sǝgar nabikur ba Yi ada zǝndi sanga dzǝri ɗǝwa-ɗǝwa ba sanga zǝndi su, ba ma Yi aka hamnta dzǝri nam ada mǝzi ka mbǝyanta paya yarɛ, ama Yi adi aka yiɗǝdzi wɛ, Yi adi mima wɛ.